大家都知道我鎗王比較膚淺, 音響器材/線材/配件都要外表行先. 所以我介紹得既產品, 大都靚靚仔仔, 四四正正.
今年HIFI SHOW, 行過LOWTHER CHINA, 睇到有個椲國人介紹佢既新產品, 我當然八卦埋去睇下有咩新器材啦, 原來個韓國人帶左幾件產品黎香港, 其中最吸引我目光既係一套四粒的墊材. 造功精美到不得了. 不過由於HIFI SHOW其間工作實在太忙, 所以只能約實代理, 完SHOW後一定要借套墊比我試試.
完SHOW後, 代理就SEND 左本文主角 KLAUD NAIN – RESONATOR & RECORD CLAMP (KN). 有關佢的技術資料, 大家可以睇睇下列的官網圖片.
到手的金屬盒外貼上HIFISTAY的貼紙, 內裡就擺放左本文主角KLAUD NAIN.
拎到上手, 感覺這CLAMP不太重, 睇番佢官網講這CLAMP只得450.4g. 唔會太重, 比我用緊既STILLPOINT LPI略輕.
在我的黑膠組合裡, 我試用這KLAUD NAIN放在盤上, 聽左幾隻古典室樂, 再加上一隻流行曲, 發覺這KLAUD NAIN竟有大師水準?
咁咩係大師水準? 咪就係使用碟壓後, 唔會壓死D聲, 但可改善全頻及音場的穩定度. 這碟壓還會提升少許高頻的質感.
如果我以STILLPOINT LPI為比較的話, 這碟壓的中高頻比LPI去得更盡, 音場闊度略大於LPI.
講真我都好鐘意這粒KLAUD NAIN, 同LPI可以互換, 互補長短.
不過我這黑膠新手, 自知未夠經驗試清楚這CLAMP的實力. 所以我決定帶這CLAMP到訪幾個黑膠高手屋企比佢地試評這個新品牌.
而不約而同地, 依幾個黑膠高手都使用硬盤, 測試得出的結果都幾相似. 當KN放在一些已很穩定的黑膠系統上, KN能將你的中高以至超高提升到一個更高層次, 尤其係質感方面, 班高手們都驚訝於這KN的功效.
而另一些高手們的系統在高至超高頻段已玩得很出色的組合上, 加上KN後除增加穩定度外, 對分隔度更有所提升.
當然, 這KN是否無可挑剔?!
先講外型, 這KN型到無話可說. 
講功能, 使用KN後能將你的黑膠系組在穩定度提升到另一層次外, 在中高頻不但沒有衰減, 還會作少許提升. 這對於一些本已很平衡的黑膠組合簡直是個喜訊. 不過我自己使用屏風, 希望KN可在穩定度再可作出改善就會更加完美了.
仲有這碟壓還有另一個功能, 就係如唔聽黑膠聽CD OR CAS時, 只需將粒金屬釘插番入個碟壓, 然後將碟壓放在CDP 或DAC上, 可作吸震用途. 我自己就試過將粒釘插番入CLAMP, 然後於在CD8機頂, 又試過黑膠盤使用STILLPOINT LPI, KN就放在升壓牛上.
對低頻的力度有著明顯提升.
後記~~~
這次測試過程中, 被訪的幾個黑膠高手都已中了這KN毒. 我諗依粒碟壓好快會無晒貨. 我強列建議有玩黑膠既你地, 快D入番粒看門口.
而我自己呢?! 我已決定唔還這碟壓了, 比錢了事. 
代理: LOWTHER CHINA – 德發地庫
實價: $4,200
