~~~~~~~~~~~序~~~~~~~~~~~
記得第一個令我有一聽中毒感覺既家訪, 就係去西貢定位李既音樂房聽CJ P1推MAGGIE 3.5. 這次的經驗, 令我內心深處一直認為膽機推屏風先係皇道.
我初玩MAGGIE 1.7時, 就以ARC REF.110推動. 及後因為UPGRADE左3.7, 又唔想買膽後推3.7. 主要原因係推得動3.7屏風既膽後, 大多都超過16支功率膽. 一諗起果堆火爐一樣既功率膽就驚驚.
好似ARC REF.210 / 250, 每邊8支大膽. 一對即16支. 諗起就頭都痛埋.
就係因為這原因, 我UPGRADE左3.7後, 一直都係用石機, 好似PASSLABS XA100.5, BRYSTON SST7B. 當然因公成便, 我試左好多頂級石後, 部部都起碼800w@4ohm. 好似SOULUTION, KRELL, MOON, BRYSTON.
如有睇開我REPORT既老友, 大都知道我差唔多在每個REPORT都有提及過屏風在中頻感染力弱的一環, 而原因我是知道的, 就是我自己不能忘記膽後既水份, 餘韻, 味道. 由其係我依家既聽歌口味, 只有古典及小品, 膽後夾屏風所凝造既連貫性, 空氣感. 石機係無可能做到, 幾靚既石機都無果份味道.
我成日喺度諗, 大力石機都試得七七八八, 今年2015年, 我想試多D大力膽後夾屏風. 試晒先決定大洗牌邊個牌子.
AIRTIGHT
有關AIRTIGHT的小小資料, 可以睇番RACEWONG與AIRTIGHT三浦先生的約會
諗住我第一次中AIRTIGHT毒, 要去到上年既REPORT了. racewong report – Verity Audio Finn with Airtight ATM-1s
當時部ATM-1S合併機仔, 比我既聽感係估唔到佢咁好力, 又幼細, 最難得係佢仲有少少膽既獨有甜味.
今次借到一套AIRTIGHT番黎推屏風, 我對佢地有著好大期望.
~~~~~~~~第一章~~~~~~~~
實地測試.
一套AIRTIGHT ATC-1及ATM-3三大盒齊齊到我家, 我諗都唔諗就將套ARC REF.5se + BRYSTON 拎走. 成套AIRTIGHT換左上架. 我都想知ARC CD8夾ATC-1 + ATM-3有咩化學作用先. 究竟會唔會好似我之前個REPORT咁講, 好力幼細呢?
不過我首先要解決左IC既問題先. 因為我本來用緊既GURU & TARALABS 都係XLR, 但AIRTIGHT所有機都只有RCA輸入, 所以我要先問其他代理借對兩對RCA黎試機. 這REPORT可以成功寫完, 在此要特別鳴謝 – 方浪音響借出VIARD SILVER HD RCA, 及輝煌影音借出VOVOX, 仲有聲望既KONDO LS41.
介紹下套機先.
ATC-1前級.
AIRTIGHT一貫簽名式墨綠面板, 面板既制夠晒簡約. 據代理講, 這部ATC-1 DEMO機已經係DEMO左幾年. 但佢既新淨程度同新機真係無咩分別. 可見AIRTIGHT既鋼水十分耐用.
機背有兩組RCA輸出, 可供用家使用BI-AMP去推動一些難推既喇叭. 仲有埋個PHONO可以比你玩膠膠添.
而ATM-3
這對AIRTIGHT MONO BLOCK, 面板一樣有著AIRTIGHT獨有的墨綠色面板, 中間仲有個調較偏壓錶亮對淡淡的橙黃燈光. 右下角係比你調較GAIN輸出.
最麻煩係選擇三極 / 超線性的按鈕, 竟然喺部機網入面. 即係話用家要自行開左個頂網先可以調較到.
當駁好晒機後, 發見到部ATM-3正面著左橙燈喺TRIODE果邊. 望真D原來代理SET左去三極55W輸出. 聽聞ATM-3的三極55W是最靚聲, 最能夠出到AIRTIGHT獨有甜味. 所以我都打算試一試用55W推我對大食怪屏風3.7, 可以去到幾靚聲.
咁難得借到對出名靚聲既MONO, 當然第一雙碟就拎左小鄧既淡淡幽情出黎. 聽下第一首獨上西樓. 可唔可以令我起雞皮先.
開首果段獨白, 最好就用黎試下女聲毒力去到咩LEVEL. 當小鄧把聲一響起, 我竟然無起雞皮既感覺. 但人聲的確比我套ARC + BRYSTON滑左好多好多. 膽後獨有既水份亦都慢慢浸出黎. 當聽完成首歌, 我先發覺雖然換左成套膽後, 但好明顯分析力與分隔度都未如理想. 唉, 膽機就係咁麻煩, 剛開機起碼要半個鐘至一個鐘先會好聲. 所以我唯有用隻小鄧煲住佢先.
煲左足足兩個鐘, 我先再用其他碟去測試這套AIRTIGHT. 由於本人對膽後推屏風, 出人聲有著極大期望, 所以測試既CD主要都係一些中外小品, LIVE等等.
聽左好多隻唔同類型既曲目, 我首先發覺這部AIRTIGHT 入門前級ATC-1有D料到, 佢既超高至高頻段好靚好靚, 極有水份, 人聲中頻有肉地, 有感染力. 這方面的確比我套ARC+BRYSTON強出很多.
但問題係分析力, 分隔度, 氣勢, 低頻都比我套ARC+BRYSTON略差. 我諗主要係這部ATC-1入門關系. 仲未可以完全發揮到對ATM-3既威力.
至於後級ATM-3既表現, 我聽左幾首由三極55W播出既小品, 再開頂網將輸出調較為超線性110W. 聽番之前聽過既小品, 發覺成個音場都濶左起碼兩尺, 低頻量感更為豐滿. 我諗主要原因係因為我對MAGNEPLANNER 3.7太難推. 無番過百火既後膽後都唔駛諗住可以推得好佢.
講真, 這套AIRTIGHT入門機聽小品我就真係收晒貨, 唔知爆棚 / ROCK 有無驚喜比到我呢?
二話不說我就拎左幾隻古典爆棚出黎爆一爆佢, 丫, 估唔到這對ATM-3在低頻既控制力都幾好喎. 出黎既底頻唔會攪到成屋都係, 有晒層次咁一浸浸咁浸出黎. 至於速度方面, 我可以聽得出這對ATM-3在超線性後既速度係好爽快, 只係今次佢既配搭只係ATC-1入門前級, 所以先拖慢少少佢既表現.
玩完古典, 當然要玩埋ROCK & POP啦. 拎隻ADELE 21, LIVE IN JAPAN, 當爆第一首rolling in the deep既時侯, 一開聲已知唔對路, 去到中段既時侯, 我要調細番個音量. 這根本連LIVE IN JAPAN都唔駛試. 因為這已代表了ATM-3在超線性SET-UP後既極限. 這很可惜, 連ATM-3這對110W既MONO膽後級都推唔掂我對屏風. 可能我下次要借依對番屋企先得喎. 哈哈.
後記,
這套AIRTIGHT 前後級比我既感覺同樣卓越, 當中尤以流行小品給我極大驚喜. 可借既係我對屏風實在太大食. 喺爆ROCK果PART黎講, 可以話真係唔夠力.
我可以好肯定咁講, ATM-3推屏風根本就是錯配. ATM-3推屏風, 仲要爆ROCK就更加係錯上加錯.
ATM-3三極55W輸出, 本已可推動市場上大部份既中大型坐地音箱喇叭. 這並不是我自己吹水, 在香港旺角輝煌影音, 荔枝角代理GURU. 我都聽過好多次用這對ATM-3推唔同牌子既中大型喇叭. 全部都推得唔只有板有眼, 仲要係好好好聲. 所以我先問代理借黎試下推屏風. 等我試下問問代理可唔可以借對3011番黎爆下先…哈哈.
AIRTIGHT香港總代理
GURU ACOUSTIC
實價
ATC-1前級 : $42,000
ATM-3 MONO後級 : $120,000
連結:
http://www.hiendy.com/hififorum/ … &extra=page%3D1
———————————————完———————————————–
