依個報告, 我想攪攪新意思, 將個次序調轉黎寫.

參考價$55000 2.5M既超抵玩喇叭線 : TELLURIUM Q SILVER DIAMOND (下稱SD).  

哈哈  , 依個TOPIC肯定又有D花生友話鬼我五萬幾蚊都叫抵玩?! 鎗王又想寫D咩呀?!

咪嘈住啦, 睇埋我寫咩先啦.

 

大家有睇開豬賓之前有關TELLURIUM Q既報告, 初步都知道這品牌的市場策略只得三個字- [性價比]. 這品牌由英國本土熱賣到香港, 我諗有一個型號你地一定要知. 就係佢地喺英國最好賣既TELLURIUM Q BLACK. 聽代理講, 依個BLACK型號喺英國, 以同價位(港幣$3510)來說, 已超越了眾多品牌, 成為英國最暢銷既線材型號.  如果你地仲記得我曾經出過個POST, 將SILVER DIAMOND SC換成BLACK SC. 以價錢相差20倍來說, BLACK SC在性價比上, 的確贏晒條SILVER DIAMOND. $3510 VS $55000喎.

咁你一開始又話條SILVER DIAMOND超抵玩?! 咁你不如介紹條BLACK啦. 哈哈, BLACK SC唔駛點介紹啦, 作為入門級線材, 我諗唔到第二條SC可以好聲得過佢. 所以如果你想毒你朋友玩音響, 在線材方面, 我強烈建議你地一定要介紹TELLURIUM Q既入門系列比你地既朋友.

而依個報告, 我都要就番HIENDY網友既水平, 所以最終我只會介紹SD SC.

TELLURIUM Q這品牌在線材的用料上, 佢公司講過係絕對保密. 即係話你唔好問我依條SD既線芯係咩料? 我都答唔到你, 而你亦唔會喺INTERNET搵到相關資料. 哈哈.

咁依個報告有咩好睇?  我用D咩黎測試依條TELLURIUM Q二佬SD SC?!

測試使用器材:

黑膠盤: NOTTINGHAM ANNA LOG

唱頭: Shelter Accord with Shelter 411TYPE II升壓牛
唱放: LOUNGE LCR MKIII
前級: ARC REF5SE
後級: BRYSTON 7B SSTC
喇叭: MAGNEPAN 3.7

我知道依條TELLURIUM Q SD一定唔會令我失望, 所以我開頭只係拎左D 80年代中文流行曲出黎聽左幾首.

發覺這對二佬SD比我的第一印像係密度奇高, 喺我屋企出現過不同品牌的喇叭線, 如以密度實淨來說, 這對TELLURIUM Q SD可以話係最高密度既喇叭線. 由於佢地密度高, 加上80年代的純ANALOG錄音的質感, 使得背境樂器能真實還原出接近現場一樣既感覺.

有一樣野比較過引既係, 當我使用SD喇叭線聽番D之前覺得好大ECHO錄音既黑膠時, 竟然感到ECHO好像少左, 順耳左. 可想而知, 對SD SC既背境寧靜度已去到最頂級的境界.

試完流行曲, 就拎D 古典天碟出黎爆一爆佢啦. ARNOLD SIDE A既A SUSSEX OVERTURE一出個音場深左. 如果以我既皇帝位來說, 佢大約深左四尺左右. 這SD有份令你越聽越有驚喜的特質, 當份低頻來的時侯, 量感與質感很強. 高低起伏既速度令我覺得這是美國牌子的線材. 但當靜態樂器時, 果份氣氛既張力, 勁深音場的特性, 加埋我對屏風的空間感, 竟令我錯覺上我到了現場一樣.

再試多支小提琴, 新碟來說, 我必試Heartbreak, 由於之前試左古典爆棚, 我大約都估到對SD SC對於播放小提琴獨奏係絕無問題, 丫…唔單只無問題, 簡直就係佢既強項. 大動態與微動態都可以令你聽得一清二楚. 當中既音符與音符之間既連貫性, 一向英國風格, 耐聽舒服.

總結:

$55000係咪好貴?! 我覺得唔係囉. 起碼離現今最貴既喇叭線, 還有一大段距離. 但$55000買入這個剛在香港宣傳的英國品牌TELLURIUM Q, 會唔會冷門左D?! 只要你自己上網SEARCH TELLURIUM Q, 就會知道依個品牌在英國有幾巴閉. 我無需多介紹.

咁以依對SD既表現, 又合乎55K既身價嗎?  

以我試過既喇叭線來說, 佢既表現已超過十萬元級別喇叭線的質素. 點解我咁肯定?! 因為我拎條TELLURIUM Q SILVER DIAMOND SC出去同幾對現今最HIT 品牌既頂級喇叭線比較過囉.

TELLURIUM Q SILVER DIAMOND在所有音效/質感/音樂感等等既元素都唔會輸比十萬元級別的線材, 當然, 佢無法做到[個別品牌既簽名式音色]啦, 好似甚麼SILTECH味, NORDOST味…等等.

再簡單D講, 如果你要搵對廿萬內的喇叭線, 要完全贏晒條TELLURIUM Q SD, 我諗真係無咩可能. 你地唔信既話, 可以去SHOWROOM或者我屋企聽下依對SILVER DIAMOND有幾巴閉. 哈哈.

代理: 龍駿音響
經銷: GURU ACOUSTIC
參考價: $55000 2.5M.

http://www.hiendy.com/hififorum/ … read&tid=117652

  • 目錄