一切原於一粒SR BLACK FUSE.
HIENDY既網友們好似中左毒咁, 不斷出POST毒害網友, 連我這本已百毒不侵既窮L餅主都抵受唔住誘惑, 先入手一粒BLACK FUSE比前級ARC REF5SE, 之後仲要入多四粒比對屏風…
SR BLACK FUSE有無料到, 我諗之前出既POST已經講得七七八八, 所以今次我重點講講本文主角 – Synergistic Research Red UEF stealth black power cord 10 awg (下稱SR Red PC)
老一輩既發燒友一定認識Synergistic Research這老品牌, 品牌當中既電源線喺當年更是超熱門既線材之一, 尤其係佢地既有源屏蔽技術, 更成為當年既熱話!
而我這後輩第一次聽到SR這品牌都係前兩年既SR20 FUSE…一直到今年既Black Fuse. 對上一次去代理買FUSE其間, 睇到佢個飾物櫃有盒SR白盒, 口痕痕問下SR又有咩新野玩
就這一問, 這條SR入門電源線就拎左返屋企測試。 大家先去相片先 —
到手既SR Red PC 係這入門系列既萬用型號, 即係插咩都得, 這包括前後級拖板電處訊源等等。
Outlook方面, 平實中不乏大廠精細。 大家睇相片都應該睇到.
由於我套機大部分使用20A插頭, 所以測試器材只能在CD8 與 Lounge Phono上使用.
我先以這SR Red PC插入Lounge Phono用微電流煲佢兩三日先, 再使用CD8進行測試. 測試曲目都係果D古典, 人聲等等。
初步聽感係我之前預告篇所講既“強於音效, 尤其係高中頻既能量感強而不燥, 中頻略乾, 低頻潛得夠深, 但略嫌伸延不足! 我相信這只是新線未開聲的現像。 可惜只得一條SR Red PC, 攪到我唔可以用對Bryston煲線, 所以唯有長開部phono煲夠佢兩星期先試真章。
煲練期間我日日聽黑膠, 基本上SR Red PC每天都有著可聞改善, 中頻人聲與小提琴更是改善明顯, 厚度與分析力都與日俱增.
最終我等唔切兩星期, 用phono長煲左十日, 就轉插CD8實試.
先試小品人聲, SR Red喺人聲表現上沒有糖衣包裝, 實實淨淨咁還原番錄音水準.
之後當要試埋我隻玻璃CD Piano Concertos。
高頻至超高係這條SR線最吸引到我的頻段, 中高頻去得好盡而沒有[硬]的感覺, 可以講係話這條SR Red的中高頻係有肉地既中高頻, 使用這Piano Concertos的玻璃CD正正表現到SR Red PC既強項。
值得再三強調既係SR Red的分隔度超正。所有樂器的擺位, 樂器與樂器分隔的前後左右位置清晰得像睇到一樣.
至於低頻就偏向實淨收線條, 沒有多餘脂肪。
音場方面都係偏向深度有明顯優勢. 濶度都OK.
聽完這張玻璃CD, 我好心急想知道這條相貌平平無奇, 但音效尤其出色既PC賣價幾多….
SR Red PC 1.8M – 實價 $3000
SR Red PC 1.5M – 實價 $2600
我諗以這價位有這表現, 這條SR Red PC又好快會斷貨了.
