睇戲可以話係過年指定動作，點解人鍾意睇戲，因為真係人生如戲，戲裡一句「我真係要走喇」，
竟然真係送走了現實中的叮噹（林保全），唔多唔少為呢套戲帶來幾分傷感。
而呢套Stand by me 亦一反以往打怪獸、冒險的情節；而是一套生活化，有血有肉的動畫，由叮噹（唔好意思，我幾十歲人叫慣呢個名）點解由未來嚟到現在， 到點解要走….. 都一一交代，全片笑中有淚，基本上大人細路個個都比佢D情節搞喊曬!
唔好問我有冇?! 我係唔會答你嘅!
而戲中最重要嘅訊息係, 無論叮噹有幾叻、有幾勁! 大雄要成功，始終要靠自己努力；未來….. 永遠都係掌握在自己手中!
本片大家當係集體回憶也好，為保全叔致敬也好，男女老幼都值得入場支持，尤其三字頭以上的朋友，必會找到共鳴，小弟極力推介!

最後講下今次去機場IMAX睇， 雖然遠少少，但戲飛比出面平，聲音、畫面及座位都非常理想，揸車朋友下次可以去試試。