玩黑膠真係好好玩, 有咩唔滿意只需換粒唱頭, 就能改變成套組合的性格.

就好似我玩膠玩左一年, 前前後後換左第四粒唱頭, 每粒唱頭都有唔同性格唔同特色.

最近, 我同聲望TONY傾開, 依排HIENDY好多人都分享鈦金屬運用於黑膠系統上的優點, 順便問下佢有無D唱頭係鈦金屬製造, 佢就介紹左本文主角比我啦, 一個德國品牌 – Acoustical Systems (下稱AS).

在香港, 越來越多AS用家, 不過我所知道係香港用家多數都只是使用佢的唱臂 The AQUILAR and the AXIOM,

當然仲有佢地個SMARTractor 啦.

當然, TONY唔會就咁介紹依粒頭既資料比我啦, 佢咁啱有個盤裝左粒The Archon, 咪開比我聽下囉.

講真, 我去咁多次聲望, 佢D器材我都聽到熟晒, 尤其係聽黑膠, TONY多數會使用日本品牌IKEDA唱頭播放比我聽. (如果唔係, 我之前都唔會中左IKEDA毒啦).

果次係我第一次聽AS唱頭, 初步比我的聽感係, AS the achon比IKEDA 9TS大氣很多, 尤其係聽D POP, ROCK, 或大棚古典, 果份現場空間感, 音場深闊, 每件樂器的聚焦力都高兩班. 但數到最吸引我的是, 每件樂器聽感上都有一份光彩. 份光彩的確好吸引…

喺我聽緊隻Tutti!的時侯, 我隻手不自覺己拎左個銀包出黎了..

TONY見到我既舉動, 立即叫我冷靜D先, 比多兩首歌比你聽下先決定啦.   好, 我就聽多兩首…見佢換碟, 攪番隻heartbreak 同 kidd姐出黎, 聽完兩首, 我開始明白TONY想表達D咩?!
~ IKEDA貴為日本唱頭品牌, 其精細與小小糖衣的特性好似就聽得出, 一些小品與小型室樂, 9TS就明顯比The ARCHON優勝半個馬位, 不過, OVERALL的聽感, 我始終喜歡AS THE ARCHON的穩定與工整, 多於9TS的日式幼細.

結果, 咪就係比錢了事囉.

有關THE ARCHON的資料, 你地可以去下面個官網睇下.

ACOUSTICAL SYSTEMS THE ARCHON

粒AS THE ARCHON在我家已唱左成個月時間, 等我分享下D 靚相比你地睇下啦.

丫, 差D唔記得講, 粒THE ARCHON實價係 $ 28,400

http://www.hiendy.com/hififorum/ … d=101473&extra=

~~ 完 ~~