MPS

講真, 我對這品牌 FIRESTONE AUDIO, 完全陌生.

直至上兩個星期喺尖咀等老婆行街, 無無聊記起有間新HIFI舖就開正喺清真寺隔離,華源大廈20號地舖. 咁就入去坐坐, 聽下歌, 搵個老闆吹下水. 講真, 依間舖的位置真係無敵方便, 勁易搵.

佢地個FB專頁. https://www.facebook.com/hk.savaudio/

入內就見到有個廿幾歲既後生仔招呼我, 咁我當然二話不說就坐低聽下歌先啦. 眼見依間舖頭的器材大部份都係使用方浪代理的器材, WEISS, DEVIALET, VITUS…

 

 

但睇到對喇叭, 我就未見過這品牌了. 問番個後生仔依對喇叭係咩品牌, 先知道本文主角FIRESTONE AUDIO.

 

睇見這喇叭仔, 手工都幾靚喎, 全樺木夾板, 單元使用台灣TANG BAND W4-2142, 都係果句, 我對全頻喇叭真係無咩研究, 不過見到這細小的全頻喇叭, 就令我諗起7308套機. 點解又關7308事? (7308係HIENDY的會員之一, 有關佢既家訪可以睇番 ->> racewong家訪 – 最便宜但最好聲家訪7308

因為依個家訪後, 我再上過7308屋企, 佢當時係用DAITONE的全頻喇叭. 所以見到依隻PAWN101, 就令我諗起7308對DIATONE的擺位.

坐低聽左兩首歌, 第一個聽感係依對喇叭仔好實淨, 以全頻喇叭來說, 佢的超高都算係合格. 當然, 全頻喇叭的優點: 直白, 連貫, 速度快…更是令我著迷.

不過以我記憶, 7308屋企對DIATONE既低頻可以更勁更快, 所以我就同個後生仔表明身份, 比埋咭片. 之後就問準果位後生仔, 可唔可以比我試下擺下對PAWN101的位置?! 得到佢的批準. 我就試下以自己的經驗, 將對PAWN101搬來搬去, 用左十分鐘左右, 就成功了.  你地又會問, 咁成功左D咩? 咪就係將對PAWN101擺中左個室交連位置囉.

擺好之後, 我叫個後生仔坐底聽下同之前有咩唔同, 結果?! 佢咪”O”左咀咁既樣望住我囉. 以一對PAWN101 四吋全頻單元, 出來既氣勢比後面對坐地喇叭更勁更快更狠. 仲有係人聲結像方面提升左應有既六尺高左右位置. 整個音場在喇叭後面扇型散開.

丫, 唔記得講, 當時係使用DEVIALET 220PRO推對PAWN101.

講真, 我寫依篇野的時侯, 有上網睇過其他音響書的REVIEW, 大都是說佢性價比高, 反應快與連貫. 但他們好像寫漏左…依對PAWN101好鬼好爆.  以四千元賣價的喇叭仔來說, 我今次又係勁推介大家, 如果想介紹老友玩HIFI, BUDGET又係咁上下的話, PAWN101必然要試一試呀.

仲記唔記得個地址丫….尖沙咀華源大廈20號地舖. SAVAUDIO.

 

http://www.hiendy.com/hififorum/forum.php?mod=viewthread&tid=108861&extra=page%3D1

  • 目錄