鎗王係咪次次都介紹天價產品? 唔係囉. 只要件產品夠靚仔, 又真係有改善的話. 我一定會介紹比大家, 好似本文主角- INCRECABLE iBLOCK.
上次試完地線, 當然要試埋佢地個四舊膠磚啦, 其實我稱iBLOCK為膠磚又有D唔係咁啱, 因為這iBLOCK底面使用黑色膠質物料外, 中間仲有一塊幾厚身下既水松木. 都係果句啦, 有關佢地既設計及理念, 有興趣自己去下面條LINK睇睇啦.
我將這iBLOCK墊在我部CD8腳底. 開聲時我只感到中底頻的彈跳力好左少少, 真係好左少少咋. 心諗INCRECABLE咁大間廠, 無理由咁少改善都推出市場掛. 之後我就將四粒IBLOCK放在機底與SOLIDSTEEL板中間, 即係唔用CD8既膠腳. 立即聽到好大既改善. 大家記住, 係改善, 唔係改變. 因為我聽到全頻質感都有提升, 最正係中低的厚度與彈跳力提升得最強.
之後睇番佢地網站講, 這iBLOCK除左用來墊機, 也可用它作吸震用途, 即是將這iBLOCK放在機頂, CDP就可以放在TRAY上方, AMP的話就放在牛牛位置的頂殼上. 都可以起到吸震作用.
我就使用這iBLOCK放在我的CD8 CD TRAY的面蓋上作. 使用人聽小品作測試. 發覺加左這IBLOCK後, 中底頻的線條實淨左少少. 我見佢咁得意, 咪又試下將這iBLOCK放在我對SPENDOR D7頂囉. 丫, 這次的改善係分隔度好左, 將這iBLOCK放在喇叭頂不同位置. 音場的深度都有少少改變. 好鬼過引.
我再睇睇代理SEND左三套iBLOCK比我, 我咪試下將對SPENDOR D7的釘腳甩開, 再用這iBLOCK墊底又試試. 頂, 墊左iBLOCK的SPENDOR D7, 其中底頻的彈跳力與量感都有一定提升. 音場深闊就最為明顯. 而最擔心的高頻又無衰減. 當然, 線條方面比晒用金屬釘腳係無收到咁緊, 略為鬆化番少少.
至於iBLOCK除左可以墊機墊喇叭, 放機頂吸震外, 用家亦可使用iBLOCK放在你的墊板與HIFI RACK中間, 好似以下的相片咁.
講左咁多. 套iBLOCK墊材會唔會好貴?!
我答你…$650一套. 一套四件.
我諗每個HIENDY會員都應該買番三四套喺屋企慢慢玩.
– 完 –
代理: Audio Access 駿博音響
實價: $650 (一盒四件)
零售: 旺角輝煌音響 (友誠11/F)
