最近忙緊六月個展會, 好耐無去家訪了, 最近HIENDY特許商戶, N1老闆NELSON見我最近玩CAS玩得咁開心, 邀請我上去佢屋企聽下佢套CAS交流下.

未講器材, 先講下NELSON間屋先啦, 聽歌地方係一個大L廳, 喇叭左邊係房門, 右邊就係飯廳. 可以講係話香港最典型的家居式擺位. 我第一眼見到NELSON個擺位, 心諗依個廳好難攪喎, 左右兩邊側牆都唔平衡, 好難玩得出個靚音場喎.

重點來了, 大家留意下佢屋企用左好多調聲板, 再加埋聖杯牛肉粒等等, NELSON就係知道自己個廳好難攪, 所以佢用左好多時間去克服依個問題.

XXXXXXX

大家見唔見到喇叭後既左右邊, 屋主分別用上了Vicoustic擴散板, 中間部電視的頂部的牆身, 更貼滿聖杯牛肉粒.

 

 

 

 

 

亦由於SOFA背要貼牆擺放, 所以喺SOFA頂的牆身使用埋VICOUSTIC擴散板.

除左屋主既調聲學問外, NELSON屋企最吸睛係佢對PENAUDIO二佬Sinfonietta Signature, 好鬼靚仔呀. 見佢兩個SIDE FIRE十吋單元, 我估計喺NELSON屋企應該會BOOM到七彩喎.

之後就睇下用咩機推先?! 原來係一套ModWright  前後MONO BLOCK. EEE…用到MODWRIGHT MONO推SINFONIETTA, 可能有驚喜喎.

另外我仲見到好多舊LPS. 一睇就知道屋主對CAS的要求有幾高啦. 除左CAS, 仲見好有兩部機係HIENDY老友Ediscreation出品既CAS SEVER及Ediscreation Fiber Box.

 

大家可能都睇到, NELSON只玩CAS, 屋企連一部CDT都無. 又唔玩黑膠, 可以講係話將全副精力放晒喺CAS.  唔怪得咁有信心邀請我上黎聽歌啦.

我睇晒D器材, 就到線材啦. EEE…佢大部份既線材都係使用MP SOURCE 天籟 和 毒藥. 只有一兩條ODIN喺度調下味. 講真, 我咁多次家訪, 好少可見到一套組合用晒同一品牌既線材. 今次我可以聽清楚MP SOURCE喎.

而NELSON都有玩地盒, 而依個地盒係SR個細地盒. 佢仲一次過拖左三個添. 而地線係使用DIY. ODIN的散線芯.

 

好啦, 介紹完佢套機. 係時侯要坐定定聽歌. 當我拎住本IPAD諗住揀歌既時侯, 第一首試音場深闊, 試空間感, 空氣感, 女聲厚度, 水份. 我就揀左隻小鄧日本演唱會第12首清唱果段去試一試佢.

EEE.. 有驚喜喎, 音場方面, 人聲凝聚力好強, 企定定喺個LCD電視框頂位置, 口型夠細.
舞台空間感強烈. 依對PENAUDIO果然夠堅. 不過闊度方面就真係無辦法了, 物理限制, 左邊音場闊度好明顯受到房間既牆身反射影響, 而右邊又無實牆反射, 所以就算NELSON用左好多ACOUSTIC去攪這問題, 都只能”盡量”減少左右音場不平衡的問題發生.
而音場深度方面, 大家睇相都估到大概, 當合埋雙眼, 可以感受到音場已穿場三四尺.
至於小鄧把聲, 以我這重口味人仕來說, 就略嫌理性. 不過這口味上的要求, 沒有對與錯, 好明顯NELSON的要求係偏向理性, 分析力高, 線條實淨等等元素.
這份超強既理性音效, 我覺得係MPS SOURCE + ModWright既功效.

聽完隻小鄧, 我再拎揀多首MUSICA NUDA既Live a Fip第七首I will survive.

嘩. 對SINFONIETTA既低頻好堅呀. 量感十足…聽左半首, 我就覺得有D奇怪啦, 以這音量下, 對SINFONIETTA既低頻量喺依個環境應該會BOOM到七彩喎, 點解我只係感受到好多層次既低層分析力, 並未聽到有BOOM呢.

屋主NELSON解釋這都是VICOUSTIC擴散板 與聖杯的功效. 不過我今次無時間叫佢AB比我聽下如果無左D聖杯, 會有D咩改變?! 可惜呢.

試完兩首歌, 我覺得已經無需要再試其他的考牌碟了. 之後既時侯, 我與NELSON都只係一邊聽歌, 一邊交流下玩音響的心得, 睇法. 話咁快就聽左兩個鐘, 係時侯要去食晚飯了.

後記:

NELSON這套組合三頻極平衡, 以這個聆環環境來說, 可以做到這樣的音場平衡度極為難得. 這絕對要歸功於VICOUSTIC擴散板 與聖杯的功效.

另一令我驚喜係我第一次聽MPSOURCE毒藥, 果然好毒, 佢最勁係低頻的控制力, 線條層次出晒黎. 但又唔會影響中高頻的量感, 唔怪得咁多高手都中左毒藥, 要搵NELSON解毒啦.

最仲一件器材, 攪到我依家都15/16, 就係Ediscreation Fiber Box. 真係好堅!  玩CAS必備…. 估唔到今次既家訪連我這個餅主都會中左光盒毒….

http://www.hiendy.com/hififorum/forum.php?mod=viewthread&tid=116502&extra=page%3D1

 

Categories: Feature, 家訪世界區
  • 目錄