就係因為網友charleslinnfans一句 : Surprise 槍王沒有提起
而造就這個測試報告.
一直以來, 我作為蛇王既超級粉絲, SHUNYATA既電源線我都試得七七八八. 唯獨係SHUNYATA的電處, 一直未有試玩. 而原因我喺我之前既REPORT都有提及過. SHUNYATA電處既威力, 唔駛試都知有料到, 我最驚就係自己中毒無錢買. 所以到依家都未試佢既電處.
先分享佢既照片先. 今次既照片仲加入左近期最HIT既MODEL.
其實試這TRITON V2, 心裡已有預計佢既表現, 這都是因為我成日去聲望音響聽歌吹水, 聽得多TRITON + TYPHON既表現, 自然都估到v2大約提升左D咩.
開箱見到佢既背部,
除左一個20A電源輸入 + 八個美式插座輸出, 竟然比我發覺這V2有四個喇叭插座. 一望而知, 這是地盒的接駁位.
講起地盒, 我諗我除左富貴地盒未試過外, 大部份牌子的地盒我都試過. 在我套爛鬼屏風組合, 所有地盒都起唔到好多改善. 所以我對地盒既感覺一直麻麻.
不過見係SHUNYATA出的產品, 我都好想試一試佢既威力. 但很可惜, 這TRITON V2原裝是沒有跟埋(地線). 而SHUNYATA自己又無出地線, 所以如果各位V2用家要玩埋這地盒, 就要目己配對地線了.
而我這報告, 正正就係因為無地線, 所以…………..
講番佢既電源表現先, 當部V2放上我個SOLIDSTEEL後, 我首先就將所有器材都插晒入V2. 這當然包括我對BRYSTON 7B啦.
以原因就係因為我對BRYSTON係長著機, 所以可以KEEP住咁煲住部V2.
一煲就煲左兩個鐘, 半夜23:00開始認真試下這部V2究竟咩料子, 可以令咁多前輩對佢都又愛又恨. 愛既當然係佢既表現啦, 恨既當然亦是老掉牙果句, 點解賣咁貴?!
以HIENDY咁多SHUNYATA既FANS, 我諗我都唔駛點介紹TRITON V2裡面有著很多礦物沙, 而亦是這些礦物沙, 令到佢既煲練時間更長, 因為當你放好部機後, 起碼要等一排, D礦物沙先會穩定. 穩定左先會更好聲.
所以一開聲果下, 我都唔抱多大期望, 畢竟這V2都係啱啱放入SOLIDSTEEL兩個鐘. 我估計有排都未進入狀態.
我記得第一隻放入我部CD8測試這V2既CD, 係一隻古典. 聽左唔夠一分鐘, 我已經忍唔住打電話比代理.
我: 我想問下部V2比上一代既TRITON多左D咩? 點解好聲左咁多?
代理: 點好聲呀?
我: 痴Q線既分隔度, 極深既音場. 空間感好強. 全頻線條極為實淨….
代理: 哈哈, 都話你中硬啦, 依部V2比上一代既TRITON改良左入面大部份既零件, 甚至所以接線都係全新物料……下刪三千字!
我: 哦..哦..哦….. (其實我跟住都無咩聽佢講野, 因為我實在比這部V2既表現嚇到)
最後, 我問左代理這部V2既售價, 就趕住收線.
試多兩首古典, 確定左佢既強項後, 就要拎幾隻人聲CD黎聽下, 聽下這部實價超過五萬既電處, 喺人聲既表現上有無提升到先.
聽左兩三隻人聲碟, 發覺佢既中頻加入左D味道, 果種味道唔係甜味, 佢係一種感情既表現. 簡單D講係加強左感染力!
至於低頻, 好多人試過第一代既TRITON後, 好多都話佢減弱左低頻, 但我既聽感係佢既低頻表現係乾淨, 實淨, 條線明朗.
正當我試完佢既電源方面既表現後, 正想問其他代理借地線, 測試埋佢既地線表現時, 就收到代理電話, 因為要搬部V2去AV SHOW, 所以要收埋部機先. 完SHOW後再比我試埋地線既表現.
——————————-完———————————–
後記:
其實咁都好, 因為我都未諗到用咩地線夾這部V2, 加上我既ARC & BRYSTON本身都無位玩[地]. 所以我想在此問問大家既意見, 有無ARC OR BRYSTON既用家係用緊地盒? 你地又點駁條地線呢?
代理: 聲望音響
TRITON V2 實價: $54,600
