D&M

一睇到個標題: 小投資大改善, 我諗你地一齊會以為又有新款FUSE?! 咁你地又錯晒啦.

Trans-Music Device 這間是一間日本公司, 老闆RYO SUZUKI更是一名在日本出晒名的發燒友. 其公司主力生產一些音響配件, 例如音響架, 釘, 釘墊…等等.

最新推出的產品名叫TMD Polymer with Polishing, 睇字眼就估到依個都係D清潔液果類產品. 但你地只係估中一半, 因為清潔只係第一步, 最緊要係清潔後的工序.

TMD Polymer with Polishing依家係標緻音響代理, 早幾日我收到通知, TMD老闆SUZUKI會到香港, 親身講解及示範這個TMD Polymer with Polishing的使用. 我當然第一時間應承出席啦.

先分享下當日的相片先

大家會見到一盒兩樽的包裝, 紅色是STEP ONE, 白色是STEP TWO, 即係話用紅色果支清潔完, 再用白色果支塗上保修.

 

點解我會用到”保修”這字眼? 因為白色果支除左可以保護金屬面免氧化, 另一作用是修補金屬面因長期磨擦而引起的微細損耗.

SUZUKI SAN仲即場介紹如果有效使用綿花棒, 用作清潔.

 

首先, 綿花棒有分大細SIZE, 最幼身為1號, 粗少少就叫2號, 最普遍見到的SIZE係3號.

 

清潔RCA接頭或XLR接頭時, 佢教左一個好有用的方法, 就係將兩支2號的綿花棒合埋, 再用膠紙將兩支棒夾實. 咁兩支綿花棒中間的罅隙位就用作清潔或塗上保修液. (見圖)

另外就係如何清潔電源線.

而程序方面, 第一當然要使用紅色樽果支作接頭清潔, 清潔完再用乾身綿花棒抺乾清潔液. 之後等十五分鐘左右. 就使用白色果支保修液塗上接頭接點. 再等一小時, 等佢乾透後, 再塗多一次白色果支保修液. 等多一個鐘頭就可以插番上部機.

再簡單D即係要清潔一次, 等十五分鐘, 塗一次白色液, 等一小時, 塗第二次白色液.

咁當然你班友仔一定話咁咪好浪費D時間?! 大哥呀, 你可以一次過甩晒所有線出黎, 一次過跟番依個步驟去做, 加埋都係用你兩個幾鐘啫.

其實我當玩HIFI果時, 有前輩已經同我講過所有線材或器材的接點, 應該每年都要清潔一次, 而當年的清潔劑只係介紹一D工業用的CONTACT CLEANER. 依家TMD已研發這件具清潔與保修於一身的產品. 我覺得每個HIFI友都應該買番盒返屋企囉.

最後, 當然要講埋個效果啦, 當日SUZUKI SAN即場示範, 在場有大約十個音響傳媒, 大家一齊A/B比較後, 一致認為經TMD保修的線材, 無論是RCA或是電源線, 可以講係話提升左15-20%. 其提升方向係全面的, 即是你會好明顯聽到能量感, 線條, 背境都有顯著改善.

至於依兩支野咁勁, 唔會係平價貨啦. 話埋價錢比你知, 貴唔貴就自己衡量啦. 我當日試聽完SUZUKI SAN的示範後, 我都忍唔住入左一盒玩下.

代理: 標緻音響 (旺角添置大廈六樓)
TMD-10 (10ml) – $1280
TMD-20 (20ml) – $1980

http://www.hiendy.com/hififorum/ … d=114153&extra=

  • 目錄