~ 序 ~
你地都知道我自從玩左黑膠後, 痴左線咁沉迷於膠道, 就連我之前最愛的ARC CD8都無咩開機, 依家部CD8最大功用就係咁…..
最近行開添置, 上去15樓諗住聽下對AD MONO BLOCK, 點知比我見到佢個飾櫃放滿一隻我不認識的品牌. 本文主角ABSOLUE CREATIONS (下稱AbC)
係發燒友都知尚賢代理得的品牌件件精品, 我又八八卦卦咁睇下依隻ABC造功如何先? 眼見這品牌的線身大多使用黑色布質材料, 再配搭各款不同插頭, 問下代理條ABC係咩國家既線材, 佢話ABC係法蘭西出品, 仲話你拎返去試下夾你對屏風啦. 包你中毒….等等等( 下刪三千字…
我自己對法蘭西的線材一向都又愛又恨, 愛係因為佢的風格實在太美化, 美化得像一每件樂器, 每把人聲都有好柔好長的尾音連貫全首歌, 真係毒死人無命賠.
恨既就係因為佢太美化, 有D POP / ROCK MUSIC就欠缺埋身感, 刺激感.
因為我份人聽歌太雜, POP / ROCK / CLASSIC / 小品咩都聽得一餐, 所以我到依家都未試過入手法蘭西線材.
~ Absolue Creations 公司資料 ~
對於我這發燒年資尚淺的玩家, 對ABSOLUE CREATIONS簡直無咩印象, 所以上網睇番佢地既資料, 先知道這公司在法國於2009年已開始生產各式各樣的線材, 線材共分
DATA CABLE
SECTORS
SERIES ES-TIM
SERIES OP – TIM
SERIES IN-TIM
線芯方面, 在網上的資料實在不多, 經代理了解, 本文主角Versailles只係二佬, 使用FURUTECH FI-48插頭.
對上仲有一條叫TIM-Signature. 每個SERIES都有齊IC, PC, SC, 連USB都有提供呢. 可謂打盡每個消費群.
~ 測試 ~
使用器材
LP System
盤: – SME Model 10 (PC-Shunyata Python CX)
臂: – SME Model 10
頭: – Ikeda 9TS
唱放: – Rogue Ares (PC-Absolue Creations Versailles, IC-Kondo LS41)
CDP – ARC CD8 (PC-Absolue Creations Versailles, IC-Matisse Gold Reference XLR)
PRE-AMP – Rogue Audio Athena (PC-Shunyata Python CX, IC-Guru樂 XLR)
Power Amp – Bryston 7Bsstc (PC-Shunyata Venom HC, SC-Acoustic Harmony G1)
Speaker – Spendor D7
要試真這條Versailles, 我必須使用我的 CD8, 我用這部CD8長達三年, 這三年間插過佢的電源線由幾千蚊至十幾萬都有, 所以對佢的表現熟到不得了. 用來初試這條Versailles, 真係一聽就知龍與鳯.
使用的軟件由瑞鳴的神話, AGA的演唱會, KEIKO的MOZART PIANO CONCERTOS玻璃CD. 真係咩都試晒. 得出結論係我又要洗錢了.
這條Versailles的特性可唯強到連我鎗王都跌晒眼境. 依家既所有頂級電源線都標榜無色無味, 高清速度快. 有時我都試到有點迷網! 
定價過十萬的線材不是要有自己的個性嗎? 條條都差唔多, 我點選擇先?
偏偏這條Versailles的性格就是強, 柔美, 厚聲, 空間感大, 質感與連貫性超強. 對一些薄聲系統簡直就是仙丹一樣. 一插立即起晒水.
我自從買左對SPENDOR D7, 一直都好滿意佢的音聲與音場表現, 當然, 論音場密度, 這無法與我的屏風比較. 可是當我將這Versailles插入CD8後, 屏風的音場密度竟然再次在D7身上出現. 人都顛!!! 
中樂如[神話], POP/演唱會如AGA演唱會, Versailles表現出音場闊大而密. 人聲與樂器的質感強了很多很多.
AGA人聲嬌美左好多, 當人聲厚度與分析力取得平衡, 歌者的情感就能輕易表現出來.
再聽埋玻璃CD, 低音琴鍵的琴腔一出, 我簡直不敢相信這是這小小的D7能出的厚度. 高音琴鍵的長長尾音竟可長時間漂浮在喇叭上空, 久久不散.又係人都顛.
試完CD, 當然要試埋條Versailles插PHONO Rogue Ares,
一如CD8一樣, 黑膠質感本已比CD強, 今次再加埋條Versailles, 播放鬥牛場, 果份音場, 密度. 人聲的分析力與厚潤度已超出我所估計的提升.
所以我試完套膠後, 我決定拎去其他組合, 試多幾次VERSAILLES的實力.
過左兩日, 我拎條VERSAILLES去一個會員屋企, 佢使用DCS前與JEFF R MONO後級. 用將這VERSAILLES插喺佢部DSC後, 聽左幾隻古典, 得出的結論係VERSAILLES強項並不只在於音場密度, 最強的地方就是他的音樂感與分析力, 我可以話這VERSAILLES在中頻的分析力與水份, 已經可以與好多六萬元級別的電源線比美. 當然, 屋主同我都一齊中左毒….唯有科金了事.
後話:
第一次試ABSOLUE CREATIONS這品牌, 我有份感觸, 極級線材, 本應就有著自家品牌的濃厚色彩. 這才叫現今的發燒友玩得過引.
厚厚的音樂感一直都是C品牌代名詞, 現在, 更高級的音樂感代名詞將被這ABSOLUE CREATIONS所取締.
今次初試VERSAILLES, 立即中毒, 當然, 這價錢已是我所能負擔的極限了. ABSOLUE CREATIONS的大佬TIM-SIGNATURE, 喺我寫完這篇報告後, 我必定會借埋番屋企測試, 不過我自己可以放心, 這條大佬的價錢遠超我的能力, 所以應該唔會再中毒了….希望啦.
—————— 完 —————————-
代理: 尚賢音響
實價: $33,800 2M.
