NEW CENTURY WORKSHOP, 香港發燒唱片業的中流底柱. 第一次睇到這間公司, 就係我既唯一偶像 – 羅敏莊既專輯上見到.

今次既碟評, 正正就係由NEW CENTURY WORKSHOP出品既GOOD TIMES – MEG CHAN

—————————————————————————————

MEG CHAN, 在香港來說, 絕對的新人! 絕對陌生!

在台灣, MEG CHAN是組合[星盒子]的成員之一, 早於1999年已推出首張大碟. 可惜, 在2002年推出最後專輯後, 就解散了.

今年, NEW CENTURY WORKSHOP有幸邀請到亞MEG為佢地錄制一張發燒人聲大碟, 這對於我地依類發燒友來說, 極度有新鮮感.

講返隻碟, 以亞MEG既大頭照作為封面, 足證明唱片公司對亞MEG既樣子有著極大信心 , 在我來說嘛, 當然靚女啦. 如果可以同亞MEG做次訪問, 比埋隻碟比佢簽名就更好.

開盒, 入面既小冊子有多幅亞MEG既靚相, 強烈建議你地一定要拎出黎欣賞欣賞. , 除左靚相, 仲有果十首歌既歌詞! , 其實我都唔知發燒碟要唱詞黎做咩? 來來去去D發燒碟都係依幾十隻英文歌, 不如叫亞MEG寫下感想, 寫下亞MEG既資料比我地睇咪仲好.

不過話時話, 單以發燒碟 + MEG既靚相, 已是值得購買, 原因無他, 本地發燒碟來來去去都係搵番老一輩既歌手翻唱佢地既首本名曲, 這對於我地依輩既後生仔, 真係聽到好鬼悶. 難得有個好似亞MEG咁靚女既歌手出碟, 當然大力支持啦.

當隻碟放落我部CD8, 第一首響起就係 (又係) SUPERSTAR. 去到第十二首既VINCENT. 首首歌我都識唱! 聽到熟晒.

不過亞MEG既獨有聲底, 仍能把我由第一首, 乖乖咁聽到第十二首. 要我用文字去形容亞MEG既聲, 我會用”成熟的少女”去形容, 成熟既唱功帶有少女既感覺. 真係好鬼好聽. 亞MEG既聲底唔算厚, 但就有一種令男人醉心既感覺. 越聽越想聽耐D.

至於發燒友最關心既錄音質數, 我可以話比你知, NEW CENTURY WORKSHOP出品既唱片, 其錄音不用懷疑, 一貫既高質數.

所以今次鎗王誠意推薦MEG CHAN這張GOOD TIMES比大家! 我個人覺得絕對值得支持!

———————————————————
後記 – 寫這篇碟評, 我在網上找到星盒子既歌曲, 首首都好好聽! 如果NEW CENTURY WORKSHOP老闆見到我依篇碟評, 真係要諗諗可否用這張碟既錄音技術, 再重新錄制星盒子既歌曲?