全新GENESIS MAESTRO終於到達屋企, 前PART ONE只係介紹左對喇叭既特性與單元設計等等.
今次我就打算分享一下我依對喇叭到步後, 我攪左D咩令佢更好聲.

發燒友個個都知喇叭係主角, 所以大家在考慮一套音響器材時, 好多時都會建議先選定喇叭, 才配對不同性格的器材, 當中包括前後級與線材等等配搭.

但如果好似我今次咁呢? 只係換左喇叭, 喺我舊有既器材方面, 可以點去遷就番MAESTRO呢. 哈哈.

大家都知道我屋企全套機都係為我對舊喇叭而配搭及setup. 依家換左對Genesis Maestro, 的確令我好頭痛。

新喇叭入屋, 我諗每個發燒友都會同我一樣, 心急咁駁晒線就開左聲先。我之後再慢慢執番個擺位與線材墊材…最後都係攪唔掂先會考慮更換器材, 前後級或合併機. 這對MAESTRO大師由於全新喇叭, 我都唔心急攪擺位住, 等佢煲番一個星期左右先慢慢攪.

喺依一星期裡, 日日聽住佢聲音上既變化, 當中尤以中高頻變化最為明顯,  頭一日真係拮手拮到我要將佢既高頻收到最細..中頻又硬聲, 無晒分析力….

但這情況只係第一二日, 第三曰既中高頻開始柔順, 可以聽得入耳了。。
既然開始入耳, 就要開始了解一下依對擁巿九單元既喇叭特性。

正路既擺位, 我一定係放在屏風的位置上, 大師既前板與屏風一樣角度. 可惜係大師的深度有尺半深, 如果照屏風的位置, 一定會阻到條走巷, 我老闆一定唔會批, 所以最終唯有將對大師再推前多六吋, TOE-IN角度與屏風的角度一樣.

開聲後發覺依對大師既能量感好強. 如果跟據之前屏風的擺位, 在中間的空間會有好多野重疊左, 好亂. 所以我將兩隻喇叭再拉闊多一尺, 即每對喇叭大約六吋. .拉闊後, 中間既清晰度提升了很多。

不過音場的深度好似淺左D, 所以我又拉出多兩吋. I 至於Toe in方面, 我只係跟據廠方建議, 水平擺放。。無Toe in.。

及後聽多兩首人聲, 發覺中頻結象應該可以再清晰D, 所以將喇叭微微Toe in至5度左右。
唔知大家仲記唔記得我之前寫過7308家訪, 文中八爺既格言係只要set到人聲口型結實釘在喇叭後兩三尺, 高五六尺左右既結像。。咁大致上都唔會錯得去邊。我餘下只剩下全頻的平衡度吧。

好肋, 依家人聲定位結像都算係set好左, 而喇叭既擺位亦都得到老闆批文。。現只餘下全頻既平衡度與自我口味, 作最後微調。

喺度講埋, 平時如果一般既喇叭,無得微調節高中低輸出的話, 你就要依靠喇叭既擺位作為全頻平衡度的微調。。例如想高至超高開揚D, 你就唔可以Toe in太多。相反想中間密度厚實D, 除左將對喇叭拉埋D, 仲可以利用Toe in來增加結像的實淨感。而大多喇叭setup既Toe in 角度都係少於七度。。除非有D喇叭廠本身設計係要45度入耳方式, 更甚者可能超過45度, 即是一對喇叭單元方向既交連位, 會在皇帝位前兩2尺左右。

而這對Genesis Maestro 大師既特別之處係佢既背板擁有分音微調。 用家只需擺放好一個合適的位置, set好人聲聚焦在中間, 結像實淨。 其他的全頻平衡度就可以依靠這個調節鈕作出微調。 而這亦是我選擇Maestro的其中一個原因。

由於新喇叭處於變聲時期, 如果係傳統喇叭,每日都要微調喇叭擺位去遷就番新喇叭每日唔同聲既轉變。 而Maestro大師 就只需按照你的聽感喜好, 喺後面既面板作出微調。 喺依篇文章我唔會太詳盡分享微調的過程。 因為依家基本上隔兩三天我又會微調一次, 有時又會將高頻增加, 又有時低頻Gain增大, 高音減少少。
又有時覺得中低頻比較混濁, 會將Crossover調低半格。  所以依對喇叭真係好方便, 又易玩出靚聲。

喺擺完喇叭位, 人聲結像凝聚力實淨後, 就要在器材與線材上配搭了。 尤其係我屋企套屏風專用器材, 就更加要作出適當既微調。
屏風係大食怪, 有只需要有咁大力比咁大力比佢就可以。
但這對Maestro大師則相反, 由於佢既有源低頻已內置Amp, 所以佢對於後級在力水上的要求就相對隨和好多。
隨和唔代表佢易推喎, 因為大師係前後發聲, 剩係上面兩個音箱加埋都每邊五隻單元。

但對於Bryston 7B來說, 推動五個單元可謂易如反掌。 話晒對7B喺4ohm輸出有900w.
但這對於Maestro來說, 真係有D吃不消。

開頭聽大棚古典真係好正, 音場深闊比屏風更大, 仲有空間密度真係強過屏風好多。   不過一播放小型室樂時。 我發現了問題, 我聽到好粗聲 。 嘩。 咁攪唔掂喎, 咁粗聲點聽呀?

還好, 我記得我對Bryston使用XLR接駁, 另外佢仲有兩段輸出Gain 調節。 我立即拎對MEL RCA出黎接駁Rogue RP7與Bryston之間。 另外將Bryston既輸出Gain調細。

就這小小改動, 已能將本來聽唔入耳的粗聲粗氣減至最小, 起碼我依家都接受到兩三件樂器的小型室樂。

不過一播人聲, 唉,莫非 Bryston只能夾PMC或屏風? 無論我換入幾多靚線靚墊, 唔夾就是唔夾。 之前屏風夾Bryston幼滑細緻, 依家反而唔夾Genesis.

睇黎我都要搵定後級了。 唔知邊個有興趣對Bryston Mono呢?

http://www.hiendy.com/hififorum/ … read&tid=118434

  • 目錄