D&M

半年前, 我為一對幾百蚊的RCA寫左短短的序, 本來果對RCA我打算比ROCKSTAR寫, 但最終都忍唔到手, 寫番兩句. 點解? 因為我真心覺得有料到囉.

今次我要介紹依條USB HD-990都只係幾百蚊貨仔, 喺佢地的淘寶網上, 價錢只係賣緊七百幾蚊人仔. 啱晒我這CAS初哥.

上去ORDER條USB, 兩日後就送到我屋企, 到步後的USB HD-990, 包裝盒上已經寫上這條X-9的線芯用料.

 

 

仲見到大大隻字寫住原產地: 台灣.

拎條線出黎, 線身比較柔軟, 黃黑布質外皮, 夠晒醒神.

 

 

 

這條HD-990, 我試放在我的ANTIPODS與IFI USB 3.0之間, 聽左多首流行曲, 好似AGA演歌會, GIN LEE隻新碟等等. 第一聽感係這條USB HD-990比我原先的USB線更靜. 高至超高係偏向柔順耳類型, 不過在中低頻的彈跳力就略嫌斯文過頭. 所以第三首歌我就用首古典去試試這條HD-990. 得出的結論係小提琴質感都靚, 有水份. 最令我驚喜的是微動態. 我估唔到這條幾百蚊的USB線, 在小提琴與鋼琴合奏時, 都能夠比我聽到支弓在絃線上的細微變化, 及與鋼琴的動態對比.
至於低與超低方面, 都係偏向一浸浸的低頻慢慢浸出, 打心口的感覺就略嫌不足了.

總結這條幾舊水的台灣USB HD-990, 竟然係走古典路線. 以價論質, 都應該要推介比HIENDY網友呢.

http://www.hiendy.com/hififorum/ … =2583395&page=1

  • 目錄