我終於搵到對超值又啱我口味既喇叭線了。

有關Audiomica這波蘭品牌, 我唔詳述啦,之前7500martin已經講過下: 中價入門線第一擊 – Audiomica Laboratory – Rhod Reference

如果唔夠喉就自己睇番佢網頁啦。
http://www.audiomica.com/speaker.html

今次我借左依對Audiomica Genimedes Ultra Reference喇叭線係佢產品線的二佬。 定價兩萬幾蚊。

拎到手的Genimedea係最新型號Ultra Reference, 造功比之前更精美, 大家可以先睇睇相片。

線身好柔軟, 偏幼身, 啱晒香港寸金尺土既家居。

至於你地最關心既線芯, Genimedes係使用了330條鍍銀線芯。 換言之佢既性格大致都可以估計到。

由於佢使用鍍銀既線芯, 以我玩線咁耐既經驗, 依類線材都需要煲好耐先會進入狀態。
所以我一拎左盒Genimedes返屋企就立即搵部煲線機連煲48小時。 等佢Run順左先作試聽。

本來我想等埋我對新喇叭到步後先寫依篇報告。 不過當我用煲線機煲左兩日, 再慢火煲多兩星期後, 有一天我聽到一份[在我屋企從未有過的細滑], 開心得我要立即寫依份報告記錄下來。

我如常在家寫報告聽歌, 今曰我揀選了鄭京和既Tchaikovsky & Mendelssohn: Violin Concertos CD出黎, 使用一套MSB播放,

前後級當然係我既新歡Rogue RP-7 與舊愛Bryston啦。 喇叭就依舊係屏風3. 7.

當我用心寫緊其他報告既時侯, 無端端比我聽到一把未試過喺我對屏風出既小提琴拉絃聲, hmmm…點講呢? 有厚聲的幼細, 有水份的力度 .

依把聲音其實我喺另一組合上聽過, 當時使用的器材係全套頂級Goldmund 推動SF Amati. 果支小提琴又係咁有水份,又夠幼細, 又夠分析力。 好恐怖既毒力。 就係果次Goldmund+SF, 我先會中左Goldmund毒。

今次, 依把聲音竟然喺我套屏風出現, 我興奮到跳起。 所以立即開新post寫低我的聽感。
之後, 我拎左張劉美君既CD出黎, 聽聽[大城小事],

我自己好鐘意用依首歌黎測試背景寧寧靜度與中頻女聲的分析力與水份。   背景寧靜就個個都知道, 但人聲既分析力就唔係個個發燒友咁留意。 依家我使用了Audiomica作喇叭線, 我再一次聽到一份好輕微的弱音, 尤其是劉美君每次換氣的開首感覺與句與句之間的技巧性牽引。 如果你地都有這張碟, 我建議你都可以拎出黎聽聽。 你都可能有D收鑊呢。

聽完依份柔順, 又令我諗起控制力與穩定度是否一樣高質呢? 結果我又拎左隻紅魔鬼CD出黎爆一爆,

講真, 依對Genimedes雖然只係鍍銀線芯, 但唔知係咪有番咁上下粗度, 在聆聽爆棚樂曲時, 不單沒有腳軟軟, 反而比我聽到一份穩重感, 在全銀線的特性下, 佢既幽美柔和已經無需擔心, 另一特性係佢既分隔度, 音場既深度都出色, 聽爆棚古典時, 這個深度與分隔度最為明顯。

總結:

喺我寫這報告之前, 已有雜誌前輩們測試過這對Genimedes, 佢地比較直白地告訴讀者們, 這對根本就是平民版AN Sogon喇叭線。

而以我自已的聽感來說, 如果單論絃樂的柔韌度與優美感, 這Audiomica Genimedes係我試咁多對喇叭線中最為優越。 如果將佢配搭上我的新喇叭, 我可以想像到佢可以為我對新喇叭加添一份水份及優美感。 你可以話這份優美係味精, 但能令發燒友比錢的, 往往就因為是味精。

至於我自己鐘唔鐘意依隻品牌既味精? 你地留意下我個簽名啦。

代理: 線舖
價錢: 2M $19,800

 

http://www.hiendy.com/hififorum/forum.php?mod=viewthread&tid=118051&extra=page%3D1

  • 目錄