~~序~~

六年了, 由MAGNEPAN 1.6玩到依家3.7, 身邊總有前輩叫我試下加隻SUB仔. 而我自己的信念就係兩聲道如果玩得好, 唔駛加SUB仔都可以玩得好好啦, 因為我玩HIFI初期, 去左定位李家訪, 知道喇叭擺位根本就是皇道.

一直, 我都覺得我屋企套屏風組合, 比上不足, 比下有餘. 低頻量感絕對足夠. 如果有睇開我報告的網友都知, 我只係到依家都未滿意中頻的感染力與中低頻的抽擊力吧. 所以我由始至終, 都未諗過要加SUB仔.

上兩個月, 名望SET左套地動山移的REL六神合體, 經過東哥示範後, 終於明白到SUB仔對全頻音場的密度, 輕易提升至更高境界, 所以二話不說我就叫東哥送隻T9i去我家測試.

~~產品介紹~~

REL T9i, 屬於REL重低音系列裡的中低階型號,

有關Setting 方面, 1o1o之前的文章已經寫得好清楚, 詳情可以去下面條LINK睇番.

REL S5 SHO Wireless 英國鑑聽級超低音使用報告

亦因為1o1o寫得實在太詳盡, 所以我今次只係寫寫我自己玩這隻T9i的睇法與聽感.

我成日都覺得兩聲道玩超低音最大問題係不能同步, 即低頻永遠會遲DD先出. 但這REL的特點就是使用左佢獨有的HIGH LEVEL INPUT技術, 使超低頻與主喇叭的時間誤差盡量縮減.

第二就係佢個HIGH LEVEL INPUT係接駁到你的後級喇叭座攞SIGNAL, 即是話一方面佢唔會食好多功率, 二來就算你部前級只得一套OUTPUT, 一樣可以玩到REL.

隻REL送到我屋企的時侯, 我當時是使用一套AIRTIGHT推SPENDOR D7, 所以使用佢條HIGH LEVEL CABLE接駁部AIRTIGHT 300B時, 我只需跟番佢本說明書上所寫, 就可以駁到. 不過依隻T系列的VOLUME ADJUST, Hz ADJUST全都在喇叭背後, 並使用一般圓鈕設計.

唉, 睇到依三粒野, 對於我這AV初哥來說, 可唯毛蟲入手….

如果對上S系列, 係有埋個DISPLAY比你睇到你的VOLUME & Hz數據. 所以如果你真係想買隻/對REL玩的話, 我建議比多少少錢, 買S系列以上的型號, 會比較方便調較.

三粒按鈕下方就是15A的IEC插座與及STANDBY制.

詳細你地都係去睇番1o1o個POST啦, 佢寫得真係好鬼詳盡.

講番我的調較, 睇番對SPENDOR D7 SPEC., 佢話佢對D7最低可以去到29Hz–25kHz, 玩開HIFI既都知道對D7要於左最完美的擺位, 先可以出到最低果浸低頻, 所以我一開始就將隻REL SET去45Hz, volume就只開三格 (max去到40格), 開三格即是好細好細聲.

聽左一首古典, 一首pop後, 妖, 真係無聲喎. 開左等於無開一樣, 發覺真係set得太細聲, 所以就一格一格咁加上去, 最後去到第5格, 一開聲已經聽到全個音場的厚度提升了很多, 而最令我確定這setting無錯既係, 我係聽唔到超低有多到的情況下, 超高頻的伸延提升了.

所以我唔明D人點解話加超低好難SET, 我花左大約30分鐘, 就已經攪掂. 可以慢慢聽歌了.  不過我要補充番少少野係我隻REL T9i擺放既位置正正係兩隻主喇叭中間後一尺的位置. 亦都可能係位置上的優勢, 所以我唔駛點攪個相位已經可以match到對屏風了.

當然, 你班友仔一定問我, 咁你有無買先?

我可以答你, 我買就買硬啦, 依家只係同老闆講緊數, 買G系列或是S系列呢?!

最後, 我覺得無論你地依家有幾滿意你屋企套音響都好, 一定要抽時間去名望 或 輝煌, 聽聽REL這品牌的超低音, 可以為兩聲道帶來咩改善提升.

 

http://www.hiendy.com/hififorum/forum.php?mod=viewthread&tid=103862&extra=page%3D1

 

  • 目錄