玩黑膠玩左半年, 一直用緊條SME V跟臂線VDH 501 SILVER, 這條PHONO CABLE在網上的評價好高, 好多網友都話唔過兩萬蚊既PHONO CABLE都好難全面贏晒佢…等等.
但我一向PAT PAT痕, 由第一日入手SME V果日, 我就已經同威馬講過, 話左我想換條VDH 501 SILVER PHONO CABLE. 點知條死佬話PHONO CABLE無人玩. 所以無量產喎. 攪到我最終都放棄條PHONO CABLE, 專心咁尋找我的唱放.
不經不覺半年過去, 上個月我仲喺日本旅行期間, 上到HIENDY就見到依個POST – [ 肥槍！等你返嚟試！]
原來威馬咁好記性, 仲記得我想換PHONO線….
人生有此老友, 死而無憾啦.
回港後因為工作太忙, 好遲先去威馬舖頭拎線, 一拎條線回家就將條VDH501 SILVER換走, 換入WILMER PHONO CABLE.
不過我都知新PHONO CABLE有排煲, 所以我都唔急於出REPORT, 由佢慢火慢慢煲吧.
一直至上星期有老友上黎家訪, 佢見到威馬這條PHONO CABLE後, 流晒口水
鬼咩, 由威馬親自包線裝頭, 沒有醜樣的理由吧. 加上老友見到條PHONO CABLE仲有多條線仔, 用黎接駁地盒. 這對於玩開黑膠, 又玩地盒既老友黎講, 佢簡直想老笠我條PHONO CABLE據為己有添..
好, 我地先去相片先.
此線使用純銀加漆包銅；碳纖維加棉網；雙屏蔽加可接地盒（獨立屏蔽層）；全銠白金插.
講真, 先唔好講聲, 睇料睇造功, 外國品牌一定索價過萬. 可幸的是這條PHONO CABLE是本地威馬牌出品, 加上這線由威馬親手裝造, 在我來說, 這已是[無價品]了.
講番我老友流晒口水時, 佢聽左大約十首歌後, 對這條WILMER PHONO CABLE的評價是雖然未開聲, 全頻聲音略緊. 但仍可聽出條WILMER PHONO CABLE的特點是寧靜平衡, 低頻豐厚實淨.
及後, 佢又要求我更換番條原裝VDH 501 SILVER去A/B比較. 我當然無問題啦, 就換番條VDH 501 SILVER再聽多次, 一樣聽番剛才果十首歌. 越聽越不越不對板, 條VDH 501 SILVER在中高方面明確比WILMER更活潑, 線條更實淨明確. 只是在低頻量, WILMER比較佔優.
A/B比較完後, 老友的評論是條WILMER未煲好, 因為ABA再聽番條WILMER後, 全頻的確比較緊, 即唔夠鬆容. 中高略乾.
最終我都要問大草哥借條煲PHONO線的轉插, 用大火煲條WILMER兩日先再測試.
煲左兩日後再試聽, 我可以好老實咁話比大家知, 當初的問題全都一掃而空, 經煲線機猛火煲完後的WILMER PHONO CABLE, 依條唱放線的持質更能發揮出來.
這威馬唱放線的特點, (註: 在屏風組合上的評論)
高頻是圓潤, 略為修飾, 長期聆聽都唔會有疲勞感.
中頻有水份有肉地, 厚聲偏少少中低頻方向. 對一些聽POP 或ROCK等等的發燒友, 其中低頻的抽擊力好吸引.
低頻好豐滿, 尤其在我的大屏風組合裡面, 這條威馬唱放線明顯是針對我套組合而制作的. 哈哈.
在音場方面, 深度適中, 強項在於高度與闊度, 這明顯比VDH501優勝.
最後, 我先問番威馬, 條唱放線有無諗過量產? 打算賣幾多錢?
原來佢開頭真係無諗住賣, 一心只係整條唱放線比我玩. (感動流淚ING)
不過後來見有網友都有興趣, 佢先定番個價出黎.
咁即係幾多錢呀?!
實價 $4,300, 1.2M
Wilmer Workshop
