前晚[相約張國榮在KEF Showroom]活動完滿結束. 在此要先多謝KEF借出咁靚既SHOWROOM及頂級器材, 一對百四萬既MUON加埋一套GOLDMUND. 靚聲保證.

KEF除左借場借器材, 仲準備左靚酒小食比HIENDY會員.

 

另外, 特別鳴謝-[聲望音響], 借出了現今最熱賣既唱頭及唱放 DS AUDIO-DS002. 令到今次的EVENT在黑膠播放方面更好聲.

仲要多謝LEOKING, 帶埋哥哥果套勁罕有既[告別樂壇專輯]黎與一眾HIENDY網友分享.

黎唔到既網友, 的確係一大損失,  不過唔緊要啦, 等我分享當晚相片比你地睇啦.

每次攪EVENT, 我鎗王都盡力提供最靚聲既組合比你地聽. 所以除左KEF SHOWROOM內的一套GOLDMUND與MUON外, 我與聲望音響特別借DS002光學唱頭播黑膠, 比大家可以聽下DS002光學唱頭既拾訊威力.

星期五, 我一早就約左聲望店長TONY食完LUNCH, 一齊上去KEF SHOWROOM SET頭SET盤.

SET完頭TONY就返番聲望, 我就靜靜坐在KEF SHOWROOM, 獨享GOLDMUND + MUON的美聲.

一等就等到18:30, 第一個會員早於18:30已經到達KEF. 未到19:00, 已經坐滿了KEF SHOWROOM了.

開場白都係我鎗王多謝KEF及聲望音響, 及簡介今次為大家播放的器材.

開首第一張碟就選了古巨基的SALUTE TO DEAR LESLIE.

之後就將哥哥既黑膠一隻一隻既不停播放.

當中我安排左一個CD VS 數碼錄音的黑膠來一次比拼.

大碟揀左哥哥隻”寵愛張國榮”來作一次比較.
軟件方面, CD使用了滾石舊版CD, 黑膠就用番滾石最新出既黃膠.

 

大家都知道這隻寵愛張國榮已經係數碼錄音, 喺三四十人既耳朵見証下…. 証實了…..等會員自己講啦.

 

大家一邊聽歌, 一邊細味品嚐美酒佳餚. 不經不覺已經個半鐘, 唯有影幅大合照, 大家傾多陣就散場啦.

講真, KEF個場實在太正, 加上今次有DS AUDIO DS002聽. 又有靚酒飲, 如果唔係驚阻左KEF員工收工. 真係玩到十一二點都得.

ANYWAY, 今次的 [相約張國榮在KEF Showroom] EVENT實在成功, 再次多謝KEF與聲望音響支持.

下次再見大家.

 

 

http://www.hiendy.com/hififorum/forum.php?mod=viewthread&tid=115813&page=1&extra=#pid2769012

Categories: Feature, 活動花絮區
  • 目錄