這是我第一次試玩300B後級

自從愛上屏風後, 300B這類膽機, 基本上與我是絕無關係, 各代理們一聽到鎗王試機, 必定要出到MONO BLOCK等等的千火巨獸去招呼.

SPENDOR D7出現在我家後, 我終於可以上嘗300B的獨有魅力了. 而且第一次試300B, 就係AIRTIGHT 30週年版的ATM-300.

上年廣州AV SHOW, 睇到AIRTIGHT最新推出的ATM-300 ANNIVERSARY版後級, 推動一對FOCAL SOPRA No2, 以9火輸出的300B, 竟然可以推到對SOPRA有板有眼. 所以我喺廣州已同代理講左, 完SHOW後一定要送部比我深入測試這部ATM-300的魅力.

一直到上個月, 代理先得閒SEND部ATM-300比我. 咁我唯有收埋對屏風, 搬番對SPENDOR D7出黎, 配搭依部十萬元級別的日本國寶級品牌AIRTIGHT ATM-300 ANNIVERSARY.

到步後的ATM-300 Ann. 個紙盒大到爆, 大家可以先睇相片.

開箱後見到幾個紙盒.

其中一個就係使用木盒包裝既300B靚膽.

 

 

 

 

大家睇到依對300B, 就知道這對300B是全機的命脈, AIRTIGHT廠方精挑細選, 配對完美的結晶.

而另一個紙盒, 就放著其他的膽仔. 而機面就放左說明書及幾份人手簽署的QC報告.

 

 

 

 

值得一提係依部ATM-300的重量, 拎上手都差D唔夠力, 估唔到佢咁細部膽機仔, 其重量達 24kg.

小心將佢部入SOLIDSTEEL機架, 再駁好晒D線材, 先發覺AIRTIGHT所選用的插頭好實淨, 尤是是個IEC插, 我將條INCRECABLE旗艦電源線插入ATM-300後, 點郁都郁唔甩條線線. 堅呀.

至於部ATM-300 所使用的牛牛是使用AIRTIGHT特別訂制. 與市面一般牛牛, 在聲底上有很大分別. 以於係咩分別, 我一陣再講. 大家先睇下相片先.

 

 

機後的IEC座

一組RCA輸入

右左聲道獨立輸出扭鍵.

 

 

頂級喇叭插

使用的器材都是我一貫的ARC CD8 + REF5se, CAS就使用ANTIPODES DSGT+MSB ANALOG DAC, 黑膠就依然是SME+ACOUSTICAL SYSTEM, 再使用LUXMAN E250 PHONO, 喇叭就當然使用SPENDOR D7啦.

部ATM-300試左幾日, 除左發現依部使用300B膽後的推動力與控制力遠超我想像外, 就是超強分析力與順滑感.

反而我最期望佢的300B獨有味道, 一D都出唔到….

當時我估計問題可能出於部前級ARC REF5se, 所以我就叫代理送多部AIRTIGHT ATC-2前級給我一套出聲.

 

此前級一貫AIRTIGHT設計風格, 簡單易用, 沒有刻意賣弄簡約風格, 所以按鍵都在面板前.

 

 

 

當使用ATC-2取替REF5se. 由於我沒有RCA, 所以接線只能使用GURU 入門級RCA.

講起依條價值兩千幾蚊的RCA, 佢的買點就是豐厚中頻與分析力. 所以用黎接駁我套黑膠組合, 可唯相得益彰.

駁好晒前後級都用晒AIRTIGHT後, SPENDOR D7出黎的中頻分析力與微動態立即得到提升, 尤其是ATC-2這部膽前, 與我自己的ARC REF5se比較, ATC-2在中高頻的糖衣味比ARC更容易討好我, 在低頻方面則互有勝負, ARC就是氣勢與音場深闊都強, 但AIRTIGHT則在微細位有更多都層次變化. 聽一些小品時, 一支牛筋就能將ATC-2的強項表露無遺.

不過話時話, 我要求的舊有300B味道, 在這全套AIRTIGHT組合裡, 依然聽唔到我要的東西…

大家有睇開我報告的網友, 都知道我口味偏濃, 另一方面, 玩得300B, 就是愛上300B的獨有味道. 但這部AIRTIGHT 300B的性格就只能在幼細與力量能給與我驚喜.

雖然這套AIRTIGHT 組合在很多HIFI元素都超我套ARC+BYRSTON, 當中贏得最明顯就是幼細與順滑, 質感方面亦都是一面倒AIRTIGHT大勝. 但針無兩頭利, 我估計AIRTIGHT的三浦篤先生, 在設計這部ATM-300 ANN.時, 是故意使用非一般的300B調聲技巧, 使到這部不一樣的ATM-300 ANN. 除了保留300B應有的幼細順滑外, 在推動力與控制力都落左好多功夫.

這部ATM-300在我屋企已超過一個月, 到訪我家的網友對這ATM-300推SPENDOR D7, 出來的氣勢與幼細, 無不中毒身亡.

上過黎聽野既網友們, 你地都分享下你地的聽感好嗎?

———————————-完——————————————-

後記: 我為左能享受全套AIRTIGHT的美聲, 最後叫代理送埋部唱放ATE-2005與2016年剛推出的升壓牛ATH–3. 下次再同大家分享埋這套PHONO + 牛牛的魅力啦.

——————————————————————————–
代理: GURU ACOUSTIC

http://www.hiendy.com/hififorum/ … d=102725&extra=

  • 目錄