有關iNCRECABLE這間公司背景, 我諗我唔需要再介紹, 早於半年前, Legionee的文章- 美國原點Increcable精品膽合併機TIA 260R 已清楚介紹過這個成立了14年的美國品牌.
今次我收到的INCRECABLE產品是一個全能拖板, 咩叫全能? 一個拖板六個插位, 再加兩個分別了DIGITAL與ANALOG的地線插位.
這可以說是我在2016年試過最平最抵玩, 靚仔又靚聲的產品.
如果HIENDY有THE PRODUCT OF YEAR…. 這件產品我會評超高分數.
大家先看看相片.
拖板iSUPPLY
大家可以見到iSUPPLY機身使用厚厚的黑色混合金屬, 加上純銅面板. 單單以外觀就能吸引我的注目.
面板上每個插位都用絲印印上該使用的器材, 當中包插兩個POWER AMP插位, 一個PRE-AMP, 一個PHONO AMP, 一個CDT, 一個DAC. 總共六個位.
而面板前端, 除了INCRECABLE品牌LOGO外, 還有三粒LED燈仔, 分別是- OPERATING, GOUND, PHASE.
入電位使用最常用的15A插, 易於配搭其他線材.
入電位兩邊則有兩粒金屬地插, 提供DIGITAL及ANALOG器材使用.
最後到拖板的底部, 原件黑色金屬, 這個iSUPPLY論設計造功, 我可以比90分.
有關技術資料, 你地可以去佢官網睇睇
http://www.increcable.com/ipc-6-2.htm
除了全新IPC6[GB]外, 代理還很貼心地提供INCRECABLE 15A電源線iPOWER,
四款不同插頭的地線,
仲有控震調聲墊MVD-1.
亦由於代理已跟晒線材比我, 所以我老實不客氣就將我所有器材(包括一對BRYSTON 7B MONO BLOCK)插晒入IPC6GB, 而連接牆蘇就使用佢條IPOWER CANAL. 兩條地線就分別使用BNC頭地線接駁ARC CD8, XLR頭地線就接駁部ARC REF5se.
長煲兩星期先認真測試.
每次測試新產品, 我都比足心機去煲練, 希望可以測試到該產品的真正實力. 今次的iSUPPLY, 在第一日剛開聲時, 真係比佢嚇左一跳. 慘不忍到, 所以我估計這拖板及IPOWER CANAL要煲兩星期先會進入狀態.
奇怪既係, 當我第二日開機落針, 聽隻太極-沉默風暴第一首亞基拉, 動態與低頻已見有明顯進步. 以我的要求, 已叫做聽得入耳.
之後每天的變化越來越明顯, 尤其是連貫性與空間感. 最終, 我只煲了10天左右的時間, 我覺得這表現已經有九成表現, 所以就拎幾隻爆棚古典出黎爆一爆佢, 在BRYSTON與屏風的極度扯電要求下, 這ISUPPLY與CANAL電源線比我的第一聽感係力量與通清並重.
這令我很難相信這個一萬元不到的拖板, 表現可以有這樣出眾. 尤其在大音壓下的穩定度, 簡直令我目定口呆, 這表現明顯已是兩萬以上級別的水準. 而無可否認, 我在這刻想起了它的地線, 這穩定度功效可能有部份是這對地線而來的.
試完穩定度, 我就再拎幾隻LIVE碟, 測試音場的深闊. 聽左第一隻鬥牛場, 這沒可能吧, 音場闊度與包圍感只差少少就可以包到我的皇帝位. 係咪顛左?
無可否認, 測試這ISUPPLY時, 我是帶有有色眼鏡, 以一萬元級數的心態去評測這ISUPPLY. 結果, 這品牌令我大跌眼鏡, 原來現今HIFI市場, 還會有”超性價比” 這四個字.
今次的測試, 的確令我重新了解INCRECABLE這家良心品牌.
當然, 代理仲比左好多地線 及MVD-1給我測試. 我今次就唔寫咁多啦, 留番下個REPORT先寫埋D地線同MVD-1墊啦.
有興趣試下ISUPPLY既網友, 襯佢仲喺我屋企, 歡迎上黎一齊交流下.
代理: Audio Access
網址: http://www.audioaccess.hk/www.audioaccess.hk/HOME_zhu_ye.html
Isupply 實價: $9800
Canal 電源線實價: $4600
