建國大典 - 3 滅聲的美學

zelo

房間基本裝修大致上可以，唯獨部冷氣真係差咗啲，因為喺頂樓關係，天氣熱啲真係可以焗桑拿，於是又同業主講幾句，講講吓佢又肯幫我加多部冷氣，認真唔話得，好啦，要入戲肉開始諗吓點搞個空間處理，間房依家乜都冇，啲回音仲勁過入K場將個echo放大，需則知道依家乜都冇所以有回音，但係可以想像到套機入場後，出嚟個最差効果係點…







Room Acoustic treatment依樣嘢我從來冇搞過亦都好抗拒，因為屋企冇可能可以左一舊右一舊物件放住，所以我對依方面嘅知識好貧乏，但市場上有太多呢啲產品，買錯嘢好大機會差過唔用，總之自己唔識唔好扮專家，問專業嘅意見同親身試就最穩陣，第一個我先去搵德哥，膽粗粗發個WhatsApp俾佢問可唔可以做個Stillpoints Aperture II demo，估唔到好爽快答應咗，有局開班損友自然好似3D食人䱽咁湧過嚟，德哥好專業咁做咗demo，Aperture II個効果非常好，德哥只係放前同後已經清楚聽到個結像同音場嘅改善，結果當日係位位中，個個都要科水，真係D04，都叫咗佢哋唔好跟上去，我就先入定4塊試吓効果，另外我見德哥入面間房個天花板有幾塊用住，一問之下原來係叫做Aperture Cloud，於是我再買定四塊，預備放天花第一反射點用，總之之後啱用先再添食。另一樣就係AGS-FL1木棚，之前去Chris個showroom 已經知道冇得走，自己又用緊AGS-MN1，個効果真係意料之外地好，加上見識過好多家訪用家都係用緊AGS-FL1，我自己都親身體驗過用同唔用嘅差異，之前屋企冇位放，依家有地方點都要試試，所以又入定一對FL-1預備放喇叭前。





可移裝置大概呢幾樣，到固定設施，睇返間房，前後牆要點搞？老實講、租地方我唔太想添置太多固定設備，於是諗到用最簡單原始方法，叫師傅幫我加番兩條路軌，加裝四幅隔聲簾，効果需不最理想，但係有點都好過一幅白牆，到真係開聲唔惦再諗。

待續…

racewong

大哥, D聲攪掂未呀

zelo

racewong 發表於 2025-6-16 12:01
大哥, D聲攪掂未呀

有排～～～啲嘢都未到齊，依家只係暫時出到聲，要所有嘢到齊先可以再調整，我都就嚟變人乾。

racewong

zelo 發表於 2025-6-16 13:13
有排～～～啲嘢都未到齊，依家只係暫時出到聲，要所有嘢到齊先可以再調整，我都就嚟變人乾。 ...

可以減肥, 正呀

t1174

那麼是前軟後硬的設計嗎？

racewong

t1174 發表於 2025-6-16 15:28
那麼是前軟後硬的設計嗎？

前軟後硬??