MPS
~ 序 ~

上個月剛出左INCRECABLE IPC-6[GB] 拖板的測試報告後, 收到好多老友問我, INCRECABLE的地線表現如何? 佢地仲有無其他產品可以推介下?!

 

 

我自從做左餅主, 有機會接觸好多器材, 線材的開發者. 從他們口中得知很多技術性知識, 就好似今次報告中會談到的地線.

記得六年前我第一次接觸的地盒, 個個發燒友都對這玩意讚到飛起, 可惜我拎到返屋企測試後, 結果並不如意. 當時我只是使用幾條最便宜的銅線連接器材與地盒, 當連接後發覺整個音場向下急墮, 歌者好似坐喺地下唱歌咁. 當時我只是錯怪了個地盒. 並不知道玩地盒就等於玩地線. 唔係條條線都可以做地線, 使用大品牌出廠的地線的確係信心的保證.

INCRECABLE, 其廠方出產任何產品都是經過好多實地測試與研究數據出來的結果, 除了我上次介紹的iSUPPLY拖板, 當然仲有其他產品啦, 就好似今次我測試的iGROUND.

至於佢地所使用的技術/理念等等, 有興趣就自己去睇睇啦.

iGROUND

我想講既係, 地線並不易造, 你見INCRECABLE網頁的數據, 就知道唔係求其搵條線, 駁個叉頭都可以有好效果呢.

~ 測試 ~

今次我使用了兩條iGROUND: GS-2 SXF XLR去叉, 及GS-2 SR RCA去叉頭.

 

分別將佢地接駁到我的ARC CD8 與 ARC REF 5SE. 叉頭當然係接駁番iSUPPLY啦.

起初, 我將兩條iGROUND駁晒入iSUPPLY的GROUNDING PORT, 等佢地RUN順左先再作測試. 點知我一插就插左兩個月, 係時侯要測試了.

首先我將CD8條GS-2 SR甩開, 聽番我最近最鐘意聽的童麗最新大碟: 國語十大金曲.

首先發覺童麗把靚聲乾左, 有少少好似偏左去高頻方面, 當然, 你可以話佢把聲變得少女左, 但在我套組合裡, 乾就是乾, 尤其係一D本來已很嬌媚的尾音上, 我硬係覺得有好少好少的開叉添.

一不離二, 我再甩開部REF 5SE的GS-2 SXF, 音場深度的感覺明顯下降, 整個音場的前後比例像壓縮了一像, 平面了很多. 深度變差了, 連帶分隔度都變得比較模糊.

頂, 聽慣左兩個月的iSUPPLY連地線, 我竟然返唔到轉頭?! 我可以好老實話比你知, [係]. 所以我立即插番晒兩條地線, 再聽多次, 果然, 童麗把充滿水份的聲線返晒黎, 仲有樂器的分隔度與音場應有的深度都出現番. 咁你地話肋, 邊有可能可以甩左兩條地線啦.

你地如果都玩緊地盒既話, 竹找建議你地都買番條GS-2 SR番去接駁你地的數碼音源, 改善之大, 可能比佢自家的iSUPPLY更勁.

代理: Audio Access
價錢: http://www.increcable.com/i-ground.htm
零售店: 旺角輝煌

~ 完 ~

http://www.hiendy.com/hififorum/ … p;extra=#pid2559081

  • 目錄