有味? 咩味先? 
SHUNYATA產品一向比發燒友的印象都係無色無味殺於無形. 但我作為蛇王的超級FANS, 我絕不認同.
先談線材, 舊款的CX系列玩到依家既SIGMA系列, 基本上每代都會有蛇王的簽名式動態, 型號越高, 兩極延伸與微動態越強. 當中我最為欣賞係佢既低頻與超低頻的表逹方式. 我大膽D講, 佢既低頻係可以用千變萬化來形容, 只要你屋企套組合夠平衡, 你就會感受到我所講的千變萬化, 低頻層次多變到你唔信.
至於中頻與高頻, CX系列在中頻方面係好率直無味, 之後到ZITRON系列, 中頻肉地明顯厚聲了, 微動態不在焗限於底頻, 在我首次測試ZITRON ANACONDA時, 人聲變得濕潤, 當時我是估計唔到呢.
論電處, 我由最平既AMP1, 試到最貴既TRITION V2, 差在未玩埋部TYPHON. 當中尤以TRITON V2在性格上最大改變. 寧靜度, 通清與動態依然是蛇王的簽名音色. 但在中高頻由過往的率直純真換成有小小糖份. 的確較易令人喜愛.
談到本文主角, 到手的DENALI 2000T在外觀上一改SHUNYATA一貫設計, 企身的電處, 微微向後斜的面板, DENALI2000T的最顯明及靚仔我諗一定要數到佢既穩健底座, 連著四粒不锈鋼機腳. 對調聲有著顯著的影響.
而機背就是我最喜歡的改動, DENALI2000T擁有一對電線接頭的承拓位, 令一些重身的電線不用因為重量而令到與2000T接觸不良. DENALI2000T主要設計比後級使用, 所以有兩個15A的插座, 而電源輸入就使用20A. 隔離就係TRITON V2都有的地線接位, 今次我使用威馬牌地線接駁到YBA PH-1 PHONO AMP.
至於佢的技術方面, 照舊可參考下面條LINK..
http://www.shunyata.com/index.ph … hydra-denali-detail
今次的測試比較多變化, 原因係當我試緊部2000T期間, 一部怪獸級別的STEREO後級 DAN D’agostino進駐鎗宅. 所以就可以試齊DAN D’AGOSTINO及BRYSTON的分別.
在代理陳列室已煲了幾個星期, 理論上本已煲透, 可惜的是聽聞這電處要插電後三天先開始進入狀態, 所以我只好使用我對BRYSTON後長插2000T三日先開始測試.
測試器材.
ARC CD8, REF5SE, BRYSTON 7BSSTC, DAN D’AGOSTINO CLASSIC STEREO, MAGNEPAN 3.7
接線方面, 代理借來一條SIGMA HC連埋部2000T. 加埋我用緊既VENOM HC, 威馬牌地線.
不過話時話, 當對BRYSTON插入這部2000T後, 就算剛剛插電, 聾都聽得出個低頻力度與層次提升了很多很多. 就好似我對7Bsstc 升級28Bsst2咁, 連帶音樂感與音場都得到正面改善.
三日後再測試, 除左之前所講既提升外, 我在中高頻好像聽到一份SHUNYATA SIGMA系列的獨有甜味. 我估計這份聽感應該是SIGMA HC帶給它的味道. 為左試真部2000T, 我決定換走條SIGMA HC, 改以最平的VENOM HC插入DENALI 2000T.
開機後聽番剛才的樂曲, 那份SIGMA甜味依然淡淡地浸出, 尤其聆聽小提琴時, 更是明顯. 當然, 條入牆PC由SIGMA換成VENOM, 在整個音場, 動態與微動態都降低了很多水平. 不過今次我的測試目標是DENALI, 所以我最後決定打後的測試唔用SIGMA, 全部都用番條VENOM出聲.
試完我對BRYSTON 7Bsstc, 就要試埋部DAN D’agostino.
同之前的比試一樣, 部DAN開始時使用VENOM HC直插牆身供電. 聽左兩隻碟, 就將供電換番插DENALI 2000T.
這次的測試結果, 同我之前的BYRSTON 7B好唔同, 當部DAN插入DENALI 2000T後, 將原本已很大很大的音場再向後移, 即是深度增加了很多. 在高頻的擴散性來說, 加入DENALI 2000T後伸延得更為自然.
至於有沒有像BYRSTON一樣, 插左DENALI 2000T就像升級了一樣呢? 這我就答唔到你啦, 因為我都未玩過肥DAN的其他MODEL.
不過最尾我都想講多樣野, 由於部肥DAN放上架後, YBA PHONO AMP條地線我就一直都插喺DENALI 2000T. 直至昨天寫緊報告時, 先諗起如果甩左條地線會有咩問題呢? 當時我立即鬆開地線, 發覺低頻力感鬆散了, 人聲樂器結像力開始散了少少. 背影亦多了少少雜訊.
其實這部DENALI 2000T的電源方面已經好堅, 我係估唔到佢既地盒設計都有料喎. 尤其對全頻音質結像力有好明顯的提升. 在此建議2000T現用家一定唔好浪費這地盒接點唷.
今個星期六, 大家就有機會即場比較一下2000T, 6000T, TRITON V2等等的電處威力, 所以依個報告到此為止. 等你地星期六親自感受啦. 而我就等完SHOW後, 再試埋部6000T先.
———————————————-完———————————————–
代理: 聲望音響
實價: $24,000
http://www.avantgardehongkong.co … nali-series-d2000-t
