四年前, 第一次見這exD Dac係喺定位李屋企。
記得佢老人家一向玩開黑膠, 點知果次既家訪, 佢竟然只係播Cas file.  我仲好記得佢話部DAC係香港製造, 電腦方面見佢只係用一部簡單既Desktop播歌。 使用的USB線是在一般電腦場, 花了二十蚊買入既普通到極普通USB線。
當時聽感係佢D file既密度奇高, 估計佢老人家唔知用咩途徑可以買到D咁靚既File. 後來經好多網友講起這部exD DAC, 先知道這部exD DAC大有來頭.

先介紹一下exD DAC的設計師及老闆ALBERT.
————————————————————-
Albert 自小已對音響和音樂有濃厚的興趣,所以大學時主修電子工程,在學時已經在閒時制作一些簡單音響器材自娛。

除了開發了DoP外,Albert 亦是第一位能夠制造支援 SDIF(DSD) 和 ST Optical (Sonoma format) USB bridge (DDC)的本地音響設計師,令一些舊款頂級和專業 Dac 能正正式式進入CAS 的新世代。

能令一眾用家發揮舊器材固然可喜,推陳出新亦是exD一貫宗旨,為了不讓一眾外國數碼品牌專美,exD亦有設計研發新世代解碼。目標簡單,就是能令音響發燒友無須再付出高昂代價,就能享受極品音色。慶幸亦能受到海外和本地發燒友好評和歡迎。

為了配合CAS發展,exD亦不在僅限於數碼界面和解碼,當中亦有為海外廠商設計各種數碼 module, 另外亦有各類型CAS 週邊器材尚在研發當中,一切有待日後再為大家宣佈。

2011 開發了DoP
2013 USB bridge (2 聲道)
2015 multi-channel DDC (6 聲道)
2018 exD proprietary 1-bit Dac module

——————————————————————

當HIENDY越來越多網友買入這exD DAC後, 我作為餅主當然身痕想試試這部exD在我家有咩表現啦, 所以我就搵左exD依家既代理GURU ACOUSTIC借機.

大家睇睇相片先.

 

exD在外觀的設計好醒目咁使用了一塊厚身白色亞加力膠作為面板, 另到外觀上一眼已令人記得這是exD品牌. 面版只有兩粒制及一個DISPLAY. 夠晒簡約.

而我今次到手的exD DAC係Guru特別版, 使用左WBT terminals.
背板上更是簡約,得一組AES輸入, 一組USB輸入, 輸出方面就備有RCA及XLR各一組. 仲有個IEC電源插, 係咁多啦。

機內既佈局你地自己睇啦, 我開得個蓋比你地睇, 你都估到全部係用晒靚料啦

 

 

 

至於聲音, 我今次使用了Linger部Streamer, 透過USB比訊號佢。

開聲時, 這與我聽開既MSB ANALOG DAC完全係兩類不同風格。 這部exD給我的聽感好高分析力, 幼細。 尤其係中高的延伸, 好明顯佢係走粒粒清, 柔美幼細既風格。這風格真係好熟, 係數碼界另一大品牌既簽名音色, 但聽聽下又有D唔似, 因為exD在中高頻中多了一份水份, 我諗依D就係果兩支膽仔既味道.

當中一定要提一提係佢既背景超黑, 令每粒音符都好立體。

當我播放古典時, 佢既最強項先得到發揮, 音場既濶度與深度, 空間感都好強。 這是我第一聽感, 但聽真D先發覺因空間感大增, 令到分隔度都有好明顯提升。
见佢個USB好有料到, 我就想試下佢另一輸入, AES。

使用訊源係一部三十幾萬既SACDP, 透過AES輸出到exD, 丫, 聽感上與我屋企使用既LINGER透過USB係兩類不同既聲喎, 如果硬要分高低既話, 以我口味, 我會覺得exD既USB輸入比AES強好多, 尤其係音場與分析力方面, 所相差幾遠。

所以經過今次既AES與USB輸入比較 ,我對ALBERT既設計有更深既認識, 可以話佢塊Usb板真係超強, 依家依部Guru版真係好有質感, 又夠靜。 唔怪得越來越多Hiendy網友選用啦。

諗諗下, 我覺得依部exD既聲底真係可以話係香港版既四季.

如果你地諗住買部差唔多價位解碼既話, 記得上去Guru聽埋exD先作決定呀。

經銷及特約試音室: GURU ACOUSTIC
普通版$35000。
GURU版$36800。

http://www.hiendy.com/hififorum/ … read&tid=117762

  • 目錄