今天, 2017年7月8日, 我首次參與御品音響在灣仔會展攪既音響展. 現在22:30, 回到家, 想盡快分享一些相片給你們.

御品音響, 喺我玩HIFI十年裡, 感覺這間公司就像是謎一樣的公司, 公司作風低調, 在網上簡直係[零宣傳]. 但在這兩三年間, 我身邊的好友們, 不約而同地買入御品所代理的產品, 當中包括TRINITY, GOBEL, TRIPOINT, VERTERE…etc. 仲要個個買完都好開心咁介紹比身邊朋友

在這十年間, 不經不覺, 佢地已成功建立了“御品代理, 必屬精品” 這八個大字深深印在香港發燒友心中.

喺個SHOW前一個月, 我地都訪問左御品音響三位老闆. 等我喺依個POST分享多次先.

講番今天的音響展, 御品音響將佢地所代理的品牌一次過搬晒過會展, 比大家有機會欣賞到一些[有錢都擺唔到]既頂級器材.

今日的安排同以往果幾年一樣, 一個下午分兩場, 頭場係13:00 – 15:00, 尾場係15:00-18:00.

由於有三間房間, 不同組合, 所以音響技術就安排到場者分成兩隊, 一隊入去S225聽TRINITY, 另一隊就入S226聽乾龍.

半小時後, 大家就互換房間. 最後, 大家就一齊進入S228, 感受一下[神曲]為大家帶來的震撼.

而今年大家既焦點, 當然落在兩米幾高, 由GOBEL設計的最新頂級喇叭-[神曲].

我仲記得我今日一入場見到這對神曲, 我都O左咀, 邊有咁大對的喇叭? 雙18吋低音, 兩米幾高.

 

齋睇相片, 你地都估到果份震撼力有幾勁.

兩隻隻神曲兩邊, 分別都接駁著TRIPOINT.

而推動依對神曲, 今天就使用了”仁風” “宙光” 及 “長空”推動.

反而最新款後級”火雲”就靜態展示. (這對火雲原來要明天(星期日)先會開聲).

線材大都使用了VERTERE及ARGENTO.

分享D相片比你地睇睇先.

 

大家睇完相片, 係咪已經留晒口水呢?! 哈哈.

咪住, 依間只係其中一間S228房, 另外仲有兩間, 兩套不同組合的示範分享.

睇完長空+神曲, 就要過另一間S226房間, 裡面擺放了ROBERT KODA及一對[乾龍]喇叭, [乾龍]喇叭只是一隻18吋低音. 但已足夠填滿S226的房間.

 

 

 

 

 

 

 

 

 

 

 

而最後S225房間就以TRINITY為主的組合.

今晚由於太夜啦, 我唔打算寫我的聽後感.

我依個POST只係急於出個簡報比大家, 因為我想話比大家知道, 明天星期日(7月9日), 11:00 – 16:00, 三間房間都會自由開放參觀細聽.

我鎗王強烈建議大家如果明天仲未約人的話, 同我一齊去會展聽下-[神曲], 一定可以帶給你們另一份音響全新感受.

好眼訓呀…..希望明天見到大家啦.

 

http://www.hiendy.com/hififorum/forum.php?mod=viewthread&tid=104929&extra=page%3D1