D&M

回想一下, 小弟玩影音都已踏入第八年頭了, 一直也是用日系合併AMP, 貪其功能齊全, 但可惜既係中低頻肉地較為欠缺.
於是從云云歐美合併/純前入手, 睇BUDGET做人, 第一部歐美系純前就選用左Nuforce AVP-18, 終於可以一試歐美聲底風格, 果然一試難忘.

Optoma 與 Nuforce 在2014年作策略性合併後, 原有Nuforce班底就改以NUPRiME品牌推出新產品.
而今次測試就係該品牌第一部HD AV AMP.


設有6-IN / 2-OUT HDMI PORT

內置2聲道功放

打開機殼, 一看究竟, 原來殼中有殼

HD解碼部份, 貌似公板設計

打開第2個殼後, 供電部份整整有條

整個供電部份置於另一機殼內, 相信可有效減低干擾

主板設有USB DAC-IN功能, 相信CAS友可以一機多用

小弟器材比較適合於睇戲方面, 今次測試會將七聲道全PRE-OUT交由POWER AMP推放

開機後可見類似於BD機既UI介面, 相信支援高清檔案播放

一如既往, 小弟習慣手動設置, 當然此機推出時會附有收音MIC作AUTO CAL.

首先係分頻點

再黎各聲道音壓
要留意既係此機超低聲道電平較高, 以我隻MK MX-250一半GAIN為例, 要去到-9db才接近其他聲音音壓

最後就係各喇叭至皇帝位距離

攪完一輪, 終於可以開聲了.

測試部份

聲底
一如既往既歐美聲底, 整體厚暖有力, 質感取向, 相信如由日系AMP轉會, 感受會比較大.
以GI JOE 2黑白忍者對決一幕測試:
初交手既子彈/飛標聲清翠利落, 開槍CLOSE-UP時有強烈質感, 而到後續雪山滑索一段, 背景音樂相當有音樂感.
打鬥聲與背景配樂層次分明, 顯示此機有不俗的聲音分隔度.

再黎試火星任務, 此片主角獨腳戲比較多, 主角自白聲音厚潤, 本打算試機睇一兩個場口, 但不知不覺睇哂成套戲.

環繞聲
環繞聲方面, 連貫性及訊息量幾有驚喜, 唔好以為非主要聲道(L/C/R)就可以忽視, 相信大家明白HD音效世代, 各電影都為後置聲道注入大量音效(訊息), 而小弟所試聽的部份入門AV AMP, 硬係會覺得有D聲係無左既, 特別係後置聲道.
此機各聲道定位都比較直接, 埋身感較強, 唯空間感較弱, 可能要靠呃尺去營造返個空間感出黎.

總結: 經兩星期多既煲鍊同微調後, 感覺上聲音較初開機時穩定及開楊, 低頻控制力變得較為線性, 而相處既期間都未試過有LOCK唔到SIGNAL又或者HANG機問題出現, 可惜既係小弟器材類型所限, 未能試到代理聲稱最值錢既DAC同2CH AMP部份.

世事往往如此……….漸入佳境之時, 就到分手之日, 小弟出POST時, 此機已交還代理, 各位如想試下歐美聲系, 相信NUPRiME都是一個不錯的選擇.

  • 目錄