近期Optoma可謂動作多多，上年8月一部唔到兩萬嘅UHD-60已成為城中熱話。點知不足四個月，打住鐳射光源為賣點嘅ZU658殺到，令所有準備投入4K大畫面世界嘅機迷進入瘋狂狀態，嚟一部、掃一部，百事佬都差D忍唔住拎自己果部機出去炒賺番筆錢。正當個個正頭痕買邊部機之際，Optoma突然又殺入兩部入門價超抵玩4K UHD-50/51 DLP投影機，仲要機仔細細短投距，極之合適寸金呎土嘅香港家居。
上星期；Optoma香港一次過送咗兩部最新引入嘅UHD-50/51 DLP投影機嚟我百事影室，亦有幸成為香港第一個媒體做測試，Hiendy真係有面。既然咁俾面，我亦唔想失禮，所以我誠意邀請到經驗豐富，同時擁有isf及THX雙認證嘅資深會員chhanthony嚟操刀，利用過萬圓嘅專業調校器材，務求讓會員清楚知道呢兩兄弟嘅底蘊。
由於手頭上有兩部UHD-50/51 DLP投影機，經我同Anthony師兄研究過各項規格之後，發覺分別只在於PureMotion及Full HD 3D功能，其餘規格基本上分別不大，為可以盡快將測試報告帶俾會員，最後決定只調校UHD-51投影機作測試。
每位影音高手總會有佢嘅秘密武器，Anthony亦唔例外，打開隨行嘅喼神以純熟嘅技巧，裝裝堪堪，幾個動作就將以下套架生埋好自己位置。
相中嘅助手，就係專誠嚟學嘢嘅Wildman師兄
或者趁住Anthony調校機嘅時候，我俾少少UHD-50/51嘅資料大家參考吓
認住銀色腰帶就知道係UHD-50
兩機風噪非常低，只有25db
鏡頭上方係變焦同鏡頭位移調校按鈕
UHD-51兩組HDMI輸入都支援HDPC 2.2
而UHD-50只有一組HDPC 2.2 HDMI輸入
Anthony首先為UHD-51調校HDR模式
調校配搭先以MEL Cables 8K HDMI線接駁CXUHD
究竟Anthony有無料到，大家睇吓設定前後就一清二楚
明顯地，經Anthony調校過之後，畫面不論層次感同色彩豐富咗，色溫更準確！
調完HDR就到SDR模式
調好喇！睇睇調校內容
實際情況係點，睇吓以下《猿人爭霸戰：猩凶巨戰》藍光碟片段
好喇！經過Anthony接近三個小時嘅調校，到底睇4K電影會係咩表現呢？先將Cambridge CXUHD歸位，然後駁上彩虹魚15M光纖 HDMI線，播放《變形金剛5：最終騎士》片段
金屬感
膚色
色彩
以$16,000嘅建議零售價有咁嘅表現，夫復何求！
後記：
今次能夠咁快速而又精準咁出到呢個報告，真係要再三多謝Anthony師兄抽出寶貴時間，亦感激Wildman師兄前嚟協助。平心而論，今次測試主角的確稱得上價廉物美，係踏上4K路嘅好時機，我相信呢兩兄弟一定又會再牽起另一次搶機潮。至於揀入50定係51，就要睇你有無需要睇3D戲同用PureMotion功能睇波喇！
特別鳴謝：
Optoma借出UHD-50/51 DLP投影機
大口仔AV影音玩家交流工作坊借出彩虹魚15M光纖 HDMI線
Melrose Trading Co.,Ltd借出MEL Cables 8K HDMI線
