＂盲測大比拼，估中我有醒＂(投票結果公佈)

pepsiman

＂盲測大比拼，估中我有醒＂競猜遊戲正式截止投票，而＂我最深愛的評語＂結果亦已選出。最後會員MC485以18票勇奪冠軍，而亞軍及季軍由10bucks360及yuppi以13票雙雙獲勝，三位會員所寫出的評語果然是字字珠璣、入木三分。本網站稍後會安排將禮品交到得獎會員手中，希望會員繼續支持HIENDY。

chinovince

恭喜獲獎者....

10bucks360

謝票
AND弓起MC485

yuppi

多謝大家支持

SmallEar

不如係呢個 post 度
再一次 copy & paste 位C兄 寫出的評語丫

qq1122yq

MC485

多謝大家同 HIENDY 團隊支持

粟米湯

真係強中自有強中手,一山還有一山高,小弟甘拜下風..

qq1122yq

仲諗住贏左着3點式俾大家睇添...

粟米湯

qq1122yq 發表於 2012-1-23 01:10
仲諗住贏左着3點式俾大家睇添...

pinkhung

qq1122yq 發表於 2012-1-23 01:10
仲諗住贏左着3點式俾大家睇添...

真可色！仲諗住公諸同好添

大ken

龍年第一露

pepsiman

得獎作品：

冠軍　－　MC485

終於有時間寫包膠

前言:

小弟對呢三部 bd player 比試好有興趣，難得 HIENDY 團隊有心主辦，正合小弟心意，終於有機會用"自己"雙眼同木耳分辨呢三部 player 各長短，同邊部比較夾小弟口味

小弟個人口味: 聲: 高音唔要搶，底音要有層次，唔好一味"並令bun林" bun 到想熄機，包圍感強，一定要耐聽 (成套戲咁耐喎...)   畫: 要有層次，color 唔好太誇張，有電影感

場次: 第一場第三行中間，開始之前小弟自己都懷疑自己對木耳分唔分辨倒三部機有咩唔同，好彩最後我都分得出

Comment & Answer:

A) Pioneer BDP-LX55
聲: 包圍感好，分析力同底音層次呢個 budget 冇投訴，但係高音搶，唔耐聽...
畫: 3D 效果突出，但係流暢度超差，睇到人都 ，顏色幾好，noise control 都好。2D 比3D 舒服得多，顏色、層次同 noise control 交足功課~

B) Cambridge Audio Azur 751BD
聲: 包圍感好，分析力同底音層次比  A) 更好，高音唔搶，聽得舒服，低音唔誇張，但 overall 耐聽~
畫: 3D 效果比較自然，流暢度好，顏色比 A) 淡小小，noise control 都好。2D 顏色、層次一流，好電影感~

C) Oppo BDP-95
聲: 包圍感只係比 B) 差DD，分析力比  B) 差，同 A) 差唔多，底音層次比  A) 同 B) 差，高音冇 A) 咁搶，但冇 B) 聽得咁舒服，低音比 B) 更突出，好爆，重口味，但係唔耐聽...
畫: 3D 效果同 B) 大致一樣: 比較自然，流暢度好，顏色比 A) 淡小小，noise control 都好。2D 顏色比 A) 同 B) 淡、層次亦冇 A) 同 B) 好......

如果呢三部俾我揀，我會揀 B)，最主要因為比較耐聽，就係咁簡單，其實三部機互有長短，冇話邊部 KO 邊部，真係夾口味囉...

雙亞軍　－　

10bucks360

A機 ﹣ P記55
先講講第1部試既機，一戴上3D眼鏡，好似冇開3D眼鏡咁
來回check左幾次眼鏡都係咁，總之好似對唔到焦，睇得有點辛苦
聲聽左一陣都估到應該係P記部55
因為高低頻伸得好小同音域較窄，聲音細節不足同層次感不足

B機 ﹣ 751
一開就拋得A機好遠，3D好自然立體
再開聲，高低頻伸得比A機多好多
聲音細節清晰立體，層次感足之餘亦聽得幾舒服
呢刻己經好肯定第1部機係P記55

C機 ﹣ OPPO 95
聽完B機，再聽C機， 其實好難講到邊部係OPPO，邊部係CAMBRIDGE
因為兩部機不論聲音細節，層次感，環繞聲效果都好近
聽左幾轉覺得係同級機
都花左一段時間先估到邊個打邊個
最後係聽出B機音樂感比較出色，聲音細節過後有餘韻有尾音
C機低頻有力聲音快速但呆板，似足屋企部93，所以推斷C機係95

畫面來講3部顏色同光位唔差十分遠，係暗位睇得出B／C機有更多細節同立體
3D來講A機唔知點解會咁，達唔收貨級，B／C機就VERY NICE

聲來講，A機如果真係55都交足貨，收兩三千冇咩要求
反而B機如果係751就有驚喜，聲音細節，層次感，環繞聲都好好
最正係比較完C機之後夠晒音樂感又有餘韻，屎啦有小小心動

yuppi

A機 - Pioneer LX55
Picture：好明顯有 Pioneer  的滲紅現像，紅色都會有一層層的斷層出來，我睇咗五秒已然認定佢係 LX55。3D 畫面好浮，好多 Ching 吾鍾意覺得好暈 (不過我 Like)，畫面缐條鋭利。
Sound：聲音連貫及空間感不錯，不過分析力較其他兩部差。
整體表現我俾 7 分

B機 - Cambridge 751
Picture：畫面顏色係三部之中最有電影感，好討人喜歡，自然舒服，缐條平滑及冇咩 noise (可能呢個就係咁多 Ching 買佢既原因)，不過畫面暗咗少少。
Sound：聲音比較斯文，空間感好好但分析力及低頻比 C 機差少少。
整體表現我俾 8 分

C機 - OPPO 95
Picture：畫面顏色都好自然舒服，冇咩突出但又冇咩出錯，冇味精及好有電影感。
Sound：聲音連貫性，分析力及空間感係三部之中最好，底頻比較埋身，但尾音收得比較快，整體聲音表現好適合 HD Sound。
整體表現我俾 8 分