產品介紹
Matisse, 香港發燒友稱這牌子叫”麥提沙”.
這品牌對於我這個燒左唔夠十年既初哥來說, 非常陌生.
上網搵番佢既資料, 得知這MATISSE原來大有來頭, 依間公司由1988已成立, 創立者RODNY HENSON本身又係一個發燒友, 喺倫敦開發左第一部英國當代評為前級之皇既MATISSE REFERENCE. 而HENSON亦因為見到這部REFERENCE咁受歡迎, 最終決定成立自已的音響公司,生產 Matisse一系列既產品.
而當時能與Matisse相提並論的就只有美國Mark Levinson N0.26和都是由Mark Levinson所再創立的Cello Audio Palette前級,由於以上的兩款都是原子粒前級,而 Matisse 是膽前級,所以到目前,仍有不少超級發燒友珍藏著這部 Matisse Reference 前級!!
事隔多年, 到左這個年代, 老一輩既發燒友口中, 依然提住當年發夢都想擁有這部MATISSE REFERENCE前級.
最近, 我喺一次偶然既機會下與MATISSE香港代理傾談, 得知佢地將會推出一系列既發燒線材 / 附件. 第一炮就係一對極靚聲既XLR訊號線 – GOLDEN REFERENCE LE XLR. 而售價絕對便宜.
代理解釋Rodny Henson本人已處於半退休狀態並深居喺與世隔絕的地方享樂於晚年,但由於手頭上仍有部很多超級發燒材料可用於生產數量不多的精品, 所以佢先決定先把這些原料以限定數量再次推出市場給懂得欣賞的發燒友享用這些絕世精品, 然後會在稍後會有在他完全隱世前再推出一些相應產品。
喂喂喂, 廿幾年前既頂級線材, 邊有可能比得上現今既造線技術. 不過見代理講得咁開心, 我咪話: 咁就要比對XLR我試下啦.
當然, 我個心一直都懷疑這廿年前既超級發燒線, 可以有幾靚聲丫. 最多咪又係中頻水份, 超高與超低都無晒.
到手既MATISSE GOLD REFERENCE XLR, 外觀上無咩特別, 線身上只有一個金色環, 上面刻著MATISSE GOLD REFERENCE.
線身極之柔軟. 線身導體主要為0.6MM純銀Solid core ,由英國一間航天科技公司TCI代工，原有材料主要為航天機械提供傳輸精密訊號而生產，加上設計師用了不了細小Beads 作為填充物，配合最能阻止RF射頻干擾的極輕身屏蔽膠外層，絕對精準地傳輸訊號和保留音樂原有的精髓和靈魂同時不亂作添加色彩！
測試篇
我現用器材都係我套ARC+BRYSTON+MAGNAPAN. CDP去前級既XLR, 一向都用緊我最鐘意既GURU 樂. 前級去後級果對就喺三四個月前換左既TARALABS 25th.
首先我將對GURU換上MATISSE, 聽左幾首古典, 小品, 這對MATISSE給我的第一印象係–[連貫性]. 這又有HIFI友稱之為音樂感.
一對幼幼又極柔軟的線身, 竟可做到極黑既背景, 令每粒音都好凸出, 線條好sharp. 當背景越黑, 就越容易就將聽歌者的心拉入音樂裡, 聽這MATISSE時, 我竟一時沒有留意音效出色與否, 只係不斷咁一口氣聽左四,五首歌. 越聽越有味道. 停不了.
當聽到其中一張LIVE既古典時, 發覺MATISSE定位之準繩, 音場深闊, 低頻量感都完全超出我預期. 這對定價二萬蚊都唔駛既XLR, 竟可做這高水準既音效, 佢喺音效既表現, 我可以講已達四,五萬XLR級數.
及後, 我嘗試將對TARALABS 換成MATISSE, CDP去前就用番GURU 樂.
一份差點遺忘既感染力出現喺我套組合. 
25TH的音效無疑係極強. 但說到音樂感, 這對MATISSE又明顯比25TH高班. 尤其係聽小品人聲時, 人聲的情感最易分別兩者之強弱.
總結:
今次既總結係大跌眼鏡, 一個老牌子MATISSE的貨尾線芯, 經過TCI代工後, 竟可造出一對可稱為-[價廉物美]的XLR.
可惜這對GOLD REFERENCE LE係RODNY HENSON的貨尾, 貨存極少, 全球只能生產50對1.5M的GOLD REFERENCE LE.
而香港更只有十對QUOTA.
代理有見MATISSE好耐都無喺香港宣傳, 襯今次強勢回歸第一擊, 佢地會借出一對GOLD REFERENCE LE XLR比我地HIENDY元老級以上的會員, 親身體驗一下這對價廉物美既XLR. 有興趣既會員, 即管PM比我安排啦.
1.5m Gold Reference LE XLR 實價 – $18,800
銷售店: 旺角輝煌. (旺角友誠大廈11樓)
