本文主角全名應該叫TIGLON PREMIUM SERIES TMB-50 AUDIO BOARD <E-LIMITED>
早兩個月, 數字馬田已為大家測試了本文主角的細佬 TMB-10E. 記得佢的總結好正面, 促使我要親自測試這塊大佬50E墊板
到手的50E使用一個好靚好有型的黑色紙盒包裝, 拎上手, 重量都唔算重. 睇番官網寫佢只有3.7Kg, SIZE為470W×425D×26H㎜.
四邊外圍使用三層夾木製造, 厚度比10E略厚, 中間果塊黑色板尾就有粒鑼絲位比你用黎接駁地線,
而今次既50E都跟左條TIGLON MAGNESIUM SHIELD CABLE, 比你接駁黑板與器材之間.
上次馬田講到塊黑板接駁左地線後的功效咁勁, 所以我今次就週番轉黎玩. 一開始已經將條地線連接喺我部CD8的頂蓋鑼絲位.
第一聽感比我都係果D啦, 咩靜左, 黑左…等等. 不過與我使用的SYMPOSIUM SEGUE, 最明顯分別應該係TIGLON 50E係黑靜與暖暖的柔和, 而SEGUE係黑靜與爽朗開揚.
不過講到背影寧靜, 50E就明顯級數上係高班D, 因為使用這50E後, 毛噪感相對減少了很多, 線條實淨得黎仲有D靚靚的尾音拖尾.
試完幾首歌後, 再試下將條地線甩開, 很奇怪, 我發覺甩開左條地線後, 除左毛噪感增多左少少外, 大致上的性格與之前分別不大. 這可能是我部CD8本身的機殼問題.
所以我就試下將塊50E搬過去墊部YBA PH-150 PHONO AMP. 試下個分別會唔會都係咁.
馬田果然講得啱, 試這50E的最佳器材果然係PHONO, 駁了地線的50E, 在音場方面最大分別, 尤其是深度明顯改善. 其次就是低頻跳跳力與力度更實淨, 分析力更高. 在聆聽ADELE 19的My Same尤其明顯.
最後, 你地一定問我自己鐘意邊塊板多D? 以表現來說, 50E的質素應與ULTRA同級, 但兩者性格各異, 一塊沉穩溫暖柔情, 一塊爽朗開場.
真係要睇下你套組合需要.
除左聲音上的分別, 兩個品牌的外觀都好靚仔, 說到底, 咪又係要襯番你個HIFI架用緊咩質料, 咩顏色. 咪襯番咩品牌既墊板囉. 
————- 完 —————
代理: LABKABLE
實價: $3980
