[官方測試報告] racewong report – Isotek EVO3 Sigmas : Hiendy.com 影音俱樂部

[官方測試報告] racewong report – Isotek EVO3 Sigmas

HIENDY咁多網友都知道我對[電], 有著對某牌子的偏愛. 偏愛的原因, 除了她的個性, 表現風格等等使用著迷外. 還有最重要的一環, 安全性. 全套HIFI放喺屋企, 除左要樣靚聲正外, 安全性的確好重要. 所以, 我只信大廠.

我一直都想玩ISOTEK這品牌的電處電線, 原因不外乎在HIENDY的老友中, 幾個神級玩家都用緊ISOTEK既SUPER TITAN, 就算唔係SUPER TITAN, 都起碼係NOVA+TITAN這組合.
家訪過幾次, 我對ISOTEK這品牌印像很正面. 好想借返屋企試試. 一等就等左三,四年. 今年2015年, 我終於問到ISOTEK代理HIFI德借部最新款既EVO3 SIGMAS返屋企慢慢測試. 至於我點解會借部入門電處? 原因不外乎一個字: [錢]. 就算真係中左毒, 我都夠錢買左佢返屋企慢慢玩. 當然, 如果下次可以再借ISOTEK更高級既電處, 我亦可以了解多D當中既變化提升. 以助我對ISOTEK更深既了解.

—————–開箱—————
收到既紙箱係兩個紙盒包住部機, 部機又唔係想像中咁重喎. 起碼我一個肥佬都拎得起. 大家睇睇相片先啦.

開第二個盒就睇到入面有條EVO3 PREMIER既20A電源線跟埋, 隔離果本係說明書.

<ignore_js_op>

拎部機出黎影下機後面既插坐先. 此SIGMAS供有六個插座.

紅色果兩個插座係用黎插後級.

右手邊仲有四個插座比你插其他器材.

最後就係執番空一格出黎放這部靚靚EVO3 SIGMAS.

收到部咁靚仔既SIGMAS, 我當然立即駁線聽幾首JAZZ女聲先啦. 尤於這部SIGMAS有兩個比後級插座, 所以我第一次試已經將我對BRYSTON插埋落去. 部CD8同REF5SE就插喺左手邊既插座. 至於供電既20A電線呢, 我就用番自己條SHUNYATA VEMON HC, 我覺得咁樣比較會公平D.

今次我就拎番隻好舊既CD出黎聽 – INGER MARIE GUNDERSEN: BY MYSELF第一首既I DON’T WANT TO TALK ABOUT IT.
開首既結他明顯地有彈性左好多, 仲要幼細左. 力量感強左小小. 中段人聲與結他的位置分隔度好明確, 線條比我用緊既PS8更實在.
大家唔好唔記得, 這初步測試只係新機開箱, 已經可以有如此表現. 所以我立即打比代理問實這部SIGMAS定價幾錢先? 比定個心理準備自己, 萬一中毒都夠錢醫病. 哈哈.

哈, 這部定價價值$33,500的SIGMAS, 真係好得我歡心. 所以立即上網搵多D資料, 睇下這個機仔點解咁好聲.

要去睇SPEC. 當然係要去ISOTEK既OFFICIAL WEBSITE啦, 原來這最新一代既SIGMAS係將上一代最好賣既NOVA + TITAN的精華技術集於一身. 即係話依家只需一部SIGMAS, 就可以做到之前NOVA+TITAN先做到的表現. 唔怪得我將對後級插埋去SIGMAS, 反而力感仲強左, 實淨左啦.

有關更多SPEC, 你地可以去上面既網址睇睇.

由於新機開箱既SIGMAS已經比到一份驚喜感比我, 所以我都唔等佢煲透, 已經拎左幾隻聽開既古典CD出黎考驗一下佢.

至於問解我要拎古典CD? 我最近覺得要測試所有電處, 拖板, 電線等等, 古典音樂真係可以試到好多野.

一個收得你過萬既電處, 我既要求當然唔只背景寧靜咁簡單. 當中我特別有要求既係現場感, 音場深度, 動態這三項.

我試既曲目好多, 好似有以下依幾隻比較常聽既古典, 有獨奏有大棚.

當我全套器材插晒落部SIGMAS後, 我聽到既改善係

1)寧靜度大大提高.
2)微動態加強左小小
3)高頻有力左, 但又唔覺吵耳, 可以講係話有水份既高頻.
4)深度及分隔度有明顯提升. 本身我對屏風音場已可穿牆四五尺, 用左SIGMAS後, 聽感上再深多兩尺.
5)中頻線條靚左, 但水份沒有明顯增加. 當然亦無減少.
6)低頻乾淨左, 有力左, 尤其係我對屏風最弱既中低頻, 用左SIGMAS後都有明顯增強.

部SIGMAS用到依家, 我完全無投訴, 但如果你問我會否考慮入手? HMMMM….