百事佬早前收到風，香港有間唔係做開AV產品既公司，靜靜地代理咗隻踢屁股 — 「Buttkicker BK-Kit-4」，聽講安裝簡易，亦唔需要駁長線取訊號，好奇心之下一於去試吓佢。其實係Hiendy一直都見有師兄玩唔同品牌既震子，全部都係從外國 或祖國訂返嚟自行組合。不過對於大多數會員包括埋小弟呢類DIY白癡仔嚟講，買隻震子返嚟，要先裝上一塊木板，再裝上去梳化底部上緊 (因為唔上緊的話，震子震盪時會令梳化產生好多DD聲)，之後要駁上一部後級提供能量，又要由前級或藍光機超低音輸出賴一條長RCA線橫過客廳取訊號，淨 係睇我打咁多字都估到有幾麻煩，如果技術唔好，隨時反效果收場….

一盒已包括震子、震子底板、擴音器、喇叭線、發射器、接收器、搖控、接線、膠腳等等

原本我只打算去代理度試吓出個報告就算，點知去到發覺安裝非常簡單，所以索性成套攞走返屋企慢慢玩。

從相片中大家可以睇到呢隻震子安裝非常簡單，只需先將震子安裝在震子底板，然後放於梳化其中一隻腳下，當然最好係最接近電源果隻腳啦！大家可能會問，咁張梳化咪唔平囉？

唔使擔心，產品箱內已提供五隻高度相等既膠腳俾大家，可以用一粒螺絲就上實隻梳化腳

先了解一下擴音機既接駁，從左邊開始係訊號輸出，將一條喇叭線駁到震子輸入（見下圖）

之後右邊插上RF接收器

發射器只需駁好電源，再由器材中取超低音訊號

因為我部前級只有一個RCA超低音輸出，而由藍光機取超低音訊號的話，調校音量時就唔會同步加減，所以最後我於超低音喇叭Pre out中取訊號，雖然係RF發射訊號，但我毫無吝嗇插條TARALABS俾佢嘆吓！

簡單幾吓功夫就將個震子裝好，真係適合我呢亭又懶又貪玩既人….

試超低音最好都係用老變啦，由頭震到落尾，包保痔瘡都震散…

由於驚死震唔散，一開始將個音壓校到最大，點知連男人講野都有震震….

好彩呢個套組合係有個搖控器，唔使走來走去調校咁麻煩，將個音量校番細D，當唐C服哂… 發射器由超低音喇叭到梳化大約3m，全程無斷續或干擾情況，震動頻率與超低音之低頻非常接近… 器材預設有三個選擇，影院、音樂及遊戲模式，能夠迎合不同既用家…

試後報告：
起初見呢個套裝只有一隻震子諗住一定無乜料嚟，不過玩落又唔係咁講，開到最大能量時真係成個地都震哂，完全唔講得笑！我個人認為適量既震動無疑係可以增加 投入感，但開得太大就會形成騷擾，造成反效果！假如你已經有一隻質素高、能量大既超低音，又可以盡情地爆而無人投訴的話，你可以完全無需理會呢隻震子。但 如果你係「被訴一族」(爆機時被鄰居及老闆投訴)，或者經常有夜生活既朋友 (夜晚先開始爆機)，又或者係獨男（用耳機眼鏡睇戲打機），呢個震子就啱哂你地玩呢….

 
產品資料

建設零售價：$5000
產品代理　：Base Standard Holdings Ltd
電話查詢　：3153 2770