刀神府家訪報告

前序：
不經不覺，認識Dee哥已超過一年多，回憶應該是在Hiendy週年聚會，經沙田友Billy 介紹的。之後一齊飲茶、買碟… 家訪。記得年多前 Dee哥套組合係全Luxmen, 正如才子本年二月篇家訪，已經介紹左刀神（Dee 哥)的音樂之路。刀神對音樂之執著、堅持, 真係令人敬佩。當Dee哥upgrade 左部必文風佬 Brinkmann Edison ，已開始踏上膠毒不歸路。佢毅然變身，放棄CD, 全瞓身膠膠，可見其決心，不成功 便成仁。年初佢入手 T&A PA 3000 HV, 再換埋對 sonus faber 早已震動兩聲道，個個都驚嘆刀神之財力魄力。 加上佢已擁有 JR Transrotor Zet 1 唱盤 + Morch UP-4 臂，完美佩搭。
諗住佢套组合有排玩了，誰不知佢不甘寂寞，跟大隊入埋部黑鳥，加支靚臂，知此消息，我第一時間入紙申請家訪，排左幾星期，卒之到我了。正所謂 ：平生未會金刀神，枉玩HiFi 晒精神。

主旨：
一入大廳，已經俾套雙盤組合所吸引。眼睛停留在隻黑鳥身上，翅膀佩搭 Phantom II 金臂，加 Phasemation PP-300 唱頭。一個字：靚！  隔離係舊愛 Zet1, 美艷如昔。對下係必文風佬 Brinkmann Edison，及主體 T&A PA3000 HV。左右護法係 sonic faber 書架喇叭王。 剩係個look, 觀賞用已殺晒。

感謝刀神擒高爬低，出動雙靚盤，不斷播放名盤頭版碟，誓要攻陷我對木耳。佢先用Zet1 播隻關正傑 天籟，嘩，好detail喎，聽多左好多細微音符。之後用黑鳥播隻 四季小提琴，好華麗，弦樂好靚，節奏明快！交替 播隻天涯歌女，人聲甜美。跟著隻鋼琴 貝多芬，考我定力。Dee 爺笑笑口話：你會聽唔慣書架，冇低頻。不過，耳朵最中肯，我覺得成套組合佩搭得宜，絕冇 過猶不及。sonic faber 中高甜美已出名，低頻都適中。如果唔係，以刀神性格，晨早換左座地了。

觀後感：
刀神繼續加毒，先後播放頭版碟 低音王去測試低音， 敲擊Carmen 去測試反應動態，聽到我摇頭擺腦，兩肩膀件衫都濕左…… 原來聽出耳油。真估吳到隻黑鳥盤咁毐，全部過關。攪到我心猿意馬，不斷向刀神索料，如非太夜，真想飛去聲望定返部。
最後，刀神播隻巫婆，我即O晒咀，mamamei 呀，killing me! 音色超美，要幾爆有幾爆，馬鞍山靚聲王，幻影金刀當之無愧！

後記：
家訪後，我懷著既興奮（平情尚未平伏），又失落之心情回家。閉關兩小時，靜思己過，尋找不足。最後結論，唯有儲錢 up雞部膠盤，以補不足。奉勸各位，如果定力不足，千其千其…….千其咪朝拜幻影金刀府呀！