MPS

於昨天舉行的TARALABS X SOULUTION X YG試聽會, 終於都完滿結束. 睇番咁多位參加左今次試聽會既會員, 個個都聽到唔捨得走.

今次黎唔到既會員, 真係走晒寶啦. 我作為兩聲道餅主, 唯有出番D相片比你睇下啦.

每次星期六攪SHOW, 我都趕頭趕命. 次次都差D遲到. 好在今次有百事佬幫手, 可以早D到步影左D靚相先.

昨天名望音響東哥為大家安排左既器材分別有

SOULUTION 541

SOULUTION 530

YG CARMEL2

而墊左這套SOULUTION就係六萬蚊一塊既CMS頂級墊塊.

 

 

而我鎗王就為大家準備左一系列TARALABS既旗艦線材.

放左喺地下左邊既係旗艦ZERO GME XLR, 而右邊就係二佬ZERO EVO XLR.

仲有一對插左喺機背既接線就係我近期最愛既TARALABS THE 25th XLR.

 

仲有一對連我都未聽過既GME SPEAKER CABLE連接左530與CARMEL2之間.

而因為GME出現既關係, 新出既MONO HFX地盒亦會A/B比較一下舊款HFX地盒既分別.

開場啦…..

首先我既致謝詞當然唔少得啦,

 

 

及後就交比名望音響東哥介紹今天為大家準備既器材.

 

而我為大家安排既線材試聽, 亦由一對THE 25th xlr開始. 再用同一首歌a/b比較ZERO EVO XLR with HFX地盒, 再用ZERO EVO XLR A/B比較單地盒與雙地盒既分別.

這PART A/B比較單地盒與雙地盒, 令大家都”O”晒咀. 這個雙地盒使用後, 中頻微動態, 分析力, 感染力都強左好多.

最後就將ZERO EVO XLR WITH MONO地盒 A/B比較 ZERO GME WITH MONO地盒既分別.

當大家都聽完GME既威力後, 大家都覺得25th就好像小孩與成年人一樣. GME真係贏好多條街.

所以之後既試聽, 全部都使用一套GME XLR及GME喇叭線去聽聽我為大家準備既CD啦.

因為今次試聽會無叫到會員自己帶碟黎聽, 所以我自己就安排左十幾隻我平時用黎試音既CD分享比大家.

話咁快就聽完個半鐘, 係時侯要影幅大合照先.

影完相個個會員都唔捨得走, 留晒喺度交流聽感, 心得.

 

 

而第二場話咁快又開始, 流程同第一場一樣.

 

 

 

當然唔少得大合照啦.

之後班會員完左SHOW後, 仲留晒喺度聽歌, 又係聽到唔捨得走.

 

 

總結 : 今次個試聽會真係好正, 好好聲. 在此要再次次謝名望音響東哥, TARALABS代理3T. 百事佬攝影. 最後當然要多謝多次眾會員百忙抽空都黎參加今次既試聽會.

 

http://www.hiendy.com/hififorum/forum.php?mod=viewthread&tid=86236&extra=page%3D1

Categories: Feature, 活動花絮區
  • 目錄