【開箱圖+完整報告】Clearaudio Statement 唱片鎮

史的墳 · 發表於 2012-6-28 20:30:09

本帖最後由史的墳於 2012-6-29 16:00 編輯

這真是我近幾個月最想得到的一件 Hi-Fi 物件...... 現終於得償所願！

話說大半年前，毒王之其中一個傳人 louisc 到我家作客，除帶了幾隻毒黑膠，更帶了一件超毒毒物：Clearaudio Statement Record Clamp，佢話我聽完一定死！我當時半信半疑：呢舊咁既野，有幾厲害呀？！木加鐵一舊野，仲要賣成 5K 幾，一舊紙鎮咁既物體...... 很多問號在我腦內浮現........

好，就試下你！當日試碟為胡琳 - Jazz Them Up 膠膠，膠組合為 Clearaudio Innovation Compact + Morch UP-4（紅點）+ Acrolink 8N Phono Cable + Goldring Elite MC，Amp 合為老麥 C2300 + MC452，喇叭線是 Taralabs The One，冇落佢聽一次第一 cut，再落又聽一次....

一聽之下......... 我 O 晒咀，點解改變會咁大？改變程度分為三個地方：定位、人聲、三頻

先講定位，加左個鎮後，胡琳個人即時行後在，又高左，樂器層次分明，sexphone 出來的聲更明亮、清晰、高貴。

人聲，胡琳的咀仔收到得返一點，人聲更立體，更有線條美，而聲又變得再嬌俏一些，但又冇咁做作.....

最後是三頻，落左舊野後，高、中、低，三頻的分隔度都立時提昇，尤其，中、低頻，更加實淨清晰，更容易分得出中低頻的層次....

當時我好想叫 louisc 唔好拎走聽多幾日，但總是不好意思.... 之後一、兩日總是心思思諗住佢，舊野要成 5K 幾..... 好貴，但想到第三日終於忍受不到出動，叫 louisc 幫手去 Hi-Fi 德入貨，但好景不常，冇晒貨，仲要唔知幾時返貨..... 我一臉無奈，唯有痴痴的等.... 但一等就是大半年.... 中間試過數字台有人放二手，但唔夠人地快..... 唔通我咁冇運....

時間匆匆，過了大半年，我的 config 亦已大變，Goldring Elite MC 換了 Phase Tech PP-1000，Amp 亦換了達蕭，但我還是不時想著它為我的組合帶來的轉變....

皇天不負有心人，今日同 louisc whatsapp 時我又問他，他就幫我問下 Hi-Fi 德，結果是：有貨！！！嘩，我立即就入手啦！！！

今晚食過飯後，沖過涼，即刻試一試，睇下效果同之前我的感覺是否一樣.........

再次聽返胡琳，又係冇落佢聽一次第一 cut，再落又聽一次.....

聲音在新系統提升了好多已經是不爭的是實（達蕭 CTH-8550 + Phase Tech PP-1000 + Morch UP-4（紅點）+ Acrolink 8N Phono Cable + Siltech Ruby Hill II + Siltech 550L），加上個鎮後，真的是如虎添翼，人聲再出一點，Analog 味再重一點，三頻表現比起用老麥時更強，分隔得更強，離晒箱.....當然達蕭的風佬好亦應記一功！

再聽一下 LAW 兄叫聽的 Clearaudio 碟：瑪花 + 阿伯度的 Concerto for Piano & Orchestra No. 3 in C major, Op. 26，效果更是明顯！之前用 Goldring 時，我同 Danny 兄 (dt825) 都話悶，冇感情，冇高底起伏，但自從換上 PP-1000 之後，已經完全不同，鋼琴聲非常有彈力，跳躍...... 而加上舊野後，琴聲表現就更上一層樓，密度增強了，高低鋼琴聲變得更連接，但最厲害的就連瑪花姐落琴的手指力度也能感覺到，完全能夠感受到現場一樣的境況，勁！！

呢隻野在調聲方面真的是非常厲害，打破晒我一路以來對調聲物品的感覺，尤其配上 Clearaudio 一套西裝，靚仔到呢.....

