D&M

廣告上的一句, UHQCD表現直迫玻璃CD. 就令我買左這隻碟.

我知這報告應該放在軟件區, 但當我聽左一首歌後, 決定在兩聲道內分享埋這隻由日本人研發既高質CD.

泰迪羅賓 – 這名字很陌生, 這不是我的年代. 但無可否認, 佢獨有既唱腔, 個性十分鮮明易認.

記得第一次聽這隻點指泰迪羅賓係喺音技, 草哥介紹既玻璃CD點指泰迪羅賓. 當時給我的聽感是 – 原來我都好鍾意聽泰迪羅賓把聲. 無可否認, 靚錄音的確可以令歌者感情表達得更淋漓盡緻. 就是這次機會, 令我深深咁愛上玻璃CD.

講番正題, 這張UHQCD表現真係可以直迫玻璃CD?!

當我聽多幾首後, 發覺UHQCD這新技術的確將CD錄音質數提升至另一更高水平. 比較之前既AQCD, HQCD格式, 這UHQCD既質感, 密度, 背景寧靜度, 分隔度等等都鮮明太多.

但問題係 – 咁同玻璃CD差幾遠呀? 這個我真係唔識答, 因為我沒有這張點指泰迪羅賓既玻璃CD, 如以我在音技聽既記憶評測, 又好似唔係太公平, 因為音技套組合比我家既屏風組合強上不知幾少倍.

所以到最後我都唔知UHQCD係咪真係可以直迫玻璃CD. 唔知草哥可以唔以借隻玻璃CD比我A/B測試呢?! 哈哈.
來源: U-HQCD 點指泰迪羅賓 (Ulimate HQCD)

Categories: Feature, 新碟速遞區
  • 目錄