D&M

上次介紹了萬宜大廈既凌智Showroom, 令老一輩的發燒友都記得80-90年代, 音響行業的最輝煌時期.

前日, 收到一個電話, 叫我去一間叫寶樹的舖頭影相, 介紹一下. 因為佢話我個POST令佢記起萬宜附近其實仲有好多值得介紹比網友的舖頭, 其中之一, 就是: 香港寶樹無線電行, 仲話依家這類舖頭在香港越來越少了, 自從秋葉原都結業後, 佢話香港已經無咩依類舖頭, 所以想我在HIENDY介紹一下. 因為佢覺得, 這類舖頭應該要好好保育.

而HIENDY作為音響發燒網站, 當然樂意去介紹一下這間在港島區中環 – 香港寶樹無線電行.

發燒超過15年的前輩們, 我諗你地一定認識寶樹, 但新一輩的發燒友, 可能真係唔識, 在中環的橫街, 原來有一間專間買音響零件的老舖.

地址就在萬宜里21至23號閣樓.

自從萬宜裝修後, 這條萬宜里就好少人會入去, 因為感覺實在污穢, 但在電車路那邊一望入去, 就已經見到-寶樹行個招牌在街中間.

行上半層樓, 就到達了今次的目的地, 寶樹行.

 

在門口, 我已忍唔住要影番D相片了. 實在太有80年代FEEL了. 推門進去, 眼見兩邊的飾物櫃放滿-不同型號的真空管(膽), 牛牛, 仲有好多我唔識的零件.

再行入去就見到一大排零件櫃, 聽說, 如果寶樹都無既零件, 在香港你都好難搵到了.

我仲拍左條片,

希望大家(尤其係新一輩的發燒友), 一諗起要買音響零件或配件, 就諗起中環有間寶樹行. 支持一下依類小舖.

 

http://www.hiendy.com/hififorum/forum.php?mod=viewthread&tid=103822&extra=page%3D1

Categories: Feature, 專訪區
  • 目錄