MPS

又係YBA!

自從對上一部YBA PH1離開左我家後, 我到依家都忘記不了法式幼細與優美。

當然, 試PH1的時侯, 我是知道YBA仲有部頂級Phono PH150.

聽代理所講, 部PH150高班過PH1不止兩班, 所以先令我上次無下決定買入PH1, 死人都要試埋PH150先再作決定。

到手的PH150好重手, 比PH1重手好多呀. 睇番佢官網, 重11.5KG. 拎鬼死我.

開箱相片我就唔分享啦. 都係果D好穩陣既PACKING啦, 無咩特別.

而反值得一提係PH150的金功好靚, 金功的意思係佢在每一塊铝板上的細節位都做得好完美. 至於面板, 一貫YBA頂級PASSION的簡約設計, 只有一個DISPLAY及一個圓型扭制.

YBA做PHONO一貫都堅持避免任何不必要的信號路徑上的切換。所以無論我之前測試過的PH1或今次的頂級PH150, 用家只需要將你的PHONO CABLE插入機後的MC / MM, YBA內會自動MATCH番你個唱頭. 極之方便, 這對於我這黑膠初哥來說, 就沒有SET錯數值的機會了.

大家見到機背共有三組RCA輸入, 分別為MC / MC HIGH / MM, 而輸出部份就有一組RCA及XLR. 而我部ARC當然是使用XLR輸出啦.

 

 

至於這PH150有甚麼可以值得我分享, 簡單來說就是它機內的所有組件, 零件, 全都出自YBA原廠.
YBA所有PASSION系列, 全都使用自家零件制造, 這使得設計師更能掌握每粒零件的特性與極限.

而我上網睇番這PH150內裡所使用的電容水塘, 這根本就是超重量級別, 詳細就自己睇相片啦.

 

 

 

至於我測試的前端器材, 都係使用SME MODEL 10 + ACOUSTICAL SYSTEM ARCHON. PHONO線就使用跟臂的VDH 501 SILVER.

在我玩黑膠一年的經驗來說, 測試的PHONO起碼已超過六部, 今次這部是第七部的PHONO, 先談論價錢, 亦是最貴的一部.

但最貴係咪第於最靚聲?! 玩開黑膠既老友都知唱放當然要夾唱頭. 話番我粒ACOUSTICAL SYSTEM ARCHON, 輸出有0.5mv輸出,

去到0.5mv, 最易配搭唱放, 這亦是我買這archon的原因之一.

講番部PH150, 由於佢機內已有牛牛自己攪晒D 配對, 所以我只需將對VDH 501 SILVER插入MC輸入端, 睇清楚佢粒”啪制”喺MC位置, 就可以接駁埋對GURU XLR去前級, 極之方便.

初開聲時, 這PH150給我的感覺就是我之前測試PH1的聽感, 法式柔情. 有關PH1的報告, 大家可以睇番下面條LINK.

Racewong report~尋找唱放之路 YBA Genesis PH-1

上次部PH-1因為唔駛用電源線, 其實我極有興趣. 而今次主角PH-150因為要使用電源線, 加上話晒這部都係YBA的旗艦, 所以我使用了兩條不同價位的電源線去招呼佢.

由幾千蚊的VOVOX去到六七萬的ABSOLUTE CREATIONS. 部PH-150在電源線的敏感度超高, 可以講係話比好D佢, 佢又會再好D. 因為我之後仲試多條十幾萬的電源線比佢, 這部PHONO都好似越賣越有貨.

講番轉頭, 咁依部PH-150又有咩特性? 最簡單的講法就是PH-1的加強版, 但唔係X 2咁簡單, 佢的表現係PH-1的三,四倍.

由於這PH-150係石機PHONO, 所以我由拎番黎開聲到依家都未熄過機, 每天都聽到佢的變化. 至於佢的變化, 就係由本來已很優美的基礎上, 穩定度與質感越見強勁. 尤其係播放現場錄音的大型交響樂, 這部PHONO已能做到幼細與氣勢並重.

我屋企雖然未試過最頂級(過十萬)的唱放, 但以我這幾年的聆聽經驗, 這部YBA PH-150已達最頂級唱放的水準, 可惜依部PH-150太重, 我唔可以拎去週圍A/B比較. 唉!

總結, 這PH-150已達頂級唱放的水準, 尤其播放現場古典錄音, 樂器質感與現場氣氛令我勁有衝動將佢據為己有.

如果你地打算升級PHONO的話, 一定要試埋這PH-150先下決定唷.

代理: 悠揚音響
實價: $50,000

http://www.hiendy.com/hififorum/ … d=100947&extra=

  • 目錄