我也成為DS Audio 光學唱頭一員

percyleo

重要時刻......我也成為DS Audio光學唱頭一員......開箱啦！拎起把鎅刀不禁有啲手震！今次開呢粒DS Audio光學唱頭箱比之前開SME唱盤更緊張,亦比上次upgrade Shelter 唱頭及牛牛更興奮！光學唱頭喎😍😍😍我不敢心急安裝,準備定調教架撐同埋摷返SME唱盤本說明書及睇埋DS Audio說明書！先同老婆去食個靚飯返嚟再慢慢搞！

PART 2

我已跌進光學唱頭嘅深淵

初步聽感我腦裡即有個難題......大鑊！我要將我嘅黑膠珍藏全部重新聽一次！！！若果大家係黑膠發燒友而家中黒膠又有一定數量珍藏那就真的大件事！！！她嘅表現係遠超乎想像！她嘅動態及分析力係讓我O咀到成個Mary咁，佢係將黑膠每條音坑嘅細節徹徹底底地刮清晒出嚟係完完全全對每一位演唱演奏者及製作者作最崇高嘅致敬！

返回安裝及調教唱頭過程，正如有師兄所說DS嘅光學唱頭在安装上沒什麼難度！加上SME支唱臂及唱頭殼絕對user friendly嘅設定不用戴上老花已9秒9安裝好，至於調教方面我就根據廠方recommended數據去調教唱重及防滑！順利安裝完後真係覺得自己好勁(其實係SME支唱臂已幫咗我起碼9成)唯一花上最多時間係接駁線材及擺位，為咗要令部DS唱放個盞藍燈成為櫃中焦點結果要跟部CDP對調位置，那裡又花上一定時間好讓線材舒適走位。

不經不覺完成晒正式亮燈已午夜！我就以Eva Cassidy nightbird(Live) ~side 7~time after time 及 over the rainbow 開聲！呢張碟side7我聽到爛熟！一落針起首Eva那段獨白我已不禁起雞皮！！那空間感那真實感我完全O咀！然後Eva開始演唱那會場上一些細微弱音都清清楚楚交待而且那結他弦聲尾音亦真實地清楚交代，縱使之前粒Shelter MC + 牛牛在人聲感情韻味吸睛力稍勝一籌(我終於明白有啲高階嘅黑膠發燒師兄會玩雙臂雙頭，咁就可以左右逢源不過我相信呢粒光頭經過一段時間煲練會於人聲方面青出於藍勝於藍) 但於整體空間感，音場，定位，分析力實在拋離得太遠！決定購買DS Audio呢粒唱頭唱放前我上網做吓功課睇過啲評測，最深印象係音響技術嘅一篇評測及評語: “DS Audio DS003唱頭+唱放再次感受衝出大氣層的快感 ”！而好多用家也說玩咗光學唱頭返唔到轉頭！！呢刻我終於明白體會，而另一大驚喜係我老婆.....她由房同七隻🐩🐩一齊出嚟第一句就話好好聽喎！我問她怎好聽？她道：唔識講總之就似喺現場聽一樣咁囉好有氣氛！我跟手換上另一張老婆也喜歡嘅大碟~Vanessa Fernandez......Use Me大碟！又係聽到我O晒咀老婆不停噏頭享受樣，每一首歌聽多好多之前冇聽到嘅細節而且每個音符節拍都好groovy！我自己也不自覺地打上拍子！就如首段所講~真的有必要將自己每張珍藏再重温一次！

就以上聽感唱頭及唱放雖是全新狀況還未熱身煲練但已有如此驚人表現！如音響技術所講“衝出大氣層嘅快感”！現實中我冇💵可做space X乘客真正衝上太空感受那快感！但現在我可透過DS Audio 呢套唱頭唱放套裝去感受她對唱片中每一粒音符每一個細節真實活潑地還原尤如飛入太空，深深感受到音樂工作者對每一首歌嘅努力與付出！相信喺嚟緊嘅日子粒光頭每天不斷嘅進步給我嘅驚喜每天也多一些💞家中每張唱片也變天碟💖

ConstantK

真係開心時刻，直頭進入一個全新境界

banjo

用咗光頭之後, 你就會發覺, 原來黑膠仲有好多, 音質上嘅細節未有發掘出嚟.

bigpun1975

識貨         

racewong

我想知第一次試光頭, 聽感如何?

percyleo

banjo 發表於 2025-6-26 08:39
用咗光頭之後, 你就會發覺, 原來黑膠仲有好多, 音質上嘅細節未有發掘出嚟.

係完全超乎想像！好多細節之前聽唔到,我所有碟一定要重新聽過

percyleo

racewong 發表於 2025-6-26 13:39
我想知第一次試光頭, 聽感如何?

我Facebook 出初步聽感post！我夜啲呢度再出

percyleo

banjo 發表於 2025-6-26 08:39
用咗光頭之後, 你就會發覺, 原來黑膠仲有好多, 音質上嘅細節未有發掘出嚟.

我已喺上面加咗我初步聽感！正如你說啲細節真心痴線！

racewong

percyleo 發表於 2025-6-26 19:18
我已喺上面加咗我初步聽感！正如你說啲細節真心痴線！

你攪到我都想快D換粒DS 聽下.

percyleo

racewong 發表於 2025-6-26 19:20
你攪到我都想快D換粒DS 聽下.

頂級嗰套好似係grand master

ieskn96

percyleo 發表於 2025-6-26 19:33
頂級嗰套好似係grand master

https://ds-audio-w.biz/products/1118/
FYI: 日本 DS Audio Grand Master EX 旗艦光學唱頭

P.S. https://www.hiendy.com/hififorum ... read&tid=148606
15-9-2024 [分享] DS Audio Grandmaster EX 終於...完美结合

P.P.S. https://www.hiendy.com/hififorum ... read&tid=145572
12-4-2023 [黑膠系統] DS Audio Grand Master Extreme 唱頭堅到爆炸

percyleo

racewong 發表於 2025-6-26 13:39
我想知第一次試光頭, 聽感如何?

最驚喜係落針之後,腦裡頓時多咗好多問號???!!!點解我聽到爛熟嘅歌原來內藏咁多咁多細節！

ConstantK

樓主師兄，你的po文實在太毒喇，緊要過太空油舊頭橫掂要打入冷宮，不如師兄買多個唱盆，一於兩劍合壁，勁

percyleo

ConstantK 發表於 2025-6-26 23:02
樓主師兄，你的po文實在太毒喇，緊要過太空油舊頭橫掂要打入冷宮，不如師兄買多個唱盆，一於兩劍 ...

太空油🤣🤣🤣師兄建議當然有想過但奈何地方有所限制,我家以🐩🐩為重！現有的已是妥協中嘅滿足！

ConstantK

percyleo 發表於 2025-6-26 23:31
太空油🤣🤣🤣師兄建議當然有想過但奈何地方有所限制,我家以🐩🐩為重！現有的已是妥協中嘅滿足！ ...

佩服師兄定力，一盆一頭夠哂數。但想必會好快沿此路升級上更高階的光頭哩

zelo

好快你會升級～

percyleo

zelo 發表於 2025-6-27 08:50
好快你會升級～

要同我七位主子商量吓😅😅😅

percyleo

今晚不一樣的陳潔麗令我更陶醉......
......我已飛咗上太空

percyleo

我真係一個勤力L仲唔L瞓！咁精美嘅user manual 當然要睇完再睇！

JohnWu

percyleo 發表於 2025-6-26 19:11
係完全超乎想像！好多細節之前聽唔到,我所有碟一定要重新聽過

太犀利了。恭喜晒! 雖然我冇接觸過黑膠。