御品音響舉辦嘅超級銘器展已經舉辦咗四屆，每年都有過百人嚟睇騷，雖然係咁但仍然有好多人唔多清楚入場細節，我哋有必要提醒大家，嗱，如果你打算嚟睇騷就要留意喇！
1. 展會分為兩日，星期六有兩場舉行，持票人士可依時進場，而無票在手嘅朋友請你改為星期日先嚟睇騷，因為星期六已經爆滿，插針都插唔入，千祈唔好諗住嚟碰運氣，以我哋幾年嘅經驗可以話你知，No Way !
2. 星期日喺免費入場兼自由參觀，由上午11點至到下午4點，閣下可以帶私家碟嚟聽，想搵品牌嘅設計師傾下又得，影相就更加無問題，御品嘅團隊會好樂意為大家做器材示範，發燒友約埋三五知己一齊去聽都係一個相當唔錯嘅節目！
3. 以下數項係星期六活動細節，星期日嚟嘅朋友可以唔使理！大會安排咗飲品及美點招待大家，每場結束後就可免費享用，所以第二場嘅朋友嚟咗都唔好心急，聽完騷就輪到你哋享用美點。
4. 每場騷嘅頭段時間將會有兩間展房同時進行示範，入場人士會分成兩批進入展房，聽完半小時示範環節後，兩批觀眾需互換房間聽埋另外半小時示範，最後所有觀眾會進入第三間展房聽壓軸示範，全程約為兩小時，敬請留意！
5. 完場後憑票去到門口招待位置可取回按金HK$20.。
現場有我哋同事招待大家，如果需要協助可以搵我哋幫手，多謝合作！
https://www.facebook.com/Audiotechnique/?hc_ref=PAGES_TIMELINE
