諗番HIENDY成立初期, 正值小弟初燒階段. 喺HIENDY有番咁上下年資既網友一定記得我當時換機,換喇叭既速度係痴X線…而鎗王這名字亦因此而起.
由金桑子轉玩GOLDMUND, 最後搵到我當時最愛的ARC. 一用就用了五年, 這五年間我的前後級與MAGNEPAN屏風, 基本上沒有轉換過.
反而在SOURCE部份就換得密少少…
愛上ARC, 我一心諗住依部REF5SE可以陪多我一兩年, 等到REF6SE出產後才UPGRADE前級部份. 可惜… 我等唔切部6SE了. 因為本文主角既出現…
ROGUE AUDIO, 與我最愛既ARC一樣係美國品牌。 上一代既Rogue audio pre amp, 我只係試過當時既二佬Athena. 聽感上與我部ARC已經係平起平坐， 互有輸贏。 當時一心諗住試埋部Hera 頂級前級， 如果夾到我套機的話， 就轉會吧。 
可惜Hiendy公務一直太忙， 最終等到RP-7出左， 都未有機會試Hera。
一等就等到上次我到膽皇試聽達簫合併。 比我見到佢部RP7前級慘被冷落放在一旁。 我立刻問膽皇可否借部RP7回家測試。
結果？ 你地睇到依篇報告就知我計畫順利啦。 哈哈。
開箱篇：
RP-7 到步後， 只見Rogue的原廠紙盒大大箱，入面放左部RP-7 ， 跟機電線及搖控器。 一貫美國佬風格， 沒有美侖美奐的包裝， 簡單實用。
搖控器又係以實用為主， 一貫合併機應有的控鍵你都可以見到。
至於機身， 你地先睇睇相片先啦。
銀色拉絲厚鋁板，
中間一個橢圓形顯示屏。 兩邊平衡式按鍵，簡約實用。
機頂有個網蓋氣孔, 內插四支PHILIPS 12AU7膽仔. (跟機膽應該係JJ)
機腳使用一貫美國式膠腳。 所以我都預左要搵搵其他墊材去調音， 不過點都會試一試原裝膠腳既聲底先。
機背就兩組平衡輸入與三組RCA輸入。 輸出就兩組XLR 及RCA。 當然玩AV既網友最關注的AV BYPASS, 這部ROGUE RP-7
亦有提供.
機內的佈局就更加重料
另外值得一提係佢個FUSE座， 勁方便你去換Fuse. 不過至於這個報告， 我唔會試換Fuse了。 留番下個報告吧！ 今次呢個報告， 我都係會用返最原裝嘅配件去報告畀大家。 當然包括所有 12au7嘅膽仔。
測試器材；
黑膠系統
黑膠唱盤 ：nottingham Anna log
唱頭 ： Shelter Accord.
唱放 ： Lounge
後級 ：Bryston 7B sstc
喇叭 ：Magnepan 3.7
接線 ：Guru 樂xlr, Tellurium Q Black Diamond xlr
電源線 ：Absolute Creation Versailles PC
測試: (使用全原裝配件, 包括機腳, 膽仔, FUSE)
首先測試人聲， 今次我用咗羅敏莊 隻都市戀歌黑膠大碟 進行試音。
HMMMM…
我作為羅敏莊既超級FANS, 一聽把聲就知道依部RP-7既膽仔跟本未煲過. 以我玩咁多膽機既經驗, 超碼要7X24咁煲佢一星期先會穩定.
好在我依家有玩CAS, 可以REPLY又REPLY咁煲依部前級. 所以我就抽番部RP-7出黎, 用CAS勁煲. 而前級方面, 我就用番我部REF5SE繼續聽歌.
話咁快又煲多一星期, 係時侯要測試依部RP-7的能力了. 我又拎番隻隻[都市戀歌]出黎播.
唔知係咪12AU7與6H30本身已經有著好大的不同取向. 聽人聲絃樂, RP-7的膽味比REF5SE更濃更有水份, 中低頻的分析力更佳.
至於高頻表現, 佢未去到勁幼細, 勁飄逸果種歐式風格. 及而比我的感覺係有厚度, 潤滑的高頻. 喺依方面, 我已諗到個機腳可以轉用SEGUE ISO墊一墊部RP-7, 就可以改善了.
部RP7墊左Segue Iso後， 全頻線條靚晒。 中頻既分析力更強。 微動態都強左好多。
線條靚左， 令我想試試依部RP7喺播放複雜既古典樂曲時， 可以去到咩水平。
話晒我部ARC REF5SE喺動態與分析力一直都係佢既強項， 好多品牌前級都贏唔到佢依兩方面。
先黎一隻簡單D， 上年音技出既羅文-情繫佛羅內斯。
中頻始終都係12AU7既強項， 羅文把聲一出， 男人的喉底聲比Ref5se多出一浸。 感染力更強。 到後面既管絃樂出的時侯， 我好留意佢地的分隔度， 與動態。
話晒我部REF5SE最強就係音場, 分隔度, 細節都應有盡有, 我一直覺得在同價位上, 應該無邊部可以好得過佢. 所以我特別留意依幾項.
當部RP-7墊左上SEGUE ISO板, 聽依類又古典又人聽既樂曲, 發覺唔只線條實淨左, 靚左, 連帶音場的深闊度, 每粒音尾都靚左好多.
不過對比REF5SE, 你話佢贏晒咩?! 又唔係, 因為喺細節上, REF5SE仍然略為佔優.
所以在古典這一關比併, 我覺得RP-7在中頻的水份厚暖最吸引我, 最估唔到係一向強項既音場深闊, 分隔度. 與ARC REF5SE都不相伯仲.
EEE….咪住!! 我醒起部REF5SE已經用緊條BRIMAR FUSE, 反而部RP-7只係用番原裝1蚊粒既FUSE. 仲有果四支12AU7膽仔都未換. 即係話依部RP-7仲有好大既進步空間喎.
我只係將部RP-7墊喺Segue iso上面， 其表現已經可以同部REF5SE差唔多質素, 喺依一刻， 我定下轉會的決定。
而有關更換12AU7膽仔, 與更換FUSE的分享, 就遲D再出報告比大家啦.
再下一部, 我諗住試埋佢對ROGUE M180後級…..
代理: 膽王音響
價錢: $41,000
