好耐無寫REPORT了, 最近成日比老友問我幾時再出REPORT! 最近試緊咩? 唉! 你估我唔想出多D報告咩?!
但我都要堅持我一貫既風格 – 唔夾聲唔寫, 唔好聲唔寫, 唔靚仔又唔寫. 哈哈.
說易行難! 無論器材/線材/附件…等等, 依家要我覺得好聲又抵玩既產品, 又值得推介比網友, 真係唔多!
我唔係話依家D器材/線材無質數, 只係有質數既產品, 大多都係天價產品呢.
—————————————————————————–
早兩個星期, 有網友已POST過這個INFINITY拖板既相片.
其實我一早就拎左個拖板返屋企測試, 不過要煲透左, 試清楚有無料到先敢出POST分享比你地.
當日我去拎個INFINITY既時侯, 第一眼感覺係好貴族! 咩叫誠意?! 單看packing既木盒, 所有detail位都用足料, 有相有真相. 你地自己睇下.
厚身亞架力板裡面清楚見到三條鍍金10mm平方銅BAR, 每條銅支都鍍晒金, 最過份係DETAIL位既鏍絲都鍍埋金. 係話唔靚就假啦! 插座就選用黑色有蓋既ABL Sursum. 有蓋就唔怕入塵啦.
有網友話佢似HB POWER BAR, 但其實個個拖板咪又係差唔多LOOK?! 唔係航空鋁挖空, 就係成部器材咁用厚金屬板制造! 難得這個INFINITY與HB POWER BAR打破傳統, 使用厚身亞架力膠板制成. 就觀感上, 我覺得已贏了一仗.
細仔睇睇佢個造功, 真係抵我為佢打寫文章, INFINITY每塊面板都刻上該品牌及獨立編號. 你地唔係睇錯, 的確係獨立編號, 仲係刻左入板面. 這直接增加了制作成本.
拖板底部, 使用了木材與純銅制成既釘, 跟拖板仲送多四塊木制釘墊.
INFINITY拖板入電位係使用15A插座, 插座上面仲有一個比你玩地盒既獨立插頭. 所以今次我都一齊借埋個金字塔返屋企慢慢試.
———————————————————————————-
實地測試.
今次測試這拖板既器材就用番我原有的器材+線材.
由於我本身用緊既蛇皇PS8拖板線係VENOM HC 20A, 所以今次要借多條VENOM HC 15A返黎. 咁先可以清楚GURU INFINITY既特性.
先講講電源線, 我先將CD & PRE AMP既PC插入INFINITY. 再駁埋金字塔! 而一對MONO後級就直插兩條獨立線既牆蘇.
使用測試既CD係靚聲王.
首先聽下第三首既鋼琴, 開聲既時侯簡直嚇我一跳. 力量感比我用開既煲透既PS8強好多. 高頻既力量感尤其凸出, 但又好順滑, 無刺耳感. 心諗依個INFINITY有無咁神呀?! 全新拖板+拖板線, 竟可以在短短廿秒內, 就KO左我個PS8?! 聽多陣就發覺有D唔對路, 但又講唔出有咩唔妥, 所以飛歌聽首古典, 小提琴一出就發覺微動態不足, 但力感質感的確係比PS8強. 之後當然黎多首人聲啦, 妖, 又係未煲透既聲低. [中高偏硬, 低頻散亂]. 鬼叫個INFINITY同條VENOM HC全新咩. 唯有插埋對MONO POWER AMP, 強力扯電, 希望可以快D煲熟D啦.
喺插左對MONO落INFINITY後, 我估計力水控制力等等都應該大打折扣, 但結果又係要我跌眼鏡, 全頻既質感比我直插牆蘇時, 只係差左5%左右, 但背景寧靜度與線條, 竟然有所提升. 當然全新拖板缺點既[中高偏硬, 低頻散亂]就依然存在啦.
就係因為這有得有失既結果, 我就用這插法煲左一個星期.
期間個PS8就插電視煲住先.
話咁快就過左一個星期, 終於可以A/B試清楚兩者分別. 當然測試CD一樣拎番隻[靚聲王]啦.
煲左一星期既INFINITY, 比我既感覺係[無色無味, 力大無窮, 細節豐富]
無色無味係因為我由INFINITY換番VENOM PS8, 發揮蛇王原來都有佢既味道. 如果INFINITY係偏爽快, 咁VENOM PS8就係偏柔美.
力大無窮 – 係因為我將對MONO插番牆蘇後, 發覺除左力量大左小小(唔夠5%)外, 背景比插喺INFINITY嘈雜, 線條亦都粗左D, 分析力又差左小小.
所以可以咁講, 今次既比較係以公平既情況咁測試, 大家都使用VENOM HC POWER CORD下, INFINTIY的確係比較合適我套器材, 主因係對屏風真係要比較好力既器材作為推動. 好似我依家就以CD8及REF5se插INFINITY, 一對MONO照舊插牆蘇. 有力之餘又不失優美細節.
如果你地間屋只拉左一組獨立線 / 或無拉獨立線的話, 我誠意推薦你地一定要試一試依個INFINITY POWER BAR. 佢一定會比到驚喜比你地.
代理 – GURU ACOUSTIC
實價 – INFINITY 6 ($8280)
INFINITY 8 ($9980)
官方資料
Infinity Lossless Transmission Power Bar description (Draft English Version).pdf
Link:
http://www.hiendy.com/hififorum/forum.php?mod=viewthread&tid=77151&extra=page%3D1
