MPS

Racewong report~尋找唱放之路 Moon 610LP

這應是我試過的最貴唱放, 對於Moon這公司或這部唱放的技術資料, 在Hiendy裡大家都可以找尋到才子, 冰人, 數字馬田等等的測試報告, 所以在此我不再詳述了。

今次我只想分享Moon 610LP在我家這套以屏風為主的系統裡, 其表現比到甚麼訊息給我。

對上一次在我家出現過的Moon, 已經是兩年前的850P+880M頂級前後級。
今次, 因剛玩黑膠, 唔想一玩就玩老頂, 所以就問亞洲借左本文主角 610LP回家。 借果時都未知610LP賣幾多錢。只知佢係Moon的二佬, 對上一部810LP就數字馬田之前已經介紹過, 睇番佢個Report, 部810LP被佢形容為-[剛直不阿的美式風情].

在未試MOON PHONO之前, 先上網做左好多功課先, 外國報告大都勁讚MOON PHONO, 當中性價比最高是3系列, 6系及8系就表現出眾. 在香港, 連出名高要求既數字馬田及才子都對MOON讚口不絕, 可想而知佢真材實料. 靚聲就預左佢靚聲, 只係唔知夾落屏風會否啱我口味啫.

到手的610LP沒有搖控, 調較OHM數GAIN數等等的設定都在機底, 面版一貫MOON的簡潔風格.

調較好OHM數後就搵左幾隻古典出黎聽. 果真是一分錢一分貨, 聽唔夠一首歌, 我就更能明白數字馬田所說的正直不阿是甚麼意思.

我聽感上MOON PHONO的自家色彩是強質感與幼細並重. 她沒有誇張的空間感, 也沒有厚厚的糖衣, 我的感覺MOON的PHONO都是結結實實咁還原軟件的質數. 尤其是當我聽一些流行曲, 佢的強質感特質令一些錄音有些虛的錄音變得更實在. 這短短半小時的測試, 令我對610LP的大佬810LP有著更高期望.

不過話分兩頭, 對於我這黑膠新手來說, 現在還未能完全掌握唱頭與唱放的匹配SETTING, 好多時都要用耳仔聽完, 先再微調. 如果MOON PHONO的微調制可以在面板或搖控上操作, 相信會更方面我這類黑膠新手呢.
另一要注意的地方是機背GROUND位離輸入RCA或XLR很遠, 用家要留意PHONO GROUND CABLE的長度呢. 因為我條VDH 501 SILVER差少少就唔夠長駁粒GND位..

希望快D可以試試810LP既威力啦.

代理: 樂燊貿易公司.

http://www.hiendy.com/hififorum/ … &extra=page%3D1

  • 目錄