鎗王玩音響至今， 換喇叭換得最密的時侯就是我愛上金桑子期間。 由中古的P102後級， 一直Upgrade到當年的頂級mono M8000. 期間我不斷為金桑子尋找最夾聲的喇叭。 由SonicFaber, Focal, B&W, Kharma, 對對都係好喇叭， 但就係唔夾金仔。 最終喺短短一年內， 我換左四對喇叭， 這亦是我發燒階段換喇叭換得最密的時期。
這換喇叭的習慣一直去到買入屏風Magnepan才告一段落。 這屏風一玩就左四年， 當中與很多前輩討論過， 如果唔玩屏風， 可以玩咩喇叭？ 而大家都贊同, 如果唔玩屏風, 可能要用上四至五倍價位既喇叭先可以有機會贏到. 所以我地都覺得如果要換喇叭, 就必定要大洗牌. 對於這概念, 我一向都十分同意, 所以我最緊留意既喇叭大都是廿萬以上級別.
有關我初遇GENESIS MAESTRO [大師], 之前的三篇文章已交代的得清楚了. 詳情可以睇番下面幾條LINK.
絕對誘惑-WILSON BENESCH ACT ONE EVO
死啦， 又一對啱射程既喇叭 – GENESIS® MAESTRO
越踩越深之選擇喇叭之路. Wilson Benesch Resolution
其實去到最後, 我自己一個到廣州試[大師]與 RESOLUTION的時侯, 獨自一人在火車兩小時, 飲著咖啡, 慢慢分析這兩對喇叭的利與弊.
以價錢來說, RESOLUTION接近四十萬既價錢, 與[大師]實在有一段好大既距離. 我自己今次大洗牌, 對喇叭既BUDGET大約係25萬左右, RESOLUTION實在超額太多. 如果買左RESOLUTION, 咁我就無錢再換後級了….
咁RESOLUTION 超額啫, 點解唔考慮WB既ACT ONE EVO?? 
無錯, ACT ONE EVO既售價大約21萬左右. 的確喺我既射程之內.
以ACT ONE EVO人見人愛, 車見車載既外型, 加上WB獨有的音色性格, 的確係一個好好的選擇.
可惜我玩屏風多年, 聽慣左咁大既音場, 對喇叭既高度我尤其關注. 
當日在凌智SHOWROOM, ACT ONE EVO與[大師]拍埋一齊的時侯, 你就會發覺[大師]的高度比ACT ONE EVO高很多. 當然, ACT ONE EVO與[大師]兩對的音色可以話係英式與美式的比較, 沒有好與不好. 只有喜不喜歡. 講真, 只講音色, 我的確更愛ACT ONE EVO. 但一說到音場的完整性與密度, MAESTRO明顯更適合我自己. 加上[大師]的半主動式低音箱與可調節面板, 我有決定了. 
哈哈哈.
我的新喇叭入屋了….GENESIS MAESTRO [大師]
這對擁有160磅一隻的[大師]真係好重好重, 在此要多謝凌智員工幫手開箱搬出黎, 否則單靠我一人之力, 都唔知要攪幾耐先搬得出佢.
新喇叭落地, 我都係大約放番喺對屏風既位置附近, 喇叭線當然係最新入手既AUDIOMICA二佬啦. 而一對電源線就使用GOTHAM既85055供電比[大師]既內置放大器.
不過我都唔心急開聲住, 因為我要先理解左喺喇叭背板的所有微調旋鈕, 最重要係睇下GENESIS廠方的官方建議SETTING. [這個很重要唷, 因為我之後既所有報告都會用番官方SETTING去試音. 希望可以用最基本SETTING去測試任何器材.]，但很可惜， 經了解左塊Adjust panel後， 發覺這對大師係無所謂的官方建議。 因為每個聆聽環境都不同， 佢只係建議用家可以先將Adjust panel上的四個制set到12點。 用家就可以跟據你屋企既環境作出微調。
見晒本說明書, 大約都清楚這對[大師]背板的功能, 其實睇佢個市英文名都估到啦。 哈哈。
係時侯要為佢搵番八粒既純黑壇木釘墊墊起佢先啦. 大家可能問我點解要用這黑壇木釘墊?! 原因係我之前聽過這對[大師]在中頻的表達偏向理性, 所以想加番少少木味啫. 哈哈. 你估我遲D唔會拎更多釘墊去試這喇叭嗎? 
大家可以睇睇相片, 每對[大師]的底部都有塊一吋厚既亞加力膠, 而在這亞加力膠的四個角位都有原裝的釘腳.
講番依對大師設計， 2部份5路無源單元， 加上四隻8吋既有源超低音， 大家都估到佢分頻器的複雜性。
而大師與亞加力膠板中間， 分別用上四粒已經鑲實的膠腳作為化震調音之用。 換言之大師的設計者明顯想將這對喇叭懸浮起。 盡量將地面傳來的震動減至最細。
GENESIS MAESTRO主要使用四份組件， 高中音音箱， 低音音箱， 超低音音箱與亞加力墊板而成。
而每個音箱中間都有一塊半吋厚既亞加力膠板分間。 我估這設計除了美觀， 還有調聲作用呢。
好啦， 講完音箱， 係時候要講下你地最關心既單元。
全對大師使用九單元設計， 上面無源部份就使用5路單元， 分別係
前後兩個GR3T高音單元，
前面中音使用一個4.5吋鈦金屬單元
前後兩個中低音就用左6. 5吋鋁合金單元。
有源部份， 前後共四隻既8吋 Ribbed-aluminum cone.
可以想像到， 小小一對九單元既喇叭， 其分頻器的複雜性有幾高。
先講下我最愛佢前後兩個既（環型散熱鋁帶高音 GR3T）。 在此之前， 我未聽過依個設計既高音單元， 但在凌智第一次聽過之後， 就愛上這個咁特別既高音單元了。 佢比一般既絲膜高單更亮麗， 更有金屬味。 但又不像鈹高單咁硬。 丫。。。佢既名稱咪已經寫左囉。 ［環型鋁帶］， 唔怪得我咁鐘意啦， 我既舊喇叭正正就是使用鋁帶發聲。
中頻單元， 我都係第一次聽鈦金屬單元。 不過以我玩鈦配件的經驗， 可以想像到鈦金屬的獨巿厚度與明亮感， 用喺中頻單元的毒應該會很有感情， 又夠貴氣。
中低頻及低頻單元就使用長衝程的鋁金屬單元， 夠輕， 夠快，又有量感， 加上長衝程。 可以話天仙配。
好啦, 喇叭就介紹完. 由於依篇介紹篇太長, 所以我會分兩集.
我下一篇會分享有關依對MAESTRO大師既擺位過程, 又會分享線材與器材的配搭過程…大家記得留意HIENDY啦.
