早在兩年前已認識屋主, 當時屋主買入一對WILSON SASHA, 使用一套MODWRIGHT前後級與PLAYBACK MPS5. 發高燒既佢半年後又換左對AYRE MXR後級. 線材更換到連我都唔記得幾多對了.

一別兩年, 最近見到這老友大洗牌, 除了PLAYBACK MPS5及一對SASHA後, 前後級更換了一套勁靚又勁貴既組合 – Robert Koda.

雖然我無睇HIFI雜誌既習慣, 但從老友們的口風得知, 這套ROBERT KODA來頭不少, 身價更高達數十萬! 最重要係個個聽完這套RK後, 全部既手指公都係 .

這絕對挑起我對這套RK的興趣. 所以一個PM, 就約左屋主黎次短聚家訪. 希望可以聽下用RK推SASHA既表現.

我地先去相片 (原諒我的心急, 沒帶單反去家訪, 所以只能以手機相片分享)…

大家睇到個霸道的擺位, 係咪好羨慕呢!? 哈哈. 屋主將飯廳改建成擺放器材的位置, 仲有係封左個窗, 使用多層物料做吸音板. 最面果層物料係使用厚絨布. 這幅後牆對音場定位有著很重要的優化作用.

到器材了. 先去相片.

LIST如下:

CD playback mps5 ( audio note sogon PC )
Signal projects Apollon XLR
Pre : Robert Koda K10 ( Argento London 2012 )
Venture chole XLR
power amp : Robert Koda K70 ( gutwire Power X3 )
Speaker cable: vertere pulse x reference.
tripoint Troy Signature ground box

全部線材我都好少接觸, 我諗我最熟都係條Argento London 2012了. 其他好似Signal projects, 我上次只係玩對低一個GRADE的XLR.

但OVERALL黎講, 今次這個”最好聲的SASHA I”, 我諗這個聆聽空間有著最大功勞, 喇叭後的吸音牆, 兩個靚角位, 令音場可以好穩定咁展現出黎. 聽KRALL姐最新大碟WALLFLOWER, 人聲穩穩定在LCD頂的位置, 週圍的樂器亦能穩穩在後方演奏著.

除左定位音場, 人聲水份有感染力, 音樂感應該係套RK既功勞, 需最大驚喜係SASHA既幼細度, 可說是我聽咁多次WILSON喇叭, 最幼細既一次, 聽屋主講, 這幼細度可是喇叭線  vertere pulse x reference的功勞唷. 這平平無奇, 甚至我覺得好鬼醜樣既喇叭線, 真係咁有料到? 屋主再解釋, 佢開頭見到這對其貌不揚的喇叭線, 都唔相信佢咁夾對SASHA. 屋主話用後提升了幼細度, 順滑度, 人聲更加厚潤, 低頻就係線條型. 所以好夾佢套機.

這次家訪, 又一証實了後牆的重要性, 當然最開心係可以聽到一套RK推SASHA的幼細美聲. 真係不枉此行. 在此多謝屋主熱情招呼.