有如果大家有印像, 除了ARC前級 REF.5直上REF.5 se, ISOL-8 INTEGRA 直上LC後, 我好似都未試過upgrade同廠型號產品. 今次報告可能是我第三次同廠upgrade.
說穿了, 就是我自己對ISOL-8的情意結. 情意結這回事, 有可能用文字表達嗎? 我盡量試試啦.
對上一篇ISOL-8 INTEGRA報告中, 我曾提及過我除了愛上ISOL-8獨有音色外, 就是喜歡佢個電源輸入使用20A膠頭這設計. 再加上這20A膠頭對電源線並不太敏感, 所以我買入這ISOL-8 INTEGRA後, 可免除選擇電源線比佢的煩惱.
我記得部INTEGRA用只是使用了半年時間, 就比一位家訪的網友請求轉讓給他.
賣左部INTEGRA, 我又身痕ISOL-8的音色, 所以就直上LC版. 
我記得我篇LC開箱文中, 已經有網友話個20A 膠頭太雞, 要求廠方出番個正常15A IEC插. 結果, 廠方喺 上年年尾終於攪掂個IEC頭, 使用埋銠白金的IEC插添.
過年前, AUDIOLINK通知我最新一批ISOL-8 LC SE特別版已到貨, 可以SEND一部比我測試.
妖, 過年先攪D咁既野, 即係又要叫我中毒啫. 話說我部LC使用左唔夠三個月, 又比家訪的網友老笠回家, 一借無機還. 因為佢都中左ISOL-8既毒, 但代理又無晒貨, 最終佢只係過左錢比我咋.
自始, 我又要過著沒有電處的日子. 依家無端端有部ISOL-8 LC SE版話SEND比我測試, 咪即係又叫我買番ISOL-8?!
好, 即管睇下轉左銠白金既ISOL-8 LC SE有無能力要我比錢.
先分享開箱相片.
ISOL-8 LC SE一貫英國PACKING, 兩層紙箱保護.
拎左部LC SE出黎後, 第一時間當然係望下佢個PAT PAT位, 係咪轉左插頭先啦.
據廠方資料, 依個新既IEC插頭使用左銠金白電鍍處理, 喺音質與細緻度一定比原裝LC更佳. 不過LC的PACKING裡面, 都係無跟任何POWER CORD比你. 換言之買入這LC SE前, 你自己要先計劃好使用咩POWER CORD唷.
除了電源輸入插座外, 部LC SE與LC普通版並沒有太大改變. 一樣都係使用銀色拉絲金屬板外殼.
至於大家最關心的地方係, 我使用咩電源線比部ISOL-8 LC SE版呢?
我為左試真ISOL-8的味道, 我叫左代理拎左兩條ISOL-8專用電線給我,
綠色果條係ISOLINK WAVE, 賣價$1500 @ 2M
紫色果條係ISOLINK ULTRA, 賣價$3000 @ 2M
另外, 代理驚毒我唔死, 跟多條STEALTH V16電源線比我
而試線方便, 我當然使用平價線開始試啦, 開始時我只係使用SHUNYATA PS8拖板直接牆蘇. 先用幾隻聽開既流行曲CD及黑膠,
試聽一次. 再甩晒CDP, 前級, PHONO及轉速的電源線插入LC SE. 重申一次, 我今次只係使用ISOLINK WAVE PC試聲.
當落針的一刻, 第一個音符進入我耳中, 就是我熟識的ISOL-8聲底. 依把聲就依我之前部LC果份感覺, 比起只用PS8拖板, 使用LC SE後無論在背景寧靜度, 線條幼細, 音場深度都得到勁大提升.
但聽聽下又發覺新依部SE版既分析力及高頻延伸明顯比舊版提升左大約10%左右 (以我對舊版LC印象去評分). 但諗諗下都無理由丫, 佢入面都無改過野. 只係喺IEC座方面換左個銠白金IEC啫. 條電源線咪一樣係ISOLINK.
當我試過WAVE這電源線後, 我再試埋佢另一條貴一倍既ISOLINK ULTRA PC. 今次使用ULTRA PC後, 高頻既延伸圓潤了, 中低頻連貫性更好. 厚番少少聲.
EEE….個銠白金IEC有料到喎, 我只係試左兩條分別1500蚊及3000蚊的ISOLINK電線, 都可以明顯展示到該線材的特性. 既然咁好玩. 我立即甩番條ISOLINK ULTRA PC 出黎, 將條頂級STEALTH V16 PC插入ISOL-8 LC SE.
天呀!!! 依把聲先係頂級電處應有的聲音, 六個字講晒 – 爽快既音樂感. 用番V16後, 將我套組合的所有底噪一掃而空. 依套機玩左咁多年, 未有試過依家咁靜, 原來我套機既背景可以去到咁黑, 簡直係黑到一個[點].
屏風最強項既立體感, 空氣感, 加上依家既黑到一個[點]. 果份真實感如果真係要用數字去表達的話, 我可以話係再提升30%. 勁興奮!
後記:
兩年前既INTEGRA報告, 當中我除左愛上ISOL-8的聲底外, 另一令我喜歡的設計就是使用20A Neutrik鎖定插頭電源輸入插座. 這的確可以使我唔駛再身痕玩電源線.
不過, 經過今次試完LC SE的銠白金IEC版本後, 依家先知道原來個20A Neutrik插座封印左部ISOL-8 產品的威力. STEALTH V16的強勁分析力與全頻質感, 與ISOL-8 LC SE的寧靜背境起了化學作用. 簡單D講, 這以超越了1+1=2的常規. 依家STEALTH + ISOL-8 = 3 才是音響的真理呢.
我諗這部LC SE版本, 對於未有電處, 或已用緊其他品牌想換下口味, 又或者用緊ISOL-8 INTEGRA既用家, 你地快D聯絡AUDIOLINK吧. 我諗依部LC SE版本好快又會斷貨呢.
代理: AUDIOLINK
聯絡電話: 98364026 / AUDIOLINK MR LEUNG
ISOL-8 LC SE 實價: $33,000
Stealth Dream V16 standard PC 1.5m 實價: $25,000
http://www.hiendy.com/hififorum/forum.php?mod=viewthread&tid=114683&extra=page%3D1
