第一次見依個品牌, 就在SAM AUDIO試音室, 講真, KARAN一系列既器材, 都有統一性, 金屬拉絲面板 (有銀色或黑色選擇), 面板中間就是DISPLAY KARAN品牌LOGO與設定. 沒有花巧吸睛的設計. 就這個OUTLOOK, 本來吸引唔到我去留意這品牌.
而SAM哥眼見我好似唔係太在意依個品牌, 滿有信心咁話搵日送部去你屋企比你試下, 包你中毒. 就係咁, 依部KARAN PH1 PHONO就送到我家.
簡介吓依間廠, Karan Acoustics 成立於1987年, 已經三十年了, 設計師叫Mr. Milan Karan, 喺一位電子工程師, 開始時都係自己砌機, 及後再成立KARAN ACOUSTICS.
今次依部一件過既PHONO比較重身, 睇番官網寫佢個重量達18KG, 以一部唱放來說, 18KG算係比較重型一類.
至於佢既面板真係得兩個圓形旋鈕, 左邊係正/反相, 右邊係EQ曲線 (RIAA，EMI，Decca，Columbia和Teldec).
開關制放在機背電源位置.
講開機背, 介紹埋佢輸入輸出都有一組XLR及RCA. 而因我部前級關係, 我當然使用佢既XLR輸出啦. 不過大家要留意佢接地個位係使用蕉插, 香港代理已經跟左一粒蕉插比你接駁PHONO條地線.
至於佢果三隻腳, 我應該無見過有廠方會咁重本使用Finite elemente Ceraball. 聽代理話KARAN設計師好鐘意FE這品牌, 所以佢既器材大多使用FE機腳產品.
大家齋睇完佢個外殼好似無咩特別啫. 點解鎗王都會寫咁大篇野去讚依部PHONO呢?
咪就係因為佢既內在美囉. 大家先睇睇佢入面所選用既零件及佈局先.
上網睇番外國既REVIEW, 大家都讚到依部PHONO既用料一流. 不過我都唔識電子野. 所以都係留番比你地品評下啦.
今次我使用的器材去測試這部KARAN PH1 PHONO, 就係使用我的新盤SME MODEL 15, 唱臂309, 唱頭ACOUSTICAL SYSTEM THE Archon. PHONO CABLE就使用跟臂的VDH 501 SILVER.
插KARAN PH1的電源線我就使用了ABSOLUTE CREATIONS VERSAILLES PC. IC使用GURU XLR.
喇叭方面, 我使用我對屏風MAGNEPAN 3.7. 講開依對3.7, 我之前的文章都經常提及佢好大食, 就算我使用到BRYSTON 7B MONO推動都只係剛剛夠力. 簡單來說就是我全套組合的配搭係啱啱夠GAIN. 如果部PHONO既輸出GAIN唔夠, 好多時我都要加牛牛去玩.
所以我每次試phono時, 都好擔心部phono既output唔夠.
記得代理拎部PH1比我的時侯, 佢的OUTPUT GAIN SET左去67db, 而我睇番佢份說明書上, 寫明最大輸出gain可以去到71db.
所以我二話不說就將個GAIN設定去70db, 點知出黎既聲好粗. 夠晒力, 但粗到爆, 所以就開蓋將OUTPUT GAIN調番去67db, 但都係唔夠幼細, 所以最後我要將OUTPUT GAIN調低到64db先夠幼滑. 不過我遲D會再試下將GAIN再下調至52, 試下會唔會更幼細之餘, 又夠氣勢呢.
不過話分兩頭, 我真係未試過測試部PHONO可以去到64GAIN輸出, 仍然夠聲比我套組合出聲. 這實在遠超我所估計.
我諗主要係佢入面的零件佈局使用[真平衡], 先可以做到以64 GAIN都可以有咁大輸出. 如果我用對SPENDOR D7既話, 我諗以我部AS THE ARCHON唱頭既0.5mv輸出, 部KARAN只需SET到52 GAIN已經夠晒.
試咁多部PHONO, 未試過見到本說明書上寫滿每間唱片公司的相片與EQ CURVE, 可見KARAN設計師對聲音的執著.
例如: 我拎隻DAVID OISTRAKH BEETHOVEN VIOLIN CONCERTO出黎, 由ANGEL RECORDS出品. 跟番佢個LIST去SET番EMI CURVE & 反相. 這SET UP明顯比RIAA & 正相在平衡度上與聚焦力更強. 氣氛凝聚力與高低伸延都得到勁大提升.
講開正/反相問題, HIENDY在開網不久, 大毒枭KYU888已經分享過, 大家都清楚無論CD或黑膠, 在錄音上都有正反相之分, 分別之大我諗我無需再在此討論. 我今次想分享其實係我未玩黑膠時, 雖然知道正/反相的分別, 而我部ARC REF5se又有[invert]按鈕.
問題係我自己唔會記得邊隻CD係正相, 邊隻係反相. 所以久而久之, 就無再理會正反相的問題. 專心聽歌.
及後玩黑膠, 大家都知玩黑膠唔懶得, 又要洗碟, 又要時間, 有時真係好睇你自己果晚有無MOOD!? 有MOOD既話, 開支紅酒, 楝碟, 消磁, 除靜電, 放碟, 選擇碟壓, 睇埋隻碟用咩EQ CURVE, 正/反相, 落針, 坐低慢慢享受.
玩黑膠就是麻煩, 但你亦可當作是一份享受, 一份在急速忙碌的工作過後, 在家用可慢慢咁處理, 享受一張張不同曲目的黑膠碟.
就是這份享受, 所以我依家有MOOD聽黑膠時, 好多時都會睇埋佢用咩EQ CURVE, 正/反相, SET好晒先落針.
————————————-
技術規格
輸入：1pr平衡XLR; 1pr單端RCA
增益：48dB – 71dB +一個用戶可定義的設置
加載：450Ω – 47kΩ+兩個用戶可定義的設置
電容負載：50pF – 400pF
Replay EQ：RIAA，EMI，Decca，Columbia，Teldec
絕對相位：可切換0/180度
輸出：1pr平衡XLR; 1pr單端RCA
尺寸W×H×D：50×11×39cm
重量：18kg
製造商：Karan Acoustics
KARAN PH1這唱放, 可以話係我試過咁多部最好聲的一部唱放, 亦都係配搭ACOUSTICAL SYSTEM THE ARCHON唱頭的一部唱頭放大器.
我最欣賞係佢既高輸出, 低低噪, 尤其係我這類使用一D靈敏度超低既喇叭, 好多時部PHONO的輸出都唔夠力. 夠力既PHONO, 底噪又高.
在數字上, 佢既輸出最高只有71db, 但我可以話比你地知, 以我測試咁多部phono的經驗, KARAN的64db輸出, 就等於其他唱放的70db咁上下. 所以如果你粒唱頭輸出低至0.1x mv, 我估計這部KARAN PH1都可應付自如.
當調到合適的數據後, 你會發覺全頻的質感, 線條都充滿水份, 音場的密度更是前所未有的完整.
在我玩黑膠這一年半裡, 大大話話都測試左十部唱放, 我可以好老實話比你地知, 我極愛上這部KARAN PH1, 但當我知道這部PH1的價錢後, 就好嬲自己個銀包點解咁唔爭氣… 因為這部能令我一聽愛上的KARAN PH1, 實價 : $98,000. 
睇黎我又要等出BONUS先可以找數了.
香港代理經銷商：SAM AUDIO
http://www.hiendy.com/hififorum/forum.php?mod=viewthread&tid=104569&extra=page%3D1