我覺得呢隻野除左可以隱住隻碟，減少階震，令到針杆能穩定與讀取膠膠的資料外，它更能對音色提昇方面帶來不少幫助，效果好比換了高一班的頭，但樂趣更甚，我用後就不能再接受冇左佢的聲音！！！！！！

但我相信這鎮只適合大 Platter 硬盤，因為佢對個盤負荷都幾大，要留意！

多謝觀看，鍾意的朋友請打分！

ke1 · 發表於 2012-6-28 20:36:28

恭喜師兄

pl96 · 發表於 2012-6-28 20:37:13

聲音有冇提升到呀！

Law記 · 發表於 2012-6-28 20:47:41

睇外面造形有特色，睇個底就知科技有料到，再睇佢放喺同系高貴唱盤上面，真係都唔知點講好嘞。簡單一句

似唔似寫繕稿

ncwah · 發表於 2012-6-28 20:57:34

出完臂又出鎮,勁到暈

Ayyk · 發表於 2012-6-28 21:43:32

好靚仔嘅黑膠combo

史的墳 · 發表於 2012-6-28 22:13:07

ncwah 發表於 2012-6-28 20:57
出完臂又出鎮,勁到暈

支臂買左好耐架啦！

史的墳 · 發表於 2012-6-28 22:15:42

Ayyk 發表於 2012-6-28 21:43
好靚仔嘅黑膠combo

多謝 Ayyk 兄讚賞。

我覺得聽音樂，音色與外觀（襯家居環境）同樣重要。

hkluwlui · 發表於 2012-6-28 22:23:22

Law記 · 發表於 2012-6-28 22:35:07

Clearaudio d嘢真係好正，就連佢出嘅cd都非常好聽。大砧板系列不在話下，早前買左隻heart blood ballad 藍調feel係我至愛之一！Clear audio 嘅LP用返同品牌器材、配件黎聽係味會好上加好？所以墳哥應該用埋佢嘅LP配唱盤同個鎮黎出report 呀！

Ayyk · 發表於 2012-6-28 22:54:51

史的墳發表於 2012-6-28 22:15
多謝 Ayyk 兄讚賞。

我覺得聽音樂，音色與外觀（襯家居環境）同樣重要。 ...

你個subject令我以為你入咗個statement盤,真正係有小小失望架.

史的墳 · 發表於 2012-6-28 23:01:36

Ayyk 發表於 2012-6-28 22:54
你個subject令我以為你入咗個statement盤,真正係有小小失望架.

Statement 盤要中左六合彩頭獎，換埋屋先買到！

racewong · 發表於 2012-6-28 23:29:22

史兄, 你份report寫得好毒呀! 加爆你分!

史的墳 · 發表於 2012-6-28 23:31:26

racewong 發表於 2012-6-28 23:29
史兄, 你份report寫得好毒呀! 加爆你分!

快 D 玩膠啦！

racewong · 發表於 2012-6-28 23:33:10

史的墳發表於 2012-6-28 23:31
快 D 玩膠啦！

連wellcome話送埋個盤 & LP比我, 都毒唔到我玩. 哈哈.

史的墳 · 發表於 2012-6-28 23:41:15

racewong 發表於 2012-6-28 23:33
連wellcome話送埋個盤 & LP比我, 都毒唔到我玩. 哈哈.

依家 D 膠無論一手、二手越黎越貴，你仲唔玩就......

JanHau · 發表於 2012-6-28 23:44:45

有質數既分享

masteralain · 發表於 2012-6-28 23:47:53

今日數字馬田，JSL同我都玩左以下4個碟壓，真係非常過癮！

- 發送自我的 iPad 大板凳應用

hkluwlui · 發表於 2012-6-28 23:59:41

非常認同Ching嘅講解，我放咗落去我個VPI唱盤到都即時o咀... ...不過近排我亦對stillpoint嘅LPI好又興趣，唔知Ching有無比較過兩者分別呢，謝謝！！

史的墳 · 發表於 2012-6-29 00:02:39

hkluwlui 發表於 2012-6-28 23:59
非常認同Ching嘅講解，我放咗落去我個VPI唱盤到都即時o咀... ...不過近排我亦對stillpoint嘅LPI好又興趣， ...

今日先從棍王口中得知 stillpoint 出了新鎮，價錢亦與 Statement 差不多，但我未試過，不好意思。

		自動登錄	找回密碼
密碼			新用戶註冊

[黑膠系統] 【開箱圖+完整報告】Clearaudio Statement 唱片鎮

評分

相關帖子

評分

評分

【開箱圖+報告】Clearaudio Statement 唱片鎮