MPS

近兩年, VERTERE這品牌突然多左好多高高手使用, 尤其是VERTERE的線材方面, 個個都用到唔駛得換. 又話用過世又話超晒班咁…咁…咁…

如果你地有睇開我的POST, 我都POST過幾個家訪, 佢地都不約而同咁使用了大量VERTERE線材, 甚至全套器材都使用晒同一品牌.
在我的聽感中, VERTERE這品牌的特性的確係幾特別, 點特別法? 等我慢慢講啦.

先介紹左依條VERTERE PULSE-X的外觀先,

 

購買前, 你可以訂製不同接頭, 可以選擇叉頭或蕉頭,

 

由於我兩對喇叭都係使用蕉插比較方便, 所以我今次就借左對蕉插返黎測試.

 

另外, 講埋個銀色小盒子, 上面有粒制有1,2,3, 三個檔位比你選擇. 睇番佢地網頁介紹, 依粒制係GROUNDING ISSUE, “1”係接銀盒, “2” 接去地線, “3” 無GROUNDING.

由於PULSE-X個銀盒咁靚, 所以我就將粒制啪去”1″檔.

不過據設計師所說, 用家可以自行去試不同檔位去微調你自己喜歡的音色, 不過在我家中測試, 我就發覺這個銀盒子的三個檔位, 分別只有好輕微的分別, 而分別只係在於線條的實淨與鬆容度之間. 不過對於佢自家音色, 這微調在我來說, 唔係ABA比較, 都聽唔到分別. 所以我最終都係使用”1″檔.

每個擁有最頂級線材的品牌, 大都擁有自家品牌色彩, VERTERE都不例外, 我寫這篇報告之前, 都有上過外國FORUM睇過佢地既REVIEW, 我唔明白佢地成日話VERTERE的線材係無色無味, 不會突顯任何一個頻段.

在我聽過的頂級HB系列及PULSE-X系列, 明顯, VERTERE之所以吸引到咁多高手使用, 佢獨有的高中頻至超高的分析力與水份分配得極佳, 其他品牌的高頻係線性, 並帶有一飛衝天的感覺. 而VERTERE, 則在高頻線性中, 加入很多水份, 令你聽感上在幼細的高頻中都聽到很多微細變化, 這我們可稱為高頻分析力.

二佬PULSE-X 很明顯就有這份特質, 與我一貫使用的TRANSPARENT比較, 明顯兩者性者各走極端.
而老大VERTERE HB, 雖然我沒有拎到HB返屋企AB比較, 但以我的記憶, HB除了擁有以上特質外, 在下盤的表現都比PULSE-X提升很多很多.

TRANSPARENT強項偏向中低頻, 不過我使用的只是ULTRA型號, 在穩定性來說, 與VERTERE PULSE-X很接近, 但說到全頻分析力, 線條, 水份. 就輸得很慘了. 尤其是女聲的嬌柔度與感情方面最為明顯. TRANSPARENT ULTRA只能在低頻的量感比較VERTERE豐厚吧, 其他發燒素質都是PULSE-X勝.

今次VERTERE PULSE的報告, 我使用了新的介紹方式, 重點說出了我對VERTERE PULSE的聽感. 希望你地鐘意啦.

—————— 完 ——————

 

http://www.hiendy.com/hififorum/forum.php?mod=viewthread&tid=106461&extra=page%3D1

  • 目錄