D&M

現今HIFI界, 除了一些在80年代已風靡國際的品牌依然一支獨秀外, 現在多了很多很多新品牌.

無論外國或東亞地區, 有好品牌老闆或設計者, 本來都不是做HIFI這行業, 只不過他們大都燒過頭, 市面上的器材/ 線材已滿足不了他們的要求. 他們只好自己設計, 造出一部合自己心水的器材或線材.

在香港, 我剛認識了一間新公司- NEBULA.

https://www.facebook.com/Nebula910/?fref=ts

其老闆就是上文所寫的那類頂級發燒友, 又要求多多, 廠線已滿足不了, 決定自己設計造線的超級發燒友. (依D燒到要自己造線的儍佬, 我通常都叫佢地做超級發燒友. 哈哈)

NEBULA老闆們自己擁有的器材全屬頂級名牌, 以他們的經濟能力, 本已試盡天下名線, 但為何他們都甘願浪費時間在這門賺唔到錢的行業呢? 咪就係因為夠燒囉.

當我了解左依間新公司的背景後, 我好有興趣去測試一下他們的線材威力可以去到咩境界. 不過大家都知我寫報告的首要要求, 一定唔可以醜樣. 太醜樣的產品我係唔識寫的.

依家你地睇緊依個POST, 即係話比大家知, 佢的OUTLOOK已通過了我對產品的外觀要求.

到我手的NEBULA, 共有平衡線與USB線各一條, 線身與熱縮膠全是灰色設計. 線身柔軟, 造功都OK靚仔.

先睇睇佢地個FACEBOOK介紹全個系列共分為

以USB 線為例:
Classic Copper X 系列 (銅系列)
CP-X                 1.25M $2580
CP-X PLUS                1.25M $4380

銀系列: PLANETA – 1.25M $12800

依個入門系列Classic Copper X Plus (下稱 CPX+ ) [線芯採用導體使用150股0.02 mm sq連續結晶鍛造純銅及無氧銅獨立屏蔽結構, 最緊要係佢地獨家MET技術與特別訂制的1%鉑金高純度銀錫焊制程序更大大提高傳導速率及增強導電性。]

而低一級的CP-X  [線芯採用導體使用150股0.02 mm sq連續結晶鍛造純銅及無氧銅獨立屏蔽結構, 最緊要係佢地獨家MET技術與特別訂制的1%鉑金高純度銀錫焊制程序更大大提高傳導速率及增強導電性。]

對於線芯使用甚麼甚麼, 對我來說只可說是REFERENCE ONLY. 因為我知道無論用銅/銀/鈀/鉑…etc造線, 最終出黎既取向都係取決於造線者對聲音的要求與偏向性. 所以你地好少睇到我介紹條線既線芯用料, 不過既然今次係我第一次為NEBULA寫報告, 我點都會介紹一下呢.

~ 測試 ~

CDT : ARC CD8

MUSIC SEVER : ANTIPODS DSGT

DAC : MSB ANALOG DAC + POWER SUPPLY

PRE-AMP : ARC REF.5se
POWER AMP : AIRTIGHT ATM-300

SPEAKER : SPENDOR D7

由於今次NEBULA比左對XLR及USB我, 所以我就使用我部CD8去接駁到我的前級ARC REFERENCE 5se.
曾經在這組合接駁的線材大多超過兩萬元級別, 今次測試這對NEBULA對我來說, 可算是最便宜的XLR了, 究竟依班儍佬造出黎既線可以去到咩級數呢?

 

 

大家可能會留意到, 今次對CPX+ 我沒有比時間佢地煲線, 因為設計者在造線後, 經過MET煲線技術, 已經將這對CPX+ 煲了24小時,. 加上佢之後再慢火煲左100個鐘先比我, 所以我免除左煲線時間, 一插即聽. (不過設計者講話用家到手後, 最好都要經慢火再煲多100 – 150小時先會進入最佳狀態.)

測試軟件我就先使用POP MUSIC去試試佢的音樂感與連貫性與中低頻量度量與分析力. 這對CPX+比我的第一聽感係人聲有一種吸引力, 水份豐滿, 喉底清晰. 其中頻的感染力好強. 而佢的速度感我覺得係有少少偏慢, 聽小品時, 更容易造出適當的氣氛.

既然佢感染力咁好, 咁無理由唔試埋支小提琴掛, 唔試尤自可, 一試就奶左野.  聽隻靚錄音的小提琴, 其中頻的分析力超強, 厚度有份肉感. 這份肉感, 我稱之為有血有肉的演奏.

試完小提琴, 就試埋D爆棚交響樂, 播左幾首爆棚, 聽感上這對CPX+並唔係標榜音場既深闊度, 反之當播放交響樂, 這對CPX+的氣氛凝造力極強, 好好FEEL.

試完對CPX+ XLR, 就拎埋條CPX+ USB出黎, 將佢插喺ANTIPODS與IFI USB 3.0之間.

 

 

丫, 依班設計者果然有頭腦, 這入門CPX+ USB的特性與之前條CPX+ XLR性格基本上係一模一樣. 大家需知, 玩CAS最容易出現的問題就是音樂感與連貫性,  尤其係中頻的肉地與連貫性方向, 好多時都出現粗糙感.

而這條CPX+就正正針對中頻的連貫性與音樂感而生產. 當我換左這條CPX+ USB後, 全頻的順滑度都有所提升. 音場大少深闊都沒有壓縮.

一聽就聽左成個星期, 越聽越有味道, 以佢的表現, 我估計這CPX+的定價應該要超過15K, 所以我就打比個設計師問下價錢.

一問下得知條USB線只係HK$4,380 (1.25M), 而XLR就HK$8,180 (1.5M).
最入門果條CP-X 1.25M都係$2,580 (1.25M)

當然, 如你硬要帶有色眼鏡去睇本地品牌, 我只可以講, 你地會試少好多好抵玩的產品.

以價論貨, 本地品牌開個訂價比你, 佢的表現起碼值三倍價位的產品. 至於你信唔信都好, 佢地的全線品牌已經放喺VOLENT AUDIO (BEN SIR) 葵芳間公司度. 歡迎大家一齊上去研究一下.

http://www.hiendy.com/hififorum/ … d=102475&extra=

————— 完—————-

  • 目錄